@jehanzeb_riaz: main ye jaan k hairat may hon k pakwheels per kitnay loag hudse ziada farigh hain, jo her kisi ki thread may bila waja mudakhalat rakhtay hain. Fazool offers aur fazool comments likhna inka mashghla ban gaya hai. koi kahega is tarah ki gari falan jagah per falan kimat per mil rahi hai, koi kahega is ka bonut touch, koi kahega iska keemat bhot ziada hai, agar kisi ko kahin aur is se achi aur saasti jeep mil rahi hai tu wahin se ja kar kiu nahi khareed leta??? yahan kiu sir dardi may mubtila ho raha hai???
main her model/type ki car/jeep ka shoqeen hon, mujhe model/type se kuch lena dena nahi hota, bas jo car/jeep dil ko achi lagay khareedta hon, na kisi se udhar leta hon aur na he kisi se fraud karta hon. main peshawar se lahore tak car/jeep ki khareed k liye jata hon agar woh achi lagay. aksar aisa hota hai k picture may jo car/jeep jesi dekhti hai woh wesi hoti nahi per ye tu naseeb ki batien hain. main ne bhot sari cars isi pakwheels per kharidi aur beechi hain aur agar koi bhi keh de k main ne kabhi bhi kisi se koi fraud kiya ya ghalat bayani ki, ya documenst ghalat hon, ya jo bataya woh na ho tu yahan per usay khuli ijazaat hai k woh saboot k saath sab pakwheels members ko batai k main ne kya bura ya ziadti ki hai. main na sirf us shakhs se maafi maangunga balkay uska nuqsaan bhi bharoonga. per ye baat her kisi ko dukh puhanchati hai k aap bila waja ya haqiqat janay baghair ultay sidhay comments likhain aur kisi shakhs ki zaat ko point karien. mashALLAH yahan per sab achay aur sahib-e-taufeeq loag hain jo koi bhi car kisi bhi keemat per khareed aur baich saktay hain. sab loag achay gharano se hain. ye site koi typical bargain nahi jahan koi kuch bhi bol de sirf kimaat kam karanay k liye. yahan her koi peace of mind k saath khareed aur farokht karna chahta hai. per afsoos k kuch besakhta alfazoon k istimal ki wajah se ab loag thread tu bana letay hain per price nahi mention kartay kiu k koi na koi phir se fazool comments likh kar uski thread kharab karnay ki koshish may masroof-e-amal hojaiga. bhoot se tu kam umar nojawan hain jinhay subah line may kharay ho kar parents se din ka kharcha lena hota hai aur yahan per aakar woh aapko bataingay k ye car kitni ki honi chahiye aur ye kitnay ki. pakwheels k moderators ka main dil se mashkoor hon jinho ne hamesha meri madat ki hai fazool comments delete karnay may.
baat rahi meray price increase ki tu uski asal wajah kuch is tarah hai keh aik tu jab bhi main apni car/jeep se ukta jata hon hasbe adaat tu phir mujhe car/jeep dhoondnay may bhot arsa lag jata hai aur koi bhi achi car nahi milti jis k pass jao tu 1 k 3 maangta hai aur woh unka haq bhi hai kiu k saalon car/jeep nai jesi rakhna koi mazaq nahi. aur wesay bhi pichlay aik saal se car prices bhot increase ho chuki hain. dusra price increase ka reason ye hai k 3 loag meri jeep dekh kar gai hain aur jin me se 2 ne 755k per raza mandi zahir ki per main ne unse sochnay ki mohlat maangi isi beech meray aik ne dost ne apni early 2004 Sportage 945k bechi tu usne mujhe batay k main apni jeep sasti de raha hon aur baad may mujhe itni jeep kabhi nahi milegi tu is wajah se main ne price increase kardi aur wesay bhi agar main sale karonga tu woh eid k baad, inshALLAH.
JEEP NAHI BIKTI NA BIKAY MAIN KHUSH HON AUR AAP SAB KI KHUSHIYAN MUJHE AZIZ HAIN.
aabhi bhi agar kisi k dil may koi sawal ho tu SAWAL AUR JAWAB DUNO APNE AP SE MANGAY.
PEACEEEEEEEEEEEEEEEEEEEEEEEEEEEEEEEEEEEE FOR GOD SAKE PEACEEEEEEEEEEEEE,