ڈی ایف ایس کے گلوری 500 کے ا نٹرنیشنل فیچرز اور خصوصیات
کیا آپ جانتے ہیں کہ ریگل آٹو موبائلز پاکستان میں ایک اور ایس یو وی لانچ کرنے جا رہا ہے جو کہ گلوری فیملی سے تعلق کر رکھتی اور اس ایس یو وی کا نام ڈی ایف ایس کے گلوری 500 ہے۔ 5 سیٹر سب کومپیکٹ کراس اوور ایس یو وی پاکستان میں ہنڈا سٹی اور ٹویوٹا یارس کی قیمت میں ملے گی جو کہ صارفین کیلئے کافی خوش آئند بات ہے۔
انٹرنیشنل فیچرز
ڈی ایف ایس کے گلوری 500 گزشتہ سال نومبر میں چین میں لانچ ہو چکی ہے۔ اس کا سب سے بڑا فائدہ یہ ہے کہ یہ بہت انتہائی مناسب کومپیکٹ ایس یو وی ہے۔ کمپنی کا کہنا ہے کہ یہ کومپیکٹ ہے لیکن سٹائلس ہونے کے ساتھ ساتھ کافی مناسب بھی ہے جسے ایک مڈل کلاس صارف بھی بآسانی استعمال کر سکتا ہے۔
اس کا ایکسٹرئیر ایک سپورٹ کار کی طرز کا ہے جبکہ انٹیرئیر کی بات کی جائے تو یہ 2-ٹون انٹیرئیر کے ساتھ آتی ہے یعنی آپ اپنی پسند کے مطابق بلیک یا سرخ انٹرئیر والی گلوری 500 کا انتخاب کر سکتے ہیں۔ گاڑی کے دیگر فیچرز مندرجہ ذیل ہیں۔
انجن: 1500 سی سی اِن لائن 4 نیچرلی ایسپائرڈ
ٹرانسمشن: سی وی ٹی
ہارس پاور: 116
ٹارک: 147.5Nm
لمبائی: 4.4 میٹر
چوڑائی: 1.8 میٹر
وہیل بیس: 2665mm
ڈرائیونگ موڈز: Eco/Sporty/Manual
وائس کمانڈ فنکشن
آٹومیٹک ہیڈلیمپس
رین سینسنگ وائپرز
پش سٹارٹ
الیکٹرانک پارکنگ
آٹو ہولڈ
پینورامک سن روف
فلوٹنگ 7-انچ ٹچ سکرین
ملٹی فنکشن سٹیرنگ وہیل
2 ائیر بیگز
EBD کیساتھ ABS
رئیر ویو کیمرہ
ریورس اسسٹ
پاکستان میں کب لانچ ہوگی؟
ریگل آٹوموبائلز کی جانب سے یہ گاڑی رواں اکتوبر 2021 کے قریب لانچ کی جائے گی۔
متوقع قیمت
رپورٹس کے مطابق ڈی ایف ایس کے گلوری 500 کی متوقع قیمت 35 لاکھ روپے ہے جو کہ مارکیٹ میں آنے والی دیگر ایس یو ویز کی نسبت کافی کم ہے۔ اس ایس یو وی کی قیمت ہنڈا سٹی اور ٹویوٹا یارس کی قیمت کے قریب پائی جاتی ہے۔
ریگل موٹرز کی جانب سے ایس یو وی کی قیمت کم رکھنا پاکستان میں لانچ کی جان والی دیگر ایس یو ویز کو مشکل میں ڈال سکتا ہے۔ اسی طرح کمپنی نے اپنی دیگر دو ایس یو ویز گلوری 580 اور گلوری 580 پرو کی قیمتیں بھی کافی کم رکھی ہیں اور کمپنی اپنی آنے والی دیگر گاڑیوں کیلئے بھی یہی اپنائے حکمت عملی رکھے گی۔
مقابلہ
ڈی ایف ایس کے گلوری 500 نہ صرف دیگر بی- سیگمنٹ کراس اوور ایس یو ویز ایم جی زیڈ ایس ، ہنڈا ویزل اور نیسان جیوک کو ٹکر دے گی بلکہ یہ سیڈان سمیت دیگر ایس یو ویز پر بھی کافی اثر انداز ہوگی۔
گلوری 500 کے بارے مختصر تفصیل
ڈی ایف ایس کے موٹرز نے عوام کی توجہ حاصل کرنے کیلئے “میکنگ لائف بیوٹیفُل” کے نام سے قومی سطح پر ایک مہم شروع کر رکھی ہے۔ کمپنی کی جانب سے کم بجٹ والے خاندانوں کے لئے خوشگوار سہولت لانے کے لئے بہترین ڈیل پیش کی گئی ہے۔