Day 7, The most adventurous and tough day for us. Jaisa k ma nay shuru ma apnay is tour ka basic maqsad bayan kiya tha k hum ko snowfall daikhni thi. So, Jb subha ma utha to kya daikhta hun k Muzzaffarabad ma badal chaye huye hain or light shower rain ho rahi hai. Zahir hai agar muzzaffarabad ma rain hai to neelam valley ma snowfall hi ho rahi ho gi, yeh sooch k dil bohot udaas ho gaya k "yaar jb wapis pohnchna tha tb hi barish honi thi." Lakin Allah ka faisla samajh k dil ko tassali di or next destination ki tayyari shuru ki. Takreeban 7.45 bajay subha ma utha tha or soocha k aaram say nashta kertay hain tb tak barish ruk jaye gi to safar shuru krain ***.
Hamaray 2 plans thay k ya to seedha gujranwala hi ja k raat rukain ye phir rawalpindi stay kiya jaye. Decide nhi ker pa rahay thay k kya krain. Wife ko kaha k safar shuru kertay hain, rawalpindi kitnay bajay pohnchtay hain yeh to baad ma pta chalay ga or phir vaheen faisla krain *** k kya kerna chahiya.
Nashtay ko dil nhi ker raha tha. Pichlay din k kuch fruits bachay huye thay vo hi kha liya or kuch dair daikhtay rahay k barish rukay. aakhir-kar 9 bajay tk barish ruk gai. Or hum ready ho k nikal gaye. Abhi bus adda say main road pay pohnchay hi thay k phir barish shuru. us k agay ki story pictures k sath sath....
Raincoats ma hum kuch yun dikhtay hain... Ma nay wife ko kaha k safar jaari rakhtay hain. Ho sakta hai kuch kilometer k baad barish ruk jaye. Waqt zaya kerna munasib nhi. To hum nay safar jaari rakha or Allah nay bhi barish jaari rakhi.
Kohala say takreeban 10km pehlay aik chota sa hotel dikha or ma road side pay hi ruk gaya. barish ho rahi thi. Hotel valay say pucha k "nashtay ma kya hai bhai". Us nay kaha "Paratha+Anda+Saag" n aik or cheez thi pta nhi kya. Baigam sahiba ko Chanay pasand hain nashtay ma to ma nay pucha k "Bhai chanay nhi hain kya?" to jawab NA ma hi aya. Mazeed hotel valay nay kaha k "Aap ayen or aik baar kha k daikhain, aap ko desi nashta kervatay hain saag ka." Ma nay wife say pucha k "tum saag kha lo gi" q k ma to anda paratha khanay ka shaukeen hun. Us nay kaha "haan saag ma kha loon gi lakin pta nhi kaisa bnaya ho ga inhoon nay." Ma nay kaha k "chalo acha na hua to tum bhi anda hi mangva laina, ab kam sa kam nashta to krain na." To dono agree huye or laga di bike side pay. Sb say pehlay us nay hum ko dehaktay huye koyelay la k diya k garmaish hasil krain. Is barish ma raincoats ki karkardagi daikh k mujhay pta chal gaya k yeh 2 number quality hai. Barish k pani ka andar jacket pay bhi ho raha tha or us ki vaja say jacket bhi thori thori num ho gai thi. Ghutnoon say lay k neechay tak pant bheeg chuki thi or joggers ka foam bhi pani choos chuka tha or khushi say "pachak pachak" ker raha tha.
Lain gee yeh aa gaya saag or paratha. Saag k uper 3 butter pieces paray huye thay jo ma nay picture ban'nay say pehlay hi utha k kha liya. Tandoori Parathoon k andar to jo thora bohot ghee tha hi lakin bahir bhi butter lagaya hua tha. Crispy parathay or saag or sath ma aik ajeeb say taste vala mazaidaar or thick raita. Aap loogon k moon ma pani to aa hi chuka ho ga... Bohot hi mazay ka taste tha saag ka. Ma nay apni life ma kabhi saag nashtay ma nhi khaya lakin is saag ki baat hi kuch or thi.
Lain gee saag to ho gaya khatam lakin paratha abhi baki tha.
Phir ma nay or saag mangvaya or khata hi gaya.
Yeh bhi bohot shauk say hamary sath kha rahi thi.
Kashmir Driver Hotel. Ma nay khanay k baad hotel valay say khanay ki bohot tareef ki. 3 large size parathay+2 tea+saag jo thora sa baad ma bhi mangvaya+1 egg or bill bana sirf 200pkr. Ma highly recommend kerta hun tourists ko k jb bhi jayen yahan say saag paratha zaroor khayen. Agar kisi ko maza na aye to mujhay btaye, ma us k bill k paisay ma ada ker dun ga... Muzzaffarabad say Kohala ki taraf jatay huye yeh hotel left side pay ata hai.