Salam,
I'm ryan_mcwood's mom. his real name is Habib-ur-Rehman. 16 saal se Hong Kong men reh reha tha, In February Chinese new year ki holidays men Pakistan gaey only for 2 weeks but wahan ja ker mera beta do saal k liyay reh geya ko 10th class ker k jaon ga, last year in Jun or July men us ne bike li " Habib " in black color, he likes black color.
U peoples knows that he like speed aur aap log us ko samjhatay thay bohat acha kertay thay but In Pakistan jis ka system kabhi bhi nahin theek ho sekta wahan education officer k betay ne meray betay k shoq ko ubhara aur us ko such much dangerous driver ya bay khof aur nidar driver bana diya but phir bhi mera beta bohat samajhdaar aur zaheen aur saath k saath brave tha. 20 May 09 ko us k dushman numa dost us ko ghar men jhoot bulwa ker bahir lay gaey, mera beta Pakistani chalakiyan nahin samajhta tha woh wafadar aur mukhlis tha har kisi ko apni tarah saaf samajhta tha, us k dost jantay thay k woh beemaar hai 19 May 09 ko 102 ka fever tha, 20 May ko kuch behtar hua tha aur woh yeh bhi jantay thay k yeh junooni race laganay se inkaar bhi nahin keray ga, so unhon ne race lagai mera beta jeet geya to us k doston ne kaha k tu ne to apni habib bike ko heavy bike banai hui hai is liyay jeet gaey ho, meray betay ne kaha k lao men tumhari bike par tum ko jeet ker dikhata hun so us ne EDO k betay ki bike lay li , EDO ka beta janta tha k us ki bike ka handle kharab hai aur speed pakarnay par stuck ho jata hai, EDO k betay ne kuch khaas mana na kiya aur jab race lagi aur speed bhi pakri hui thi k achanak samnay se mini truck sheh-zor aa gai aur meray betay ne bohat koshish ki k laeft ya right men ho jaon but handle stuck ho chuka tha aur bike mini truck se ja takrai aur mera beta hospital pohunchnay se pehlay hi jaan se haath dho betha. aur us k woh dost kuch bhi na ker sekay bas tamasha dekhtay rehay.
maloom nahin k kisi dushmani ki bina par meray betay ko accident ka rang day ker mara geya ya us ki matti ne us ko Pakistan bulaya tha, Khuda keray k hum ko jald maloom ho jaey k hamaray betay k saath kia, kyun aur kesay hua?
Mera aik hi beta tha aur koi beta beti nahin hai, aaj meray betay ki birthday hai aaj woh 17 saal ka ho jata agar hota, men kaisay us ko wish keroon kahan jaon:'(.................
Pakistan men kyun nahin law banta k 18 saal se pehlay driving nahin ho sekti aur yeh baray baray officers k betay hi bigaray huay hotay hain jin ko dekh ker doosray bachay bhi kharab hotay hain. Khudara kuch kero, Do something k phir kisi maa ki god khali na ho kisi ka hunsta basta ghar weerana na ban jaey.
aik dukhi Maa