مہران کی پیداوار بند کرنے کے بعد پاک سوزوکی کو خسارے کا سامنا
روپے کی گھٹتی ہوئی قدر اور مہران کی پیداوار بند ہونا یکم جنوری سے شروع اور 31 مارچ کو ختم ہونے والی سال کی پہلی سہ ماہی میں پاک سوزوکی موٹر کمپنی (PSMC) کے خسارے میں جانا کی دو اہم وجوہات رہیں۔ نتیجتاً پاک سوزوکی کو 980 ملین روپے کے خالص خسارے کا سامنا کرنا پڑا۔ واضح رہے کہ کمپنی گزشتہ سال کی پہلی سہ ماہی میں منافع میں تھی جب اس نے 904 ملین روپے کا خالص منافع حاصل کیا۔
کمپنی کی جانب سے خسارے کا اعلان پاکستان اسٹاک ایکسچینج (PSX) میں جمع کروائے گئے اپنے مالیاتی نتائج میں کیا گیا۔ سادہ الفاظ میں 2018ء کی پہلی سہ ماہی میں پاک سوزوکی کی فی حصص آمدنی 10.99 روپے تھی جبکہ 2019ء میں اسی دورانیے میں اسے 11.92 روپے کے فی حصص خسارے کا سامنا کرنا پڑا ہے۔ منافع خسارے میں بدل گیا اور مختلف حلقے کہہ رہے ہیں کہ سوزوکی مہران کی پیداوار روکنے کے بعد اس کی کم ہوتی فروخت اہم ترین وجہ ہیں۔
مارچ 2019ء کی PAMA رپورٹ میں ہم نے بتایا تھا کہ موجودہ مالی سال کے ابتدائی نو مہینوں میں سوزوکی مہران کی فروخت میں 24 فیصد کمی آئی۔ دوسری جانب سوزوکی ویگن آر کی طلب بڑھی کہ جس کے فروری 2019ء میں 2,419 یونٹس کے مقابلے میں مارچ 2019ء میں 2,982 یونٹس فروخت ہوئے (18.8 فیصد اضافہ)۔
رحجانات میں تبدیلی نے پاک سوزوکی کو نقصان پہنچایا۔ مزید یہ کہ دسمبر 2017ء سے اب تک امریکی ڈالر کے مقابلے میں روپے کی قدر میں 34 فیصد کمی آئی اور یہ بھی ایک اہم عنصر ہے۔ اب کمپنی مہران کی جگہ سوزوکی آلٹو 660cc پیش کر رہی ہے اور جون 2019ء میں لانچ کے بعد مزید فروخت کی توقع رکھتی ہے۔
بروکریج ٹاپ لائن ریسرچ کے مطابق PSMC کو ” روپے کی گھٹتی ہوئی قدر کی وجہ سے کمپنی کے کام کرنے کی لاگت کو بہت زیادہ بڑھ گئی جس کی وجہ سے 3 فیصد (25 سہ ماہیوں کی کم ترین سطح) پر کُل منافع کے مارجن میں 5 فیصدی پوائنٹس سال بہ سال نقصان ہوا۔”
منافع میں کمی صارفین پر بھی اثر انداز ہوئی۔ ایک ماہر نے مقامی میڈیا ادارے سے بات کرتے ہوئے اس معاملے پر یہ دعویٰ کرتے ہوئے اپنی رائے دی کہ یہ آٹھ سال میں کمپنی کا سب سے بڑا خسارہ ہے۔ اس عرصے کے دوران 2019ء کے ابتدائی تین ماہ میں پاک سوزوکی کی فروخت کم ہوئی لیکن آمدنی 34.5 ارب روپے تک پہنچی جبکہ 2018ء کے دوران یہ 31.5 ارب روپے تھی۔
آپ ہمارے آٹو پارٹس اسٹور پر سوزوکی کے پرزے اور ایکسیسریز دیکھ سکتے ہیں۔ پاکستان کی آٹوموٹِو انڈسٹری کی تازہ ترین خبروں سے آگاہ رہنے کے لیے پاک ویلز پر آتے رہیے۔ اپنی رائے نیچے تبصروں میں پیش کیجیے۔