کیا سانتا فی کو پاکستان میں نامناسب قیمت پر پیش کیا جا رہا ہے؟
لاہور کے امپوریم مال میں 23 فروری 2019ء کو ہیونڈائی نشاط موٹرز کے ڈجیٹل شوروم کے افتتاح کے بعد سے جوائنٹ وینچر کے فلیگ شپ ماڈل سانتافی کئی لوگوں کی توجہ کا مرکز بن چکا ہے۔ یہ SUV سرخیوں میں آئی لیکن غلط وجوہات بالخصوص قیمت کی بناء پر۔
پاکستان میں سانتا فی کی قیمت 16 ملین سے 18.5 ملین روپے کے درمیان ہے، جس کا انحصار ایڈ-آنز اور دیگر فیچرز پر ہے۔ کئی افراد نے اسے اندازوں سے کہیں زیادہ بڑی قیمت قرار دیا، خاص طور پر اگر اس کا تقابل متحدہ عرب امارات میں پیش کردہ قیمت سے لگائیں جو 3.3 سے 4.9 ملین روپے ہے۔ امریکا ميں پیش کردہ سانتا فی کے 7 ویریئنٹس 3.4 سے 4.9 ملین روپے کے درمیان ہیں، جبکہ بھارت میں اس کی زیادہ سے زیادہ قیمت 6.1 ملین روپے ہے۔ آسٹریلیا میں اس SUV کی قیمت 4.3 سے 6 ملین روپے کے درمیان ہے۔
اس لیے پاک ویلز نے اس معاملے پر وضاحت کے لیے ہیونڈئی نشاط موٹرز سے رابطہ کیا۔ کمپنی نے فوری طور پر مندرجہ ذیل جواب دیا کہ جو یہاں شائع کیاجا رہا ہے:
ہیونڈائی نشاط موٹرز (پرائیوٹ) لمیٹڈ ہیونڈائی کی فلیگ شپ SUV سانتا فی کی قیمت کے بارے میں مارکیٹ پھیلائی جانے والی غلط فہمی کو ختم کرنا چاہتا ہے۔ ہم واضح کرنا چاہتے ہیں کہ یہ انوکھی پروڈکٹ اصل ڈیوٹیز پر درآمد کی گئی ہے، جو حکومتِ پاکستان کی جانب سے لاگو ہیں۔ اس گاڑی پر ڈیوٹی اور ٹیکس کی مد میں تقریباً 300 فیصد لگے ہیں۔ یہ گاڑی AIDP کی خصوصی رعایتی اسکیم کے تحت درآمد نہیں کی گئی۔ HNMPL بعد ازاں ہیونڈائی سانتا فی کی CKD کنڈیشن میں ممکنہ لانچ کے لیے اس وقت گاڑی کے مارکیٹ امکانات کا جائزہ لے رہا ہے۔ اگر HNMPL کی جانب سے اس پروڈکٹ کو مقامی سطح پر بنانے کا فیصلہ کیا گیا، تو ہم AIDP خصوصی رعایتی اسکیم کے تحت اس کی اتنی مقدار درآمد کر سکتے ہیں کہ جن کی رعایت پر اجازت دی گئی ہے۔
پاک ویلزکو امید ہے کہ اس سے قارئین ہیونڈائی نشاط موٹرز کی سانتا فی کے ممکنہ خریداروں کے ان بہت سارے سوالوں کو جواب مل گیا ہوگا ۔
آٹوموٹِو صنعت کے حوالے سے ایسی ہی دیگرخبروں کے لیے پاک ویلز کے ساتھ رہیے۔