15 اگست سے یاماہا پاکستان کی موٹر سائیکلوں کی قیمتوں میں اضافہ متوقع

yamaha-1

یاماہا پاکستان مبینہ طور پر 15 اگست 2018ء سے اپنی موٹر سائیکلوں کی قیمتوں میں 2,000 روپے تک کا اضافہ کر رہا ہے۔ یاماہا موٹر سائیکلوں کی نئی متوقع قیمتیں ذیل میں دیکھیں:

نئی متوقع قیمت پرانی قیمت فرق
یاماہا – YB125Z 119,900 117,900 2,000
یاماہا – YBR125G 139,900 137,900 2,000
یاماہا – YBR125 134,900 133,900 1000

یاماہا نے مئی کے مہینے میں 2,435 موٹر سائیکل یونٹس فروخت کیے جبکہ جون میں ادارے نے 1,978 موٹر سائیکل یونٹس شپ کیے۔

مقامی موٹر سائیکل برانڈز کی جانب سے قیمتوں میں مسلسل اضافے کے باوجود یہ مارکیٹ بڑھتی جا رہی ہے: موٹر سائیکلوں کی مجموعی فروخت میں سال بہ سال میں 26 فیصد اضافہ ہوا۔ موٹر سائیکل بنانے والوں نے گزشتہ سال جون میں 102,207 موٹر سائیکلیں فروخت کی تھیں، جبکہ رواں سال اسی مہینے میں موٹر سائیکل مینوفیکچررز نے 128,976 موٹر سائیکلیں فروخت کیں۔

یاماہا پاکستان کی جانب سے قیمتوں میں متوقع اضافے کے علاوہ سوزوکی پاکستان اور اٹلس ہونڈا پہلے ہی اپنی موٹر سائیکلوں کے نرخوں میں بالترتیب 6,500 اور 5,000 روپے تک کا اضافہ کر چکے ہیں۔

موٹر سائیکلوں کی قیمتوں میں اس اضافے کے حوالے سے اپنی رائے سے ہمیں نیچے تبصروں میں آگاہ کیجیے۔


My name is M. Ali Laghari and I love to read and write about Cars.

Top