اکتوبر 2018ء میں آٹو سیکٹر کی سیلز میں مسلسل دوسرے ماہ اضافہ
ملک میں گزشتہ دو ماہ میں گاڑیوں کی طلب میں یکدم اضافہ ہوا ہے، اور مسافر گاڑیوں کی فروخت میں ماہ بہ ماہ میں 25 فیصد اضافہ اور 2017ء میں اسی مہینے کے فروخت کے اعداد و شمار میں 10 فیصد اضافہ ہوا ہے۔
شرحِ تبادلہ میں مسلسل اضافہ مقامی کار میکرز کی جانب سے گاڑیوں کی قیمت میں اضافے کا سب بنا ہے جس نے لوگوں کو قیمت بڑھنے سے پہلے گاڑیاں خریدنے کی ترغیب دی۔
اکتوبر 2018ء کے لیے گاڑیوں کی فروختبہت زیادہ بڑھی۔1300cc کیٹیگری میں ہونڈا نے سوِک اور سٹی کے مجموعی طور پر 4482 یونٹس فروخت کیے، جو ستمبر 2018ء کے مقابلے میں فروخت میں 9 فیصد اضافہ ہے۔
ٹویوٹا نے 27 فیصد اضافے کے ساتھ اکتوبر 2018ء میں کرولا کے 5618 یونٹس فروخت کیے۔ اکتوبر 2018ء میں سوزوکی سوئفٹ کی فروخت میں 544 یونٹس کے ساتھ 19 فیصد اضافہ ہوا جبکہ ستمبر 2018ء میں سوئفٹ کے 454 یونٹس فروخت ہوئے تھے۔
1000cc زمرے میں سوزوکی کلٹس کی فروخت میں 2401 یونٹس کے ساتھ ماہ بہ ماہ میں 34 فیصد اضافہ ہوا۔ دوسری جانب اکتوبر 2018ء میں25 فیصد اضافے کے ساتھ سوزوکی ویگن آر کے 3339 یونٹس فروخت ہوئے۔
مزید برآں، اکتوبر 2018ء میں 324 یونٹس کی فروخت کے ساتھ سوزوکی مہران کی فروخت میں اضافہ ہوا۔ البتہ مہران کی فروخت گزشتہ سال کے اسی مہینے کے مقابلے میں 23 فیصد کم ہوئي ہے۔
اس کے علاوہ ٹرکوں اور پک اپس کی فروخت میں ماہ بہ ماہ میں بالترتیب 14 اور 51 فیصد اضافہ ہوا ہے۔
4×4 اور 4×2 زمرے میں دیکھیں تو جیپوں؛ ٹویوٹا فورچیونر اور ہونڈا BR-V کی فروخت اکتوبر 2018ء میں 27 فیصد بڑھی ہے جس میں فورچیونر کے 258 اور BR-V کے 523 یونٹس فروخت ہوئے ہیں۔
گاڑیوں کی طرح موٹر سائیکلوں کی فروخت میں بھی زبردست اضافہ دیکھنے کو ملا ہے۔ اٹلس ہونڈا نے ماہ بہ ماہ میں 12 فیصد اضافے کے ساتھ 107,669 یونٹس فروخت کیے۔ سوزوکی موٹر سائیکلوں کی فروخت اکتوبر 2018ء 2305 یونٹس کے ساتھ 19 فیصد بڑھی۔ یاماہا کی فروخت 2121 یونٹس کی فروخت کے ساتھ 5 فیصد اوپر گغی جبکہ یونائیٹڈ آٹوز نے 41,308 یونٹس بیچ کر ماہ بہ ماہ میں صرف 1 فیصد اضافہ حاصل کیا۔
