الحاج گروپ اور ہیونڈائی موٹرز کے درمیان معاہدہ طے پاگیا
گاڑیوں کے شعبے میں تیزی سے ابھرتے ہوئے ادارے الحاج گروپ اور جنوبی کوریا کے عالمی شہرت یافتہ کار ساز ادارے ہیونڈائی کے درمیان معاہدہ طے پا گیا ہے۔ اس معاہدے کے تحت الحاج گروپ کو پاکستان میں ہیونڈائی کی بڑی گاڑیوں بشمول ٹرکس اور بسوں کی فروخت اور فراہمی کی اجازت حاصل ہوگئی ہے۔
الحاج گروپ چینی کارساز ادارے FAW کی مختلف گاڑیاں پاکستان میں تیار اور فروخت کرتا رہا ہے۔ اس ادارے نے سال 2006 میں پرائیوٹ لمیٹڈ کمپنی کے طور پر گاڑیوں کے شعبے میں قدم رکھا۔ یاد رے کہ الحاج موٹرز کے سربراہ نے چند ماہ قبل اعلان کیا تھا کہ تھا کہ وہ پاکستان میں مسافر گاڑیوں کی تیاری شروع کرنے کا ارادہ رکھتے ہیں۔ اس بیان کو مدنظر رکھتے ہوئے کہا جاسکتا ہے کہ مستقبل قریب میں ہیونڈائی کی مسافر گاڑیوں کی پاکستان میں تیاری کا آغاز بھی کیا جاسکتا ہے۔
مزید پڑھیں: الحاج FAW موٹرز پاکستان میں مسافر گاڑیوں کی تیاری کا آغاز کرے گا
