پیجو 2008 کی بکنگ کا آغاز کر دیا گیا

• Sulman Ali


• 28 Jan 2022

پیجو 2008 کی قیمت اور دیگر فیچرز و خصوصیات سامنے لانے کے بعد کی کمپنی نے گاڑی کی بکنگ کا آغاز کر دیا ہے۔ کمپنی نے اعلان کیا ہے کہ اس ایس یو وی بی سیگمنٹ کراس اوور کی بکنگ شروع کر دی گئی ہے۔ لکی موٹرز نے اپنی آفیشل ویب سائٹ پر خریداروں سے کہا ہے کہ وہ ابھی کار بُک کر سکتے ہیں۔ آن لائن بکنگ کا طریقہ کار بھی صفحہ پر دیا گیا ہے۔

گاڑی بُک کرنے کا طریقہ کار

سب سے پہلے آپ کو گاڑی کا ویرینٹ منتخب کرنا ہوگا، اپنی ذاتی معلومات درج کرنا ہوں گی اور پھر اپنا شہر منتخب کرنا ہوگا۔ آپ اپنی کار بک کروانے کے لیے پیجو پاکستان کی اپنی قریبی ڈیلرشپ پر بھی جا سکتے ہیں۔ ویب سائٹ کے مطابق ملک بھر میں 8 ڈیلرشپ ہیں۔ کراچی میں 2، لاہور میں 2 اور گجرانوالہ، اسلام آباد، سیالکوٹ اور فیصل آباد میں ایک ایک ڈیلرشپ موجود ہے۔ لہذا، آپ اِن ڈیلرشپس پر جا کر اپنی گاڑی بک کر سکتے ہیں۔

خیال رہے کہ کمپنی گاڑی کا ڈلیوری ٹائم واضح نہیں کیا۔

پیجو 2008 کی قیمت

گاڑی کے دو ویرینٹس لانچ کیے گئے ہیں جن کی قیمتیں یہ ہیں:

پیجو ایکٹیو: 5250000 روپے

پیجو Allure: 5850000 روپے

دونوں ویرینٹس میں کیا فرق ہے؟

کمپنی کے مطابق:

• بیس ویرینٹ پیجو ایکٹو میں 4 ایئر بیگز دئیے گئے ہیں کے جبکہ ٹاپ ویرینٹ پیجو ایلور میں 6 ایئر بیگز دئیے گئے ہیں۔
• بیس ویرینٹ میں کلسٹر 10 انچ کا کوارٹز ہے جبکہ ٹاپ ویرینٹ میں 10 انچ 3D ہے۔
• ایکٹو ویرینٹ میں پینارامک سن روف نہیں ہے جبکہ Allure میں یہ فیچر دیا گیا ہے۔
• بیس ویرینٹ میں سیٹیں نارنجی سلائی کے ساتھ فیبرک والی ہیں جبکہ Allure میں سرمئی سلائی کے ساتھ TEP سیٹیں ہیں۔
• بیس ویرینٹ میں فرنٹ گرل شیشے سے بنی ہے جبکہ ٹاپ ویرینٹ کروم فرنٹ گرل کے ساتھ آتا ہے۔
• ایکٹو میں فنگر ٹِپ کنٹرولز ریڈیو + بلوٹوتھ جیسے فیچرز دئیے گئے ہیں جبکہ Allure میں آپ ریڈیو + بلوٹوتھ + کروز کنٹرول کو کنٹرول کر سکتے ہیں۔

یہ گاڑی پاکستان کی آٹو مارکیٹ میں بلا شبہ ایک بہترین اضافہ ہے لیکن اس کی قیمت پر سوالیہ نشان نظر آتا ہے۔ اگرچہ یہ ایک بی سیگمنٹ کراس اوور ہے لیکن پھر بھی اس کی قیمت سی سیگمنٹ کِیا سپورٹیج سے کچھ زیادہ رکھی گئی ہے۔

گاڑی کی قیمت کے بارے میں آپ کا کیا خیال ہے؟ نیچے دئیے کمنٹ سیکشن میں اپنی رائے کا اظہار کریں۔