لاہور ٹریفک پولیس نے ایک اور سیفٹی مہم شروع کردی
گزشتہ سال سے سٹی ٹریفک پولیس لاہور ان افراد کے خلاف کریک ڈاؤن کر رہی ہے جو صوبائی دارالحکومت میں ٹریفک قواعد و ضوابط کی پیروی نہیں کر رہے۔ CTP نے لاہور میں روزمرہ سفر کرنے والے افراد میں شعور اجاگر کرنے کے لیے متعدد سیفٹی مہمات متعارف کروائیں جن میں جلد بازی میں ڈرائیونگ اور ٹریفک قوانین کی پیروی نہ کرنے کے خطرات کے بارےمیں بتایا گیا۔
اس بار بھی اتھارٹی نے موٹر سائیکل پر سوار ہونے والی خواتین کے دوپٹوں کے موٹر سائیکل کے پہیے میں پھنسنے کے خطرے سے آگاہ کرنے کی مہم شروع کی ہے۔ واضح رہے کہ اس وجہ سے موٹر سائیکل چلانے والے اور پیچھے بیٹھنے والی خاتون کے خطرناک حادثات پیش آ چکے ہیں۔ مزید برآں، ٹریفک پولیس نے موٹر سائیکل رکھنے والے کو بھی مناسب چین کور لگانے کی ہدایت کی ہے، جو دوپٹے کے پچھلے پہیے میں پھنسنے کے خطرے کو کم کر سکتا ہے۔
میڈیا سے بات کرتے ہوئے چیف ٹریفک آفیسر (CTO) لیاقت علی ملک نے زور دیا کہ آگہی مہمات کے ذرعیے اس طرح کے حادثات پر قابو پایا اور انہیں ختم کیا جا سکتا ہے۔
تازہ ترین مہم جمعہ 8 فروری 2019ء سے لبرٹی مارکیٹ میں شروع ہوئی کہ جہاں رکشوں پر اشتہارات لگائے گئے۔ پہلے مرحلے میں ایسے 6,000 اشتہارات رکشوں پر لگائے جائیں گے۔
متعلقہ خبر یہ ہے کہ پنجاب سیف سٹیز اتھارٹی (PSCA) نیلے رنگ کی لائٹ اور غیر قانونی نمبر پلیٹیں استعمال کرنے والوں کے خلاف سخت ایکشن لینے کو تیار ہوگئی ہے۔
پاکستان اور بیرونِ ملک سے آٹوموٹِو انڈسٹری کی ایسی ہی خبروں کے لیے پاک ویلز پر آتے رہیے۔