14 ویں TDCP چولستان جیپ ریلی 2019ء کے لیے تیار ہو جائیں!
ماؤنٹین ڈیو کے تعاون سے ٹؤراِزم ڈیولپمنٹ کارپوریشن آف پنجاب (TDCP) 14 سے 17 فروری 2019ء تک سنسنی خیز 14 ویں چولستان جیپ ریلی 2019ء پیش کرنے کے لیے تیار ہے۔ یہ پاکستان کی سب سے بڑی جیپ ریلی ہے جو ملک بھر سے آنے والے ہزاروں مہمانوں اور ان کے اہل خانہ کی توجہ حاصل کرتی ہے۔
یہ ریلی پنجاب کے تین اضلاع کا احاطہ کرتی ہے، رحیم یار خان، بہاولنگر اور بہاولپور ۔ اس ریلی جو بات اہم بناتی ہے وہ یہ کہ تجربہ کار ریسر اس میں شرکت کرتے ہیں۔ 100 سے زیادہ جیپیں، جن میں نادر علی خان مگسی اور صاحبزادہ سلطان محمد علی اور دیگر جیسے ریس کی تجربہ کار ترین شخصیات کی جیپیں بھی شامل ہیں، اس ریلی کے لیے پہلے ہی رجسٹر ہو چکی ہیں۔ ریلی کا پہلا مرحلہ 220 کلومیٹر کا جبکہ دوسرا مرحلہ 245 کلومیٹر کا ہے۔
PakWheels.com سے بات کرتے ہوئے فیاض احمد، مینیجر ایونٹس TDCP نے خاص طور بتایا کہ درحقیقت جیپ ریلی کے ساتھ ساتھ یہ جنوبی پنجاب کی مقامی ثقافت کی ترویج کا بھی اہم ترین ایونٹ ہے۔ انہوں نے مزید کہا کہ ریلی کے ساتھ ساتھ ایک میلہ مویشیاں بھی منعقد ہوگا جہاں چولستان میں پائی جانے والی اونٹوں، گائے اور بکریوں کی مخصوص اقسام کی نمائش کی جائے گی۔ انہوں نے خاص طور پر بکری ناچی کا حوالہ دیا، جو صرف چولستان میں پائی جاتی ہے جسے ضرور دیکھنا چاہیے۔ احمد صاحب کے مطابق TDCP چولستان میں ایک جدید ریزورٹ تعمیر کر رہا ہے، جو مقامی و بین الاقوامی سیاحوں کے لیے جلد کھول دیا جائے گا۔
ذیل میں مکمل شیڈول دیکھیں:
اس طرح کے ایونٹس بیرون ملک پاکستان کے مثبت اور سافٹ امیج کو ابھارتے ہیں اور پاکستانیوں کے لیے جنوبی پنجاب کے خوبصورت نظاروں کو سامنے لاتے ہیں۔ سیاحت کو فروغ دیتے ہوئے یہ ایونٹس مقامی افراد کے روزگار کا بھی سبب بنتے ہیں۔
چولستان جیپ ریلی کا آغاز 2005ء میں ہوا تھا اور اب تک یہ کئی نشیب و فراز سے گزری ہے۔ آئندہ ریلی ایونٹ کے 14 سال مکمل کرے گی، جو اس کی بڑھتی ہوئی مقبولیت کو ظاہر کرتے ہیں۔
ریلی تین مختلف کیٹیگریز میں تقسیم کی گئی ہے – پریپیئرڈ، اسٹاک اور ویمن۔ اسٹاک اور پریپیئرڈ کیٹیگریز کو مزید چار کیٹیگریز (A,B,C,D) میں تقسیم کیا گیا ہے۔
14 ویں چولستان جیپ ریلی اس نوعیت کسی بھی دوسرے ایونٹ سے مختلف ہے کیونکہ اس کی انعامی مالیت 50 لاکھ روپے ہے جو جیتنے والوں میں تقسیم کیے جائیں گے۔ مزید برآں، شرکاء کے لیے آتش بازی کے مظاہرے بھی ہوں گے۔
TDCP چولستان ڈیزرٹ ریلی 2019ء کے بارے میں مزید جاننے کے لیے یہاں کلک کریں۔
PakWheels.com اس ایونٹ کا خصوصی ڈجیٹل میڈیا پارٹنر ہے۔ 14 ویں چولستان جیپ ریلی کے بارے میں تمام خبریں حاصل کرنے کے لیے PakWheels.com پر آتے رہیے۔