Originally published at: https://www.pakwheels.com/blog/follow-tips-properly-store-car-tyres/?lang=ur
ہم تمام گاڑیوں کو ایک انوسٹمنٹ سمجھتے ہیں کیونکہ آپ ایک کار پر اپنے لاکھوں روپے لگاتے ہیں اور اس لیے یہ بات نیچرل ہے کہ مہنگی قیمت پر خریدی گئی اس پروڈکٹ کی اچھی طرح حفاظت کی جائے۔ اس لیے ہم یقینی بناتے ہیں کہ ہماری گاڑیاں اچھی طرح maintained ہوں اور ٹوٹ پھوٹ یا کسی نقصان کا شکار نہ ہوں، اور اس لیے ہم کار کے انٹیریئر اور ایکسٹیریئر کو اچھی طرح maintain رکھنے کے لیے مختلف پروڈکٹس تک خریدتے ہیں۔ اس کے باوجود ہم گاڑی کے ایک اہم لیکن غفلت کے شکار پارٹ پر کبھی توجہ نہیں دیتے، وہ ہیں ٹائرز، جو گاڑی کا سب سے زیادہ چوٹ اور دھکے کھانے والا پارٹ ہوتا ہے کیونکہ یہ سڑک پر گھستا رہتا ہے۔
Read Also: Off-road tyres – What you need to know
ہم پہلے ہی آپ کے ساتھ ایسے آرٹیکل شیئر کر چکے ہیں کہ ٹائروں کی دیکھ بھال کس طرح کی جائے جس میں زیادہ زور ان کی رفتار، maintenance پر تھا اور ان عوامل سے بچنے پر کہ جو ٹائروں کے جلد گھس جانے کا سبب بنتے ہیں۔ اس آرٹیکل میں ہماری توجہ ایک مرتبہ پھر ٹائروں پر ہوگی جس میں ہم استعمال نہ ہونے والے ٹائروں کو محفوظ رکھنے کے لیے سے کچھ ٹپس شیئر کریں گے۔ اگر آپ ان ٹرکس اور ٹپس پر اچھی طرح عمل کریں گے تو نہ صرف ٹائر پوری حفاظت کے ساتھ اسٹور ہوں گے، بلکہ مستقبل میں بھی انہیں اچھی طرح استعمال کیا جا سکے گا۔
- پہلا کام بہت سادہ اور عام سا ہے؛ جیسا کہ ہم مختلف چیزوں کو صابن یا کسی ڈیٹرجنٹ کے ذریعے انہیں صاف کرنے کے بعد محفوظ کرتے ہیں۔ اسی طرح ٹائروں کے حوالے سے بھی یہ بات ہمیشہ یاد رکھیں کہ انہیں سب سے پہلے پانی اور صابن کے ذریعے مٹی اور میل کچیل سے صاف کرنا ہے۔ پھر انہیں کچھ دیر کے لیے سوکھنے دیں یہاں تک کہ پانی مکمل طور پر خشک ہو جائے۔
- ایک مرتبہ ٹائر مکمل طور پر خشک ہو جائے تو اسے ایک بیگ کے اندر رکھیں۔ بیگ ٹائر کو دھوپ اور گرد و غبار سے بچائے گا۔ لیکن یاد رکھیں کہ بیگ سے ہوا لازمی نکالنی ہے۔ آپ بیگ سے ہوا کھینچ نکالنے کے لیے ویکیوم کا استعمال کر سکتے ہیں۔ یہ ایک بہت اہم کام ہے، کیونکہ اگر بیگ کے اندر زیادہ ایئر پریشرہوا تو اس سے ٹائر کو نقصان پہنچے گا۔
- اب اس کام کے بعد ٹائر کو اسٹور کرنے کی جگہ دیکھیں۔ یاد رکھیں کہ وہ جگہ ٹھنڈی، خشک اور نمی سے پاک ہونی چاہیے۔ ٹائروں کو اوزون کے exposure سے بھی بچائیں، یقینی بنائیں کہ ٹائر کے قریب کوئی بجلی سے چلنے والی چیز موجود نہیں ہے۔
- اگر ٹائروں میں رِمز نہ ہوں تو انہیں سیدھا رکھ کر اسٹور کریں، لیکن اگر رمز ہوں تو ایک دوسرے کے اوپر رکھیں یا لٹکائیں۔