مقامی طور پر بننے والی کِیا پکانٹو کی ڈلیوری اکتوبر 2019ء میں
کِیا لکی موٹرز ایک دہائی کے بعد دوبارہ پاکستان کی مقامی صنعت میں داخل ہو چکا ہے اور اس مرتبہ ایک طویل المیعاد سرمایہ کاری رکھتا ہے۔ پاکستان کی مقامی مارکیٹ میں مقابلے کی کمی کی وجہ سے آٹو مینوفیکچرر کی توقعات بہت زیادہ ہیں۔ گزشتہ تین دہائیوں میں تین بڑے اداروں سوزوکی، ٹویوٹا اور ہونڈا کی اجارہ داری رہی ہے۔ پاک سوزوکی نے ملک میں چھوٹی گاڑیوں میں واحد آٹو میکر کی حیثیت سے لطف اٹھا رہا ہے جبکہ ٹویوٹا انڈس اور ہونڈا اٹلس ہائی-اینڈ گاڑیوں میں واحد ادارے ہیں۔ کِیا کے علاوہ ایک اور جنوبی کوریائی ادارہ ہیونڈائی بھی سالوں کے بعد میدان میں واپس آ رہا ہے۔
کِیا اب تک اپنی MPV گرینڈ کارنیوَل متعارف کروا چکا ہے جبکہ کئی دیگر گاڑیاں مستقبلِ قریب میں آنے کے لیے تیار ہیں۔ کِیا نے پاکستان آٹو پارٹس شو (PAPS) 2019ء میں شرکت کی جو 12 سے 14 اپریل تک ایکسپو سینٹر، کراچی میں ہونے والا ایک زبردست ایونٹ تھا۔ کمپنی نے اپنی 5 گاڑیاں ظاہر کیں جن میں اسٹنگر، پکانٹو، اسپورٹیج، نیرو اور گرینڈ کارنیوَل شامل تھی جن میں سے دو گاڑیاں رواں سال مقامی انڈسٹری میں قدم رکھیں گی۔ کِیا اسپورٹیج اور پکانٹو بالترتیب اگست اور اکتوبر میں آغاز کریں گی۔
کِیا پکانٹو:
کِیا پکانٹو ایک بنیادی قسم کی 5 دروازوں کی حامل ہیچ بیک ہے جس میں 1000cc کا انجن نصب ہے جو 4-اسپیڈ آٹو میٹک گیئربکس رکھتا ہے۔ یورو-6 معیار کا 1.0 لیٹر انجن66hp کی زیادہ سے زیادہ طاقت پیدا کرتا ہے۔ پکانٹو ہیونڈائی i10 جیسا پلیٹ فارم رکھتا ہے اور جہاں تک ایندھن خرچ کرنے کی بات ہے کہ NEDC اسے 23 کلومیٹر فی لیٹر کا درجہ دیتی ہے۔ ہیچ بیک 2400mm کا ویل بیس رکھتی ہے جو گاڑی پر بہترین کنٹرول فراہم کرتا ہے۔
کیا پکانٹو 2004ء میں پہلی بار متعارف کروائی گئی تھی جو 2011ء تک چلتی رہی جب دوسری جنریشن کا ماڈل مارکیٹ میں پیش کیا گیا۔ دوسری جنریشن کی پیداوار 2017ء تک جاری رہی جس کے بعد کمپنی نے جنیوا موٹر شو 2017ء میں پکانٹو کی تیسری جنریشن متعارف کروائی اور اس وقت یہی دنیا بھر میں بنائی جا رہی ہے۔ ہیچ بیک 1.0 لیٹر انجن مع 5-اسپیڈ مینوئل ٹرانسمیشن اور 1.2 لیٹر انجن کے ساتھ آتی ہے جو آٹومیٹک ٹرانسمیشن بھی پیش کرتا ہے۔ واضح رہے کہ کِیا لکی موٹرز پاکستان میں دوسری جنریشن کا 1.0 لیٹر انجن متعارف کروانے کا منصوبہ رکھتا ہے۔ اس لیے ایک مرتبہ پھر ہمیں نئی گاڑی کا پرانا ورژن ہی ملے گا؛ لیکن اس مرتبہ آٹو سیکٹر میں قدم رکھنے والے نئے ادارے کی جانب سے۔
PAPS 2019 میں پیش کی گئی دوسری جنریشن کی کِیا پکانٹو سامنے کے حصے پر مشہور کومپیکٹ ٹائیگر-نوز ریڈی ایٹر گرِل رکھتی ہے اور 14 انچ الائے رِمز کے ساتھ آتی ہے۔ ہیچ بیک پاور اسٹیئرنگ، پاور ونڈوز (اگلی)، انٹرٹینمنٹ سسٹم اور اینالوگ کلائمٹ کنٹرول رکھتی ہے۔ یہ گاڑی بنیادی سیفٹی فیچر کے طور پر ایئر بیگز بھی رکھتی ہے لیکن اس میں اسپیئر ویل کی گنجائش نہیں ہے جو پاکستان میں سفر کے دوران بہت ضروری ہے۔ کمپنی دعویٰ کرتی ہے کہ پکانٹو کا جو ورژن پیش کیا جائے گا اس میں PAPS 2019 میں پیش کردہ گاڑی کے مقابلے میں کئی اضافی فیچرز ہوں گے۔ اس گاڑی کی قیمت اندازاً 12 سے 15 لاکھ روپے ہوگی۔
مقامی مارکیٹ میں کِیا پکانٹو کے مقابل:
کِیا پکانٹو کے اجراء کے ساتھ کمپنی 1000cc گاڑیوں کے شعبے میں پاک سوزوکی کی اجارہ داری ختم کرنے کا ہدف رکھے گی۔ اس کی براہ راست مقابل سوزوکی ویگن آر اور کلٹس ہوں گی۔ فا V2 بھی قیمت کے لحاظ سے اسی کیٹیگری میں آتی ہے۔ سوزوکی ویگن آر VXR کی موجودہ قیمت 12 لاکھ 64 ہزار روپے ہے اور زیادہ بہتر VXL کی قیمت 13 لاکھ 44 ہزار روپے ہے۔ دوسری جانب سوزوکی کلٹس کی قیمت VXR ویریئنٹ کے لیے 14 لاکھ 40 ہزار روپے سے شروع ہوتی ہے اور AGS ویریئنٹ کے لیے 16 لاکھ 38 ہزار روپے تک جا پہنچتی ہے۔ فا V2 کا واحد ویریئنٹ VCT-i ، 1298cc کے انجن سے لیس ہے اور 12 لاکھ 89 ہزار روپے میں آتی ہے۔ ویگن آر اور کلٹس دونوں کسی بھی غیر معمولی فیچر سے محروم ہیں اور صرف کلٹس کے بہترین ویریئنٹس ہی سیفٹی فیچرز کے طور پر ABS بریکس اور دو ایئر بیگز سے لیس ہیں۔ کِیا پکانٹو کی پاکستان میں کامیابی کے لیے قیمت اور بلڈ کوالٹی اہم ترین عنصر ہوں گے۔ ہم پاک سوزوکی کے مقابلے میں گاڑی کے اندر بہتر معیار کا مٹیریل استعمال کرنے کی توقع رکھتے ہیں۔ شعبے میں نئی گاڑیوں کی آمد سے مقابلہ بڑھے گا، جو آٹو مینوفیکچررز کو دوڑ میں آگے رہنے کے لیے بہتر معیار کی گاڑیاں پیش کرنے پر مجبور کرے گا۔
کِیا کے بعد زبردست موقع ہے کہ وہ پرکشش قیمت اور متعدد اضافی فیچرز کے ساتھ پکانٹو پیش کرکے فائدہ اٹھائے جو برانڈ کو بڑے پیمانے پر مشہور کرنے میں مدد دے سکتا ہے۔ ممکنہ خریداروں کی بڑی تعداد پاک سوزوکی کی جانب سے پیش کردہ گاڑیوں سے کسی بہتر گاڑی کی جانب منتقل ہونا چاہتی ہے۔ اس لیے امید ہے کہ یہ صارفین کے لیے ایک بہتر صورتحال بنائے گی۔
ہماری طرف سے اتنا ہی، مزید جائزوں اور آنے والی گاڑیوں کے تقابل کے لیے پاک ویلز پر آتے رہیے۔ اپنی آراء نیچے تبصروں میں دیجیے۔