Originally published at: https://www.pakwheels.com/blog/urdu-benelli-600-300-here/
Read in English
پاک ویلز نے چند ماہ قبل اپنے قارئین کو بتایا تھا کہ بینیلی پاکستان میں300cc اور 600cc بائیکس متعارف کروانے کا ارادہ رکھتا ہے۔ اور اب بینیلی نے اپنا وعدہ پورا کر دکھایا ہے۔ ذیل میں موجود تصاویر میں آپ دیکھ سکتے ہیں کہ مذکورہ موٹر بائیکس لاہور میں واقع بینیلی کے گودام میں پہنچ چکی ہے۔ اب بس ایک دو روز کا انتظار باقی ہے اور انہیں باضابطہ طور پر متعارف کروا دیا جائے گا۔
سفید موٹر بائیک بینیلی 302R ہے جس میں 300cc واٹر کولڈ متوازی ٹوئن-سلنڈر پیٹرول انجن شامل ہے جو 6-اسپیڈ گیئر باکس کے ساتھ 11,500 آر پی ایم پر 38.26 بریک ہارس پاور اور 10,000 آر پی ایم پر 26.50 نیوٹن میٹر ٹارک فراہم کرسکتا ہے۔ سرخ/ سفید/ سیاہ کی اس مخصوص کلر اسکیم کو ’’وائٹ روسو‘‘ کہتے ہیں۔
سنہری رنگ کی بائیک بینیلی TNT 600i ہے۔ اس برق رفتار موٹر سائیکل میں واٹر کولڈ 4-سلنڈر انلائن انجن شامل ہے جو 6-اسپیڈ ٹرانسمیشن کے ساتھ 10,500 آر پی ایم پر 54.6 نیوٹن میٹر ٹارک کے علاوہ لگ بھگ 85 بریک ہارس پاور بھی فراہم کرسکتا ہے۔
بینیلی کی یہ بائیکس عنقریب عوام کے لیے پیش کردی جائیں گی۔ اس حوالے سے مزید تفصیلات جاننے کے لیے پاک ویلز کے ساتھ جڑے رہیے۔ ہم آپ کو مصدقہ تکنیکی معلومات کی جلد از جلد فراہمی کی پوری کوشش کریں گے۔