گزشتہ ماہ پاک سوزوکی نے صرف 44 آلٹو بیچیں
پاکستان میں سب سے زیادہ گاڑیاں بیچنے والی کمپنی سوزوکی پاکستان انتہائی بدحالی کا شکار ہے۔ پاما رپورٹ کے مطابق کمپنی نے گزشتہ مای صرف 44 آلٹو فروخت کی ہیں۔ خیال رہے کہ یہ کمپنی کی سب سے کم ترین سیل ہے۔
اس کے علاوہ کمپنی نے گزشتہ ماہ سیلز میں 74 فیصد کمی دیکھی ہے۔ کمپنے نے جنوری میں 2964 گاڑیاں فروخت کیں جبکہ دسمبر میں یہ تعداد 11342 تھی۔ خیال رہے کہ سوزوکی گزشتہ 2 سال سے ہر ماہ 5 ہزار تک گاڑیاں فروخت کرتی آئی ہے۔
اسی طرح دیگر کار کمپنیز ہنڈا اور ٹویوٹا کا بھی یہی حال ہے کیونکہ ان کی سیلز میں بھی خاطر خواہ کمی دیکھنے کو ملی ہے۔
گزشتہ ماہ پاک سوزوکی کی سیلز
پاکستان سوزوکی موٹر کمپنی نے آلٹو کے 44 یونٹس، سوزوکی کلٹس کے 534 یونٹس، سوزوکی ویگن آر کے 671 یونٹس، سوزوکی سوئفٹ کے 504 یونٹس، سوزوکی بولان کے 556 یونٹس، اور سوزوکی راوی کے 628 یونٹس فروخت کیے۔
پاکستان میں کاروں کی فروخت میں 65 فیصد کمی
پاکستانی آٹو انڈسٹری کے بارے میں، موجودہ معاشی تباہی نے تمام ریکارڈ توڑ دیے ہیں اور کافی حد تک نقصان بھی پہنچایا ہے۔ یہاں تک کہ COVID-19 نے بھی اتنا نقصان نہیں پہنچایا جتنا حالیہ معاشی ہنگامہ آرائی نے پہنچا دیا ہے۔ نتیجتاً، پاکستان میں کاروں کی فروخت میں 65 فیصد کی کمی (سال بہ سال کمی)۔
پاکستان آٹو موٹیو مینوفیکچررز ایسوسی ایشن (PAMA) کے دسمبر 2022 میں 17,012 کے مقابلے جنوری میں 10,867 یونٹس فروخت ہوئے۔ یعنی سیلز میں 36 فیصد کمی ریکارڈ کی گئی ہے۔ اسی طرح پیسنجر کاروں کی فروخت میں 56 فیصد کمی واقع ہوئی، دسمبر 2022 میں 13,780 کے مقابلے میں 6,021 گاڑیاں فروخت ہوئی۔
مقامی کار سازوں کی فروخت میں کمی کے رجحانات کے بارے میں آپ کا کیا خیال ہے؟ کمنٹس سیکشن میں اپنے خیالات کا اظہار کریں۔