پاک سوزوکی کی آلٹو کے مالکان کیلئے سپیشل آفر
آلٹو کی خوبصورتی میں اضافے کیلئے پاک سوزوکی نے گاڑی کیلئے رئیر سپوئلر آفر کیا ہے۔ سوشل میڈیا پر کی گئی ایک پوسٹ میں کمپنی نے سپوئلر کی تصویر شئیر کی ہے۔ جس میں کہا گیا ہے کہ سپوئلر نی صرف گاڑی کی خوبصورتی میں اضافہ کیا ہے بلکہ یہ اس کے ڈیزائن میں ایک نیا اضافہ بھی ہے۔
پوسٹ کے مطابق یہ نئی اسیسری ملک میں موجود تمام ڈیلرشپس پر دستیاب ہے۔
لہذا، اگر آپ بھی اپنی گاڑی آلٹو کیلئے سپوئلر خریدنا چاہتے ہیں تو اپنی قریبی ڈیلرشپ پر جا کر اسے حاصل کر سکتے ہیں۔ خیال رہے کہ کمپنی نے سپوئلر کی تصویر شئیر نہیں کی۔
سوزوکی آلٹو کا نیا ویرینٹ
اہم بات یہ ہے کہ سوزوکی آلٹو سے متعلق یہ دوسری بڑی خبر ہے۔ گزشتہ ہفتے کمپنی نے آلٹو کے نئے ویرینٹ کا اعلان کیا تھا۔ کمپنی کے مطابق نئے ویرینٹ میں آرام دہ اور آسان ڈرائیونگ کے تجربے کے لیے دو اہم اضافے کیے گئے ہیں۔
- آٹو گئیر شفٹ (اے جی ایس)
- اینٹی لاک بریکنگ سسٹم ( اے بی ایس)
سوزوکی آلٹو VXR کی قیمت
کمپنی نے نئے ویرینٹ کی ابتدائی قیمت کا بھی اعلان کیا ہے۔ کمپنی کے مطابق اس کار کی قیمت 2120000 روپے ہے۔ اس قیمت میں فریٹ چارجز بھی شامل ہیں۔
ہمیں امید ہے کہ یہ ویریئنٹ کامیاب ہو جائے گا کیونکہ کمپنیوں کو کاروں کی فروخت میں سنگین مسائل کا سامنا ہے۔ جس کی بڑی وجہ خام مال کی عدم دستیابی اور سٹیٹ بینک آف پاکستان (SBP) کی جانب سے CKD کٹس کے لیے لیٹر آف کریڈٹ (LCs) کا جاری نہ ہونا ہے۔
گزشتہ ماہ کی PAMA رپورٹس نے پاک سوزوکی سمیت کار کمپنیوں کی فروخت میں زبردست کمی ظاہر کی۔ کمپنی نے گزشتہ ماہ جولائی میں 6,679 یونٹس کے مقابلے 3,954 یونٹس فروخت کیے – جو لگاتار دوسرے مہینے میں سب سے کم ماہانہ سیل ہے۔ (ماہ بہ ماہ کمی: 41 فیصد)
کیا آپ اپنی سوزوکی آلٹو کے لیے نیا سپوئلر حاصل کرنا چاہتے ہیں؟ کمنٹس سیکشن میں اپنے خیالات کا اظہار کریں۔