ہںڈا سی ڈی 70 کی قیمت 1 لاکھ سے تجاوز کر گئی

اٹلس ہنڈا نے اپنی بائکس کی قیمتیں بڑھا دی ہیں۔ جس کے بعد ہنڈا سی ڈی 70 کی قیمت 1 لاکھ سے تجاوز کر گئی ہے۔ سی ڈی 70 کی نئی قیمت 102900 روپے ہو چکی ہے جو کہ عام طبقے کیلئے بہت زیادہ ہے۔ خیال رہے کہ کمپنی نے ہمیشہ کی طرح قیمتیں بڑھانے کی کوئی وجہ بیان نہیں کی۔

ہنڈا بائکس کی نئی قیمتیں

یہ بات قابل ذکر ہے کہ وزارت صنعت و پیداوار کی ایک حالیہ رپورٹ میں کہا گیا ہے کہ پاکستان میں بائک انڈسٹری نے 90 فیصد لوکلائزیشن حاصل کر لی ہے، یعنی موٹر سائیکل کا بڑا حصہ پاکستان میں تیار ہوتا ہے لیکن پھر بھی قیمتوں میں مسلسل اضافہ جاری ہے۔

موٹر سائیکل کمپنیوں نے ہر چند ہفتوں بعد ریٹ بڑھانے کی روایت بنا رکھی ہے جو کہ ناقابل قبول ہے۔ حکومت کو اس معاملے پر غور کرنے کی ضرورت ہے کیونکہ اسی طرح بائکس کی قیمتیں بڑھتی رہیں تو موٹر سائکل بھی عوام کی پہنچ سے دور ہو جائے گی۔

اس تازہ قیمت میں اضافے کے بارے میں آپ کا کیا خیال ہے؟ کمنٹس سیکشن میں اپنے خیالات کا اظہار کریں۔

Exit mobile version