ٹویوٹا کرولا میں امموبلائزر سمیت متعدد خصوصیات شامل
اب سے دو ماہ قبل مارچ 2016 میں پاک ویلز نے اپنے قارئین کو بتایا تھا کہ ٹویوٹا انڈس موٹرز اپنی سب سے مقبول گاڑی ٹویوٹا کرولا میں متعدد خصوصیات کا اضافہ کرنے جا رہا ہے۔ ہمارے اندازے کے عین مطابق ٹویوٹا نے رواں ماہ مئی 2016 سے کرولا کو اپڈیٹ کرنے کا باضابطہ اعلان کردیا ہے۔ یہ اپڈیٹ XLi کے علاوہ تمام ماڈلز میں کی جارہی ہیں۔
کرولا کے حوالے سے ٹویوٹا پر جو اعتراضات اٹھائے جاتے رہے ہیں ان میں سے ایک امموبلائزر (Immobilizer) کی عدم فراہمی ہے۔ ٹویوٹا کرولا کی مقبولیت میں زبردست اضافے کے بعد سے یہ کار چوروں کی بھی مطلوب ترین گاڑیوں میں سے ایک بن چکی ہے۔ یہی وجہ ہے کہ صارفین کی جانب سے حفاظتی سہولیات شامل نہ کیے پر ٹویوٹا انڈس موٹرز کو تنقید کا سامنا کرنا پڑا۔ بہرحال، اب انڈس موٹرز نے XLi کے علاوہ تمام ٹویوٹا کرولا ماڈلز میں وائرلیس Key کے ساتھ امموبلائزر بھی فراہم کرنے کا فیصلہ کرلیا ہے۔
یہ بھی پڑھیں: ہونڈا سِوک 2016 رواں سال جون یا جولائی میں پیش کی جائے گی: ذرائع
ٹویوٹا کرولا GLi (1300cc) میں شامل ہونے والی خصوصیات:
1) امموبلائزر
2) وائرلیس key
3) گاڑی کے رنگ سے مشابہ mud flaps
ٹویوٹا کرولا آلٹِس (1600cc) میں شامل ہونے والی خصوصیات:
1) امموبلائزر
2) وائرلیس key
3) گاڑی کے رنگ سے مشابہ mud flaps
4) نئے 15” الائے ویلز
5) نیا انٹرٹینمنٹ سسٹم
ٹویوٹا کرولا آلٹِس گرانڈے (1800cc) میں شامل ہونے والی خصوصیات:
1) امموبلائزر
2) وائرلیس key
3) گاڑی کے رنگ سے مشابہ mud flaps
4) نئے 15” الائے ویلز
5) نیا انٹرٹینمنٹ سسٹم
6) نیا ڈیش بورڈ (اضافی storage کے ساتھ)
7) نیا interior ڈیزائن
8) ایکو میٹر
9) رنگین MID
10) خود کار A/C
11) خود کار سائیڈ مررز
12)پچھلے حصے میں سامان رکھنے کے لیے ٹرے
یاد رہے کہ مارچ میں ٹویوٹا انڈس موٹرز نے کرولا کی قیمتوں میں 20 سے 60 ہزار روپے اضافہ بھی کیا تھا۔ قیمتوں میں اس اضافے کا اطلاق بھی یکم مئی 2016 سے ہوچکا ہے۔
