ہنڈا بائیک نے سوزوکی اور یاماہا کو پچھاڑ دیا
پاما رپورٹ میں بائکس کی سیلز سے متعلق بھی اعداد و شمار سامنے لائے گئے ہیں۔ رپورٹ کے مطابق ہنڈا بائک کی سیل نے یاماہا اور سوزوکی بائکس کو پچھاڑ کر رکھ دیا ہے۔
رپورٹ کے مطابق اٹلس ہنڈا نے جولائی 2022 میں 80067 یونٹس فروخت کیے جبکہ اس ماہ سوزوکی نے 3512 جبکہ یاماہا نے 1216 یونٹس فروخت کیے۔
ماہانہ سیلز
جہاں ایک طرف ملک میں جاری معاشی بدحالی نے مقامی آٹو انڈسٹری کو جھنجھوڑ کر رکھ دیا ہے وہیں بائک انڈسٹری پر بھی تھوڑا اثر پڑا ہے۔ یعنی، بائیک انڈسٹری میں ریکارڈ ہونے والی سیل معمولی کمی دیکھی گئی ہے۔
ہنڈا اٹلس نے جولائی میں 80,067 یونٹس فروخت کیے جبکہ جون 2022 میں یہ تعداد 110789 یونٹس تھی۔ (ماہ بہ ماہ کمی: (28%
دوسری جانب سوزوکی بائکس نے گزشتہ ماہ جولائی 2022 میں 3268 یونٹس جبکہ جون میں 3512 یونٹس فروخت کیے۔ )ماہ بہ ماہ نمو: (7%
اسی طرح یاماہا نے جولائی میں 1261 یونٹس فروخت کیے جو گزشتہ سال کے اسی عرصے میں 1607 یونٹس تھے۔ (سالانہ کمی: (22%
ہںڈا بائک کی قیمتوں میں اضافہ
- ہنڈا سی ڈی 70 کی قیمت اب 116500 روپے ہوگی جبکہ پرانی قیمت 111500 روپے تھی۔ یعنی بائک کی قیمت میں 5000 روپے اضافہ کیا گیا ہے۔
- ہنڈا سی ڈی 70 ڈریم کی قیمت 119500 روپے سے بڑھ کر 124500 روپے ہو چکی ہے۔ یعنی بائک کی قیمت میں 5000 روپے اضافہ کیا گیا ہے۔
- ہنڈا پرائیڈر کی قیمت 150900 روپے سے بڑھ کر 155900 روپے ہو چکی ہے۔ یعنی بائک کی قیمت میں 5000 روپے اضافہ کیا گیا ہے۔
- اسی طرح کمپنی کی دوسری سب سے مشہور موٹر سائیکل ہنڈا سی جی 125 کی قیمت اب 179500 روپے ہوچکی ہے جبکہ پرانی قیمت 174500 روپے تھی۔ یعنی بائک کی قیمت میں 5000 روپے اضافہ کیا گیا ہے۔
- ہنڈا سی جی 125 SE کی قیمت 205500 روپے سے بڑھ کر 210500 روپے ہو چکی ہے۔ یعنی بائک کی قیمت میں اب 5000 روپے اضافہ ہو چکا ہے۔
- ہنڈا 125 F CB کی قیمت میں 10000 روپے اضافہ ہو چکا ہے۔ جس کے بعد بائک کی قیمت 263900 روپے سے بڑھ کر 273900 روپے ہو چکی ہے۔
- ہنڈا 125 FS CB کی نئی قیمت 338900 روپے ہو چکی ہے جبکہ پرانی قیمت 323900 روپے ہے۔ یعنی بائک کی قیمت میں 15000 روپے اضافی کیا گیا ہے۔
- آخر میں CB 150F SE کی قیمت میں 15000 روپے اضافہ ہوا ہے جس کے بعد بائک کی قیمت 327900 روپے سے بڑھ کر 342900 روپے ہو چکی ہے۔