یاماہا نے اپنی موٹر سائیکلوں کی قیمتوں میں 7,000 روپے تک کا اضافہ کردیا


یاماہا پاکستان نے اپنی موٹر سائیکلوں کی قیمتوں میں 7,000 روپے تک کا اضافہ کردیا ہے۔

موٹر سائیکلوں کی قیمت بڑھانے کی وجہ کے حوالے سے کوئی واضح تفصیل تو معلوم نہیں لیکن گاڑیاں اور موٹر سائیکلیں بنانے والے مقامی اداروں میں حالیہ رحجان کو دیکھتے ہوئے کہ جنہوں نے روپے کی گھٹتی ہوئی قدر کی وجہ سے قیمتوں میں اضافہ کیا، ہو سکتا ہے ادارے نے بھی اسی وجہ سے قیمتیں بڑھائی ہوں۔

تفصیلات کے مطابق کمپنی نے قیمتیں کچھ اس طرح سے بڑھائی ہیں:

ماڈل کا نام نئی قیمت پرانی قیمت اضافہ
YBR125Z 123,500 پاکستانی روپے 117,900 پاکستانی روپے 5,600 پاکستانی روپے
YBR125G 144,500 پاکستانی روپے 137,500 پاکستانی روپے 7,000 پاکستانی روپے
YBR125 139,500 پاکستانی روپے 133,900 پاکستانی روپے 5,600 پاکستانی روپے

نئی قیمتیں 14 دسمبر 2018ء سے لاگو ہوں گی۔ واضح رہے کہ یاماہا گزشتہ چار ماہ میں 8,406 موٹر سائیکل یونٹس فروخت کر چکا ہے جبکہ گزشتہ سال کے اسی عرصے میں اس نے 6,771 یونٹس بیچے تھے۔ یہ ظاہر کرتا ہے کہ برانڈ عوام میں مقبول ہو رہا ہے۔

مزید یہ کہ کمپنی نے ملک میں اپنے صارفین کے لیے نئی میٹالک گرے رنگ میں YBR 125G بھی لانچ کی ہے۔

تازہ ترین خبروں کے لیے آتے رہیے۔


My name is M. Ali Laghari and I love to read and write about Cars.

Top