شنگھائی آٹو شو 2019ء میں کاروں کے لیے 5G ٹیکنالوجی متعارف
چینی اسمارٹ فون مینوفیکچرر ہواوی (Huawei) نے کاروں کے لیے دنیا کا پہلا 5G ٹیکنالوجی کمیونی کیشنز ہارڈویئر متعارف کروا دیا ہے۔ اس ٹیکنالوجی کا ہدف سیلف ڈرائیونگ آٹوموٹِو انڈسٹری کو سہولت پیش کرنا ہے۔ ہواوی MH5000 ماڈیول بالونگ 5000 5G چپ پر بنایا گیا ہے۔ یہ چپ جنوری 2019ء میں متعارف کروائی گئی تھی۔
کمپنی سمجھتی ہے کہ کاروں میں 5G ٹیکنالوجی کے لیے MH5000 ماڈیول تیز رفتار اور معیار دے گا۔ ہواوی نے اس ضمن میں ایک بیان جاری کیا ہے کہ جس میں کہا گیا ہے کہ “مستقبل کی انٹیلی جنٹ کار ٹرانسپورٹیشن کے لیے ایک اہم کمیونی کیشن پروڈکٹ کی حیثیت سے یہ 5G کار ماڈیول آٹوموٹِو انڈسٹری کو 5G عہد میں آگے بڑھنے کی ترویج دے گا۔”
آٹوموٹِو انڈسٹری کے لیے یہ 5G نیٹ ورک ٹیکنالوجی 2019ء کی دوسری ششماہی میں کمرشلائز کی جائے گی۔
ہواوی دنیا کے بڑے ٹیلی کام ایکوئپمنٹ بنانے والوں میں سے ایک ہے۔ حالیہ چند سالوں میں اس نے شین ژین، شنگھائی اور ووسی جیسے چینی شہروں میں انٹیلی جنٹ کنیکٹڈ کاروں کے لیے ٹیکنالوجی کے تجربات کیے ہیں۔ کمپنی نے ڈونگ فینگ، فا اور چنگن جیسے متعدد آٹومیکرز کے ساتھ تعاون کے معاہدوں پر دستخط بھی کر رکھے ہیں۔
ہواوی کا ہدف اگلی جنریشن کے 5G نیٹ ورکس کے لیے دوڑ میں برتری حاصل کرنی ہے۔ کمپنی اور امریکی اداروں کے درمیان کشیدگی رہی ہے کہ جن کا دعویٰ ہے کہ ہواوی کے آلات جاسوسی کے لیے استعمال ہو سکتے ہیں۔ لیکن کمپنی نے اس الزام کی کھل کر تردید کی ہے، لیکن کمپنی کی ساکھ کے بارے میں شبہات برقرار ہیں۔