یاماہا بائکس کی قیمتوں میں 8000 روپے تک اضافہ
ہنڈا اٹلس کے بعد یاماہا پاکستان نے بھی اپنی بائکس کی قیمتیں بڑھا دی ہیں۔ کمپنی نے بائکس کی قیمتوں میں 8000 روپے تک کا اضافہ کیا ہے۔ خیال رہے کہ یاماہا نے رواں سال یہ چھٹی بار قیمتیں بڑھائی ہیں۔
اس سے قبل کمپنی نے گزشتہ ماہ اکتوبر میں قیمتیں بڑھائی تھیں اور ایک ماہ کی قلیل مدت کے بعد ایک بار پھر قیمتوں میں اضافے کا اعلان کیا ہے۔
یاماہا بائکس کی نئی قیمتیں
- یاماہا YB125Z (ریڈ/بلیک) کی قیمت میں 7000 روپے کا اضافہ کیا گیا ہے۔ جس کے بعد بائیک کی قیمت 286500 روپے سے بڑھ کر 293500 روپے ہو گئی ہے۔
- یاماہا YB125Z-DX (ریڈ/بلیو/بلیک) کی قیمت 307000 روپے سے بڑھ کر 314000 روپے ہو چکی ہے۔ یعنی بائیک کی قیمت میں 7500 روپے کا اضافہ کیا گیا ہے۔
- یاماہا YBR 125 (ریڈ/بلیو/بلیک) کی قیمت میں 7500 روپے کا اضافہ کیا گیا ہے۔ جس کے بعد بائیک کی قیمت 315000 سے بڑھ کر 322000 روپے ہو گئی ہے۔
- دریں اثنا،YBR125G (سرخ/سیاہ) کی قیمت میں 8000 روپے کا اضافہ کیا گیا ہے۔ جس کے بعد بائیک کی قیمت 328000 روپے سے بڑھ کر 336000 روپے ہو گئی ہے۔
- دوسری جانب حال ہی میں لانچ ہونے والی یاماہا YBR125G (میٹ ڈارک گرے) کی قیمت میں 8000 روپے کا اضافہ کیا گیا ہے۔ جس کے بعد بائیک کی قیمت 331000 روپے سے بڑھ کر 339000 روپے ہو گئی ہے۔
کمپنی نے روایت کو برقرار رکھتے ہوئے قیمتوں میں اضافے کی وجہ نہیں بیان کی۔ بائک کمپنیاں 2022 کے آغاز سے ہی ایسا کر رہی ہیں، اور یہ جلد ختم ہوتی نظر نہیں رہی ہے۔ صنعتی ماہرین اور موٹر سائیکل بنانے والے موجودہ معاشی بدحالی کے پیش نظر قیمتوں میں مزید اضافے کی توقع کر رہے ہیں۔
اس کے برعکس حکومتی رپورٹس ایک الگ کہانی بیان کرتی ہیں۔ رپورٹس کے مطابق، بائیک مینوفیکچرنگ کا ایک بڑا حصہ لوکلائزیشن پر مبنی ہے۔ جس کے بعد قیمتوں میں بار بار اضافے اور معاشی بدحالی کو مورد الزام ٹھہرانے کی کوئی وجہ نہیں بنتی ہے۔
یاماہا موٹر سائیکل کی قیمتوں میں تازہ اضافے کے بارے میں آپ کا کیا خیال ہے؟ کیا آپ کے خیال میں یہ جائز ہے؟ کمنٹس سیکشن میں اپنے خیالات کا اظہار کریں۔