ہونڈا فیول سے چلنے والی گاڑیوں کی پروڈکشن کب ختم کرے گا؟
الیکٹرک گاڑیوں کی جانب دوڑ شروع ہی ہوا چاہتی ہے اور اب ایک مستحکم پلان کے ساتھ ایک نیا آٹو میکر آ گیا ہے۔ یہ کوئی اور نہیں جاپان کا دوسرا سب سے بڑا کار میکر ہونڈا ہے۔ کمپنی کے نئے CEO توشی ہیرو میبے نے 2040 مکمل الیکٹرک بننے اور پٹرول اور ڈیزل گاڑیوں کی پیداوار کے خاتمے کا کے منصوبے کا خاکہ پیش کیا ہے۔ CEO میبے کی جانب سے بیان دلیرانہ ٹوکیو میں ایک نیوز کانفرنس میں دیا گیا۔ ہونڈا یہ کام کچھ اس طرح کرے گا۔
ہونڈا کی EV ٹرانسفارمیشن کا روڈ میپ:
یہ ہونڈا کے CEO کی حیثیت سے میبے کی پہلی پریس کانفرنس تھی اور انہوں نے کمپنی کے لیے اپنے منصوبوں کے ساتھ اچھا تاثر قائم کیا۔
میبے کے عارضی روڈمیپ کے مطابق ہونڈا شمالی امریکا اور چینی مارکیٹ میں اپنی گاڑیوں کی 40 فیصد لائن اپ کو 2030 تک الیکٹرک صورت میں لائے گا۔ یہ شرح 2035 تک 80 فیصد اور 2040 تک 100 فیصد تک پہنچائی جائے گی، جس کا مطلب ہے اگلی دو دہائیوں میں کمپنی اپنی گاڑیوں کو صرف الیکٹرک بیٹری یا ہائیڈروجن فیول سیلز پر چلائے گی۔
ملک اپنے ملک یعنی جاپان کے لیے ذرا مختلف وژن رکھتی ہے کہ جہاں وہ 2030 تک اپنی گاڑیوں کی لائن اپ کو 80 فیصد ہائبرڈ اور 20 فیصد الیکٹرک کرنے کا منصوبہ بنا رہا ہے۔
میبے نے میڈیا کو بتایا کہ “ہم نے آج جو یہاں پیش کیا ہے وہ بہت چیلنجنگ ہے۔ فی الحال ان اہداف کے حصول کی بنیادیں واضح نہیں کر سکتے لیکن میرا ماننا ہے کہ اہداف کو واضح کرنا پہلا بڑا ہدف ہے۔”
ہونڈا کے نئے CEO نے کہا کہ اہداف کے حصول کا ایک کلیدی عنصر بیٹری ٹیکنالوجی کی بہتری ہے۔ انہوں نے یہ بھی انکشاف کیا کہ کمپنی امریکا میں الیکٹرک اور ہائیڈروجن ٹیکنالوجی کی جانب منتقلی کو تیز تر کرنے کے لیے جنرل موٹرز (GM) کے ساتھ اپنے اتحاد کا فائدہ اٹھائے گی۔ فی الوقت ہونڈا اور GM مل کر دو EVs بنا رہے ہیں اور اگلے تین سالوں میں، یعنی 2024 تک شمالی امریکا میں انہیں متعارف کروانے کا ہدف رکھتے ہیں۔
یہ بلاشبہ ہونڈا کے نئے CEO کا زبردست ایکشن پلان ہے اور ایک زبردست قیادت کی علامت بھی۔ دیکھتے ہیں کہ وہ کمپنی کے مستقبل کو کیسے ترتیب دیتے ہیں۔
پاکستان میں ہونڈا کی کوئی گاڑی الیکٹرک نہیں ہے۔ اگر کمپنی اگلی دو دہائیوں میں الیکٹرک منزل کی جانب منتقل ہوتی ہے تو امید ہے کہ ہم پاکستان میں بھی ہونڈا EVs دیکھیں گے۔