سوزوکی نے بھی بائیکس کی قیمتوں میں اضافہ کر دیا
ہنڈا اور یاماہا کے بعد سوزوکی نے بھی اپنی بائیکس کی قیمتوں میں اضافہ کردیا ہے۔ نوٹیفیکیشن کے مطابق نئی قیمتوں کا اطلاق 1 اگست 2021 سےہو چکا ہے۔ کمپنی نے بائیک کی قیمت میں 5 ہزار روپے کا اضافہ کیا ہے۔
کمپنی نے کہا کہ وہ سوزوکی مصنوعات کی فروخت اور خدمات کو فروغ دینے کیلئے کی جانے والی مسلسل کوششوں کو سراہتی ہے۔
نئی قیمتیں:
کمپنی نے سوزوکی GD110S کی قیمت میں 5 ہزار کا اضافہ کرتے ہوئے بائیک کی قیمت 181000 روپے سے بڑھا کر 186000 روپے کردی ہے۔ اسی طرح GS150 کی قیمت میں بھی 5 ہزار روپے کا اضافہ کرتے ہوئے اسکی قیمت 197000 روپے سے بڑھا کر 202000 روپے کردی ہے۔
سوزوکی نے GS 150 SE کی قیمت میں بھی 5 ہزار کا اضافہ کیا ہے جس کے بعد بائیک کی نئی قیمت 219000 روپےمقرر کی گئی ہے جبکہ گاڑی کی پرانی قیمت 214000 روپپے تھی۔ GR150 کی قیمت بھی 290000 روپے سے بڑھا کر 295000 روپے کردی ہے۔
اس سے قبل بڑھائی گئی قیمتیں:
اس سے قبل فروری 2021 میں کمپنی نے بائیک کی قیمتوں میں اضافہ کیا تھا۔ نوٹیفیکیشن کے مطابق تب قیمتوں میں 4 ہزار روپے تک کا اضافہ کیا گیا تھا۔
کمپنی نے سوزوکی GS 150 کی قیمت 193000 روپے سے بڑھا کر 197000 روپے کردی گئی تھی۔ اسی طرح سوزوکی GS 150 SE کی قیمت میں بھی 4 ہزار روپے کا اضافہ کیا گیا۔ جس کے بعد بائیک کی قیمت بھی 210000 روپے سے بڑھا کر 214000 روپے کر دی گئی تھی۔
کمپنی نے سوزوکی GR 150 میں 3 ہزار روپے کا اضافہ کرتے ہوئے بائیک کی قیمت 287000 روپے مقرر کی جبکہ پرانی قیمت 290000 روپے تھی۔
گزشتہ ماہ یاماہا اور ہنڈا نے بھی بائیکس کی قیمتوں میں اضافہ کیا لیکن قیمتوں میں اضافے کی وجہ نہیں بیان کی۔ آپ اس بارے میں کیا رائے رکھتے ہیں؟ کیا آپ کولگتا ہے کہ قیمتوں میں اضافے کا فیصلہ ٹھیک ہے؟ نیچے دئیے گئے کمنٹس سیکشن میں اپنی رائے کا اظہار کریں۔