Dear all Respected PW members. Assalam o alaikum.
i wanna share a story of mine and need a lil bit help to all fellow and senior members of PW.
Mere pass aik Alto VXR 2007 model hai jo k 1,15,000kms chali hui hai.Main pichlay 6 saal se apni car main CASTROL MAGNETIC engine oil use kar raha hon.main apni car ki apne app se bhi zayda care karta hon or jab jab car ka koi bhi kaam hua tau hamesha genuine parts dalwaye.koi 2 weeks pehlay meri car k Engine main se aik ajeeb awaz ana shuru ho gai jab car mechanic ko check karwai gai tau pata chala k engine ka fault hai poora engine kholna paray ga khair dil par pathar rakh kar pehli dafa apni car ka engine khulwaya tau kafi chezieen kharab niklieen, or jab car main se engine oil nikala gaya tau 3.Ltr ki bajaye sirf adha Ltr engine oil nikla jo k road bananay wali look se bhi kala tha jab k meri car main se kabhi Engine oil leak nai hua.Sabit yeh hua k jo Engine oil dalwaya tha woh jaali tha.Jis Oil store se oil dalwaya tha uss k pass shikayat lay kar gaye to un sahab nay yeh keh kar apni jan churwa li k Sir apni car se nikala hua Engine Oil laboratory se test karwa lain.Baqi Pakistan main yeh sab kaam kaise hotay hain or in k liye kitna time chahiye yeh sab app bhai bhi jantay hain.
Engine ka sara kaam karwaya gaya or 2500.Rs k Engine oil nay 25000.Rs lagwa diye.
Yeh sab likhnay ka maqsad sirf yeh hai k Pakistan main banda aitebaar karay tau kis par karay? pooray paise day kar bhi jaali cheez milti hai.
ap sab bhaiyon se guzarish hai k baraye meharbani meri Car k liye koi Acha Engine oil recommend karain,car ka model or mileage uppar likh di gai hai
or Meri doosri car jo k Mitsubishi EK wagon 660cc 2012 model hai jo k 55,000kms original chali hui hai.Main nay uss main first oil change karwaya tha or ZIC A+ dalwaya tha but main uss oil se satisfy nai hua.Barayee Meharbani iss car k kisi achay Engine oil k baray main batayen jo k main permanent use kar sakon.
Mujhe umeed hai k app sab bhai apne qeemti waqt main se thora sa waqt meri iss post k liye nikal kar jawab zarur dain g ay
Urdu likhnay ka maqsad yeh hai k woh bhai jo English sahi tarha nai samajh saqtay woh bhi meri iss post ko parh sakain or apni qeemti rayee day sakain.
Many Thanks.
Basel chaudhry (Lahore)