کیا واقعی ہی ہنڈا نے اپنی بائکس کی قیمتوں میں کمی کی ہے؟
گزشتہ چند دنوں سے سوشل میڈیا پر ایک خبر گردش کر رہی ہے کہ اٹلس ہنڈا نے اپنی موٹر سائیکل کی قیمتوں میں کمی کر دی ہے۔ اس خبر کے پیچھے مبینہ وجہ پاکستانی روپے کی ڈالر کے مقابلے میں بہترین کارکردگی اور کِیا اور ایم جی موٹزر کی جانب سے حالیہ قیمتوں میں کمی ہے۔ مذکورہ خبر میں دعویٰ کیا گیا ہے کہ ہنڈا سی ڈی 70 اور ہنڈا سی جی 125 کی قیمت میں نمایاں کمی آئی ہے۔
رپورٹ میں دعویٰ کیا گیا ہے کہ ہنڈا CG 125s کی قیمت میں 38500 روپے کی کمی ہوئی ہے جبکہ سٹینڈرڈ 125 کی قیمت میں 33500 روپے کی کمی دیکھی گئی ہے۔ دریں اثنا، اسی رپورٹ میں دعویٰ کیا گیا ہے کہ سب سے مشہور موٹر سائیکل ہنڈا سی ڈی 70 کی قیمت میں 22000 روپے کی کمی دیکھی گئی ہے جو کہ ان بائیکس کی موجودہ قیمتوں کو مدنظر رکھتے ہوئے کافی ہے۔
کیا واقعی ہنڈا بائکس کی قیمتوں کم ہوئی ہیں؟
اس خبر کی تصدیق کے لیے، ہم نے اٹلس ہنڈا کے حکام اور اس کے ڈیلرشپ سے رابطہ کیا۔ کمپنی کے اہلکار نے ہمیں کوئی جواب نہیں دیا۔ تاہم، ہنڈا بائکس کے ایک بڑے ڈیلر نے ہمارے سوال کا جواب دیا۔ انہوں نے ان خبروں کی تردید کرتے ہوئے کہا کہ کوئی گزشتہ چند دنوں سے بازار میں افواہیں پھیلا رہا ہے۔ انہوں نے مزید کہا کہ قیمتوں میں کمی کا کوئی امکان نہیں ہے اور لوگوں کو تصدیق شدہ قیمتوں کے لیے اٹلس ہنڈا کی ویب سائٹ پر جانا چاہیے۔
لہذا، اس بات کی تصدیق ہو چکی ہے کہ ہنڈا بائکس کی قیمتیں کم نہیں ہو رہی ہیں اور اگر موٹرسائیکل کمپنیوں نے قیمت میں کمی کا اعلان کیا تو یہ بہت حیران کن ہوگا کیونکہ پاکستان میں ایسا کبھی نہیں ہوا ہے۔
بائک کو پاکستانی معاشرے کے متوسط طبقے کے لیے بھی سواری سمجھا جاتا ہے، لیکن کمپنیوں کی طرف سے بغیر کسی وضاحت کے بار بار قیمتوں میں اضافے نے بائک کو ان کی پہنچ سے دور کر دیا ہے اور CD70 جیسی بائک کی قیمت اس وقت 157900 روپے ہے جو کہ واقعی ایک حیران کن قیمت ہے۔ ہم امید کرتے ہیں کہ یہ کمپنیاں قیمتوں میں کمی کریں گی۔
کیا آپ کو لگتا ہے کہ آنے والے دنوں میں ہنڈا اور دیگر موٹر سائیکل کمپنیاں اپنی قیمتیں کم کریں گی؟ ہمیں کمنٹس سیکشن میں بتائیں۔