دیوان نے دیہان شہہ زور لانچ کر دی
رواں سال کے آغاز میں دیوان موٹرز کو براؤن فیلڈ اسٹیٹس ملنے کے بعد پاک ویلز ڈاٹ کام نے بتایا تھا کہ ادارہ فروری 2018ء سے ملک میں نئی گاڑیاں لانچ کرنے کے لیے تیار ہے۔ اور اب اس نے حقیقت کا روپ دیتے ہوئے گزشتہ روز نئی 2600cc دیہان شہہ زور منی ٹرک/پک اپ لانچ کر دی ہے۔ افتتاحی تقریب کراچی کے موہٹہ پیلس میوزیم میں ہوئی اور اس میں وزیر داخلہ احسن اقبال سمیت دیہان-دیوان موٹر کے حکام نے شرکت کی۔
دستیاب معلومات کے مطابق نئی پک اپ پرانی شہہ زور پک اپس کی طرح ڈیزل انجن سے لیس ہوگی۔ مزید برآں، پک اپ 5145 ملی میٹر لمبی، 1740 ملی میٹر چوڑی اور 2020 ملی میٹر اونچی ہوگی۔ اس کے ساتھ ساتھ اس کا وہیل بیس 2430 ملی میٹر ہوگا۔ گاڑی 4000 آر پی ایم پر 77.9 ہارس پاور پیدا کرتی ہے؛ ساتھ ہی انجن 2200 آر پی ایم پر 166.7 نیوٹن میٹر ٹارک بھی پیدا کرتا ہے۔ یہاں یہ بتانا اہم ہوگا کہ نئی جاری کردہ شہہ زور پک ایئر کنڈیشنڈ ہے، جو موجودہ شہ زور پک اپس نہیں ہیں۔ گاڑی میں پاور اسٹیئرنگ بھی ہے۔
دیگر خصوصیات میں شامل ہیں:
- بریکس: وینٹی لیٹڈ ڈسکس ڈوئل پسٹن کیلیپر (فرنٹ)، ڈوو-سروو ڈرم (ریئر) کے ساتھ
- سسپنشن: ڈبل وشبون اور ٹورشن بار (فرنٹ)، لیف اسپرنگز (ریئر)
- 65 لیٹرز فیول ٹینک
ایک اہم چیز ذہن میں رکھیں کہ شہ زور پہلے ہیونڈائی کی گاڑی تھی۔ اس مرتبہ شہہ زور کا نام ایک دیہان کی گاڑی کے لیے استعمال کیا جا رہا ہے۔ یہ لوڈنگ پک اپ اپنی کارکردگی کی وجہ سے بہت کامیاب رہی ہے اور اب نئی گاڑی کے ساتھ لانچ ہو رہی ہے، اس لیے یہ دیکھنا دلچسپ ہوگا کہ یہ مقامی صنعت میں کیسی کارکردگی پیش کرے گی جبکہ پاک سوزوکی نے بھی حال ہی میں میگا کیری نام کی ایک پک اپ لانچ کی ہے۔
آگے بڑھتے ہوئے ادارہ رواں سال کے اختتام پر سانگیونگ کی ایس یو وی Tivoli کے اجراء پر بھی کام کر رہا ہے۔ دیکھتے ہیں یہ معاملہ کیا رخ اختیار کرتا ہے۔
دیوان کے براؤن فیلڈ اسٹیٹس حاصل کرنے کے ساتھ ساتھ گندھارا نسان کو بھی جلد براؤن فیلڈ اسٹیٹس ملنے والا ہے اور بہت زیادہ امکان ہے کہ کمپنی ملک میں مشہور ڈاٹسن کاریں دوبارہ لانچ کرے گی۔
ہمیں ابھی تک یہیں کچھ معلوم ہے،اگر آپ اس بارے میں مزید کچھ جانتے ہیں تو نیچے تبصرے میں ضرور آگاہ کیجیے۔