پرنس پرل Rex7 – پاکستانیوں کے لیے نئی ہیچ بیک
جب سے 800cc ہیچ بیک پرل Rex7 کی خبریں PakWheels.com کے ذریعے عوام تک پہنچی ہیں، تب سے اس کی باتیں ہر زبان پر ہیں۔ ملک میں گاڑیوں کا ہر شوقین اس گاڑی کی خوبیوں و خامیوں پر بات کر رہا ہے۔ پرل Rex7 آٹو انڈسٹری میں تازہ ہوا کا جھونکا بن کر آئی ہے جس میں مناسب قیمت کی حامل نئی ہیچ بیک گاڑیوں کی تعداد زیادہ نہیں ہے۔
پرنس پرل Rex7 کی مکمل تفصیلات اور انٹیریئر کی تصاویر دیکھنے کے لیے یہاں کلک کریں
یاد رکھیں پاک سوزوکی پہلے ہی پاکستان میں سب سے زیادہ فروخت ہونے والی گاڑی سوزوکی مہران کی اپریل 2019ء سے فروخت کے خاتمے کا اعلان کر چکا ہے۔ ویسے مہران پاکستان کی ابھرتی ہوئی مڈل کلاس کی جیب دیکھتے ہوئے سب سے مناسب گاڑی سمجھی جاتی تھی۔ مہران کی عدم موجودگی میں یونائیٹڈ براوو کی آمد کی خبر پر بہت خوش و خروش تھا۔ عوامی جوش سے ہٹ کر دیکھیں تو گاڑی کی کارکردگی اور معیار کئی لوگوں کے بدستور مشکوک ہے۔
ریگل آٹوموبائلز اور چین کے DFSK گروپ کا جوائنٹ وینچر، پرنس، مقامی آٹو انڈسٹری میں پرنس پرل Rex7 جاری کرنے کے لیے تیارہے۔ براوو کی طرح اس کی اصل خالق بھی چینی کمپنی ہے، اس لیے لوگ نئی پروڈکٹ کے حوالے سے کچھ تذبذب کا شکار ہیں، پھر بھی کم از کم مقامی آٹو انڈسٹری میں کچھ نیا تو آ رہا ہے اور وہ بھی ہیچ بیک کی صورت میں۔ وقت ہی بتائے گا کہ یہ گاڑی کتنی اچھی ہے۔
یہ بات قابلِ ذکرہے کہ گاڑی رواں سال کی دوسری ششماہی میں سڑکوں پر نظر آئے گی جس کی متوقع قیمت 7 سے 7.5 لاکھ روپے ہوگی۔ براوو کی قیمت 8,95,000 (ایکس-فیکٹری) ہے، یعنی نئی گاڑی اسے سخت ٹکر دے گی۔
جیسا کہ اوپر ذکر کیا گیا کہ یہ گاڑی آٹو اور مینوئل دونوں ٹرانسمیشنز دونوں رکھنے والے 800cc انجن سے لیس ہے جو 5500 rpm پر 40 hp اور 3500-4500 rpm پر 60.5 Nm پیدا کرتا ہے۔ کمپنی گاڑی دو مختلف ویریئنٹس میں لانچ کررہی ہیں: مینوئل اور آٹومیٹک۔
مزید برآں، ذرائع کے مطابق، اس ننھی ہیچ بیک میں آج کے دور کی کسی بھی جدید بجٹ کار کے تمام لوازمات موجود ہیں، جیسا کہ پاور ونڈوز، سینٹرل لاکنگ، جدید ترین LCD، پاور اسٹیئرنگ وغیرہ ۔ اگر ہم اس کا تقابل مہران سے کریں تو یہ گاڑی پاور ونڈوز رکھتی ہے جو مہران میں نہیں۔ یہاں تک کہ 1000cc کی ویگن آر VXR تک پاور ونڈوز آپشن سے محروم ہے اور VXL جیسے دیگر ویریئنٹس میں بھی پاور ونڈوز کی سہولت صرف اگلے دو دروازوں تک محدود ہے۔
اس نئی ہیچ بیک ہے بارے میں آپ کی رائے کیا ہے؟ ہمیں نیچے تبصروں میں ضرور بتائیں۔