Originally published at: https://www.pakwheels.com/blog/urdu-leaked-the-next-gen-mercedes-benz-s-class/
مرسڈیز بینز ہمیشہ سے ایک معیار کی حیثیت رکھتا ہے جس کے زریعے دوسری پرتعیش گاڑٰیوں کو ماپا جاتا ہے۔ ایس کلاس دنیا کی وہ پہلی گاڑی ہے جس میں سب سے پہلے سسپینشن، ایئر بیگز اور حتی کہ سیٹ بیلٹ کا نظریہ بھی آیا۔ جیسا کہ جرمی کلارک سن کی ایک بہت مشہور بات ہے کہ ’اگر آپ مستقبل کی عام گاڑیوں کی خصوصیات دیکھنا چاہتے ہیں تو آج کی ایس کلاس دیکھ لیں‘ اب تقریباً 4 سال کا عرصہ گزر چکا ہے جب مرسڈیز نے 6 جنریشن کی ایس کلاس متعارگ کروائی۔ اس گاڑی نے مرسڈیز کے کے بیرونی اور اندرونی سٹائل کے نئے سٹینڈرڈ بنائے۔ ان میں سے کچھ اب کم مہنگی سی اور ای کلاس ماڈلز میں بھی شامل ہیں۔ جیسا کہ بی ایم ڈبلیو 7 سیریز لانچ ہو رہی ہے اور آڈی A8 بھی آنے والی ہے اسی طرح ایس کلاس کی بھی جلد رونمائی متوقع ہے جس کا انکشاف آنے والے دنوں میں ہوجائے گا لیکن ایسا ہونے سے پہلے ہی بہت سی تصویریں انٹرنیٹ پر گردش کر رہی ہیں جن سے ہمیں اس نئی لگژری سیڈان کو پوری طرح دیکھنے کا موقع ملتا ہے۔
اس کے سامنے کے حصے میں نئی نظرثانی شدہ ہیڈ لائٹس، نئی گرل اور تھوڑا سا غصیلہ دکھنے والا کروم پلیٹڈ فرنٹ بمپر شامل ہیں۔ اس کے پچھلے حصے میں نئی ٹیل لائٹس اور ایک مختلف نئے انداز کا بمپر اور ٹیل پائپ موجود ہے۔ اگر ہم ایس کلاس کے اندرونی حصہ میں ایک نظر ڈالیں تو اس میں وہی سٹئیرنگ وہیل نصب ہے جو کہ موجودہ ایس کلاس میں ہے۔ اطلاعات کے مطابق اس کے ٹون انفوٹینمنٹ سسٹم کی سکرین کا سائز بھی تھوڑا بڑھا دیا گیا ہے۔ اس نئے ویرینٹ میں بی ایم ڈبلیو 7 سیریز کی طرح گیسچر کنٹرول بھی شامل ہے۔
مرسڈیز بینز ایس کلاس کی رونمائی 2017 کی گرمیوں کے درمیان متوقع ہے۔
.hentry .entry-content, .single .entry-title { font-family: "Jameel Noori Nastaleeq", "Alvi Lahori Nastaleeq", "amar_nastaleeqregular", serif;line-height: 44px !important;direction: rtl; }
.hentry .entry-content { padding-top:50px;position:relative!important; font-size:20px !important; line-height:36px; word-spacing:1px; }
.single .entry-title { font-size:32px;margin-bottom: 20px; }
.hentry .entry-content p { margin-bottom: 20px; }
.addthis-toolbox { position:absolute; top:0px; }
@media (max-width:480px) {
.at-above-post.addthis-toolbox,
.at-below-post.addthis-toolbox { display:none; }
}