وہ گاڑیاں جو کبھی پاکستان میں ہوا کرتی تھیں!
پاکستان میں گاڑیوں کی صنعت کا جائزہ لیں تو ایک افسوس ناک پہلو یہ نظر آتا ہے کہ ماضی میں جو بڑے بین الاقوای کارساز ادارے یہاں کام کر رہے تھے وہ اب ملک چھوڑ کر جا چکے ہیں۔ ان اداروں کی ملک سے روانگی کے ساتھ بہت سی ایسی گاڑیاں بھی متعارف ہونا بند ہوگئیں جو پاکستان میں بہت پسند کی جاتی تھیں اور آج بھی ان گاڑیوں کے پرانے ماڈلز ہمیں سڑکوں پر نظر آتے ہیں۔
گزشتہ دنوں KIA اسپورٹیج 2016 نظر سے گزری تو خیال آیا کہ یہ گاڑی پہلے پہل پاکستان میں بھی ہوا کرتی تھی تاہم KIA نے جب سے یہاں کاروبار بند کیا تب سے اس ادارے کی گاڑیاں لاوارث ہوگئیں اور ان کے نئے ماڈلز بھی دستیاب نہ ہوئے۔
یہاں ہم نے ایسی گاڑیوں کی ایک فہرست مرتب کی ہے جو اب پاکستان میں پیش نہیں کی جارہیں۔ اس فہرست سے میں ہم نے پاکستان میں دستیاب گاڑیوں کے پرانے ماڈلز اور دیگر ممالک میں دستیاب جدید ماڈلز کا موازنہ کیا ہے۔ اس میں شامل قیمت حتمی نہیں بلکہ صرف ایک اندازے کے لیے لکھی گئی ہے۔
