پیجو 2008 کی قیمت میں کمی کا اعلان
کیا لکی موٹرز کے بعد پیجو پاکستان نے بھی اپنی کراس اوور ایس یو وی پیجو 2008 کی قیمتوں میں کمی کا اعلان کر دیا ہے۔ کمپنی کی جانب سے کی گئی ایک سوشل میڈیا پوسٹ کے مطابق پیجو 2008 کے دو ویرینٹس ایکٹیو اورا ایلور کی قیمتوں میں 100000 روپے کی کمی کی گئی ہے۔ نئی ایکس فیکٹری قیمتیں 8 مارچ 2024 سے لاگو ہوں گی۔
پیجو 2008 کی نئی قیمتیں
- پیجو 2008 ایکٹیو ویرینٹ کی قیمت میں 100000 روپے کی کمی کی گئی ہے جس کے بعد گاڑی کی قیمت 7050000 روپے سے کم ہو کر 6950000 روپے ہو گئی ہے جبکہ انسٹالمنٹس پر اس ویریںٹ کی قیمت 7550000 روپے ہو چکی ہے۔
- پیجو 2008 ایلور ویرینٹ کی قیمت میں بھی 100000 روپے کی کمی کی گئی ہے جس کے بعد گاڑی کی قیمت 7800000 روپے سے کم ہو کر 7700000 روپے ہو گئی ہے جبکہ انسٹالمنٹس پر اس ویریںٹ کی قیمت 8300000 روپے ہو چکی ہے۔
شرائط و ضوابط
- 8 مارچ 2024 سے تمام آرڈرز نئی سابقہ فیکٹری قیمتوں پر انوائس کیے جائیں گے۔
- لکی موٹرز سسٹم میں بُک کیے گئے تمام نئے آرڈرز جو 8 مارچ 2024 سے لاگو ہوں گے، نظر ثانی شدہ ایکس فیکٹری قیمت پر ڈیلیور کیے جائیں گے۔
- ایکس فیکٹری قیمتیں فریٹ اور انشورنس چارجز کے علاوہ ہیں۔
- حکومت کی طرف سے نئے ڈیوٹی اور ٹیکس، جو ڈیلیوری کے وقت لاگو ہوتے ہیں، صارف برداشت کرے گا۔
پیجو 2008 پر نئی انسٹالمنٹ آفر
کیا آپ ایک خوبصوت اور جدید فیچرز سے لیس ایس یو وی خریدنے کی خواہش رکھتے ہی، تو اس وقت پیجو 2008 ایک بہترین آپشن ہو سکتی ہے کیونکہ پیجو پاکستان نے اپنی اس گاڑی پر محدود مدت کے لیے ایک نئی انسٹالمنٹ آفر لگا دی ہے جس پر شرح سود 0 فیصد ہے۔ یعنی کہ آپ بھی آسان اقساط کے ذریعے ادائیگی کر کے اس گاڑی کے مالک بن سکتے ہیں۔
کمپنی کی جانب سے دی گئی آفر کے خاص نکات یہ ہیں:
- 0% سود کی شرح
- آسان اقساط کا منصوبہ
- 50 فیصد ڈاون پیمنٹ
- 18 مساوی اقساط، یعنی کہ آپ گاڑی کی قیمت کو 18 مساوی ماہانہ اقساط میں ادا کر سکتے ہیں۔