ہنڈا سوِک، سٹی اور BR-V کی بکنگ کی قیمتیں تبدیل
ہنڈا اٹلس نے اپنی گاڑیوں کی بکنگ قیمتوں پر نظر ثانی کی ہے، جن میں ہنڈا سٹی، ہنڈا سوِک، اور ہنڈا BR-V شامل ہیں۔ ایک نوٹیفکیشن کے مطابق نئی قیمتوں کا اطلاق 9 فروری 2022 سے ہو چکا ہے۔
نوٹیفکیشن میں ہنڈا اٹلس نے کہا کہ حکومتی نوٹیفکیشن کے مطابق صارفین کی جانب سے کی جانے والی جزوی ادائیگی کی رقم ریٹیل پرائس کے 20 فیصد سے زیادہ نہیں ہونی چاہیے۔
ہنڈا سٹی کی بکنگ کی قیمتیں
کمپنی نے ہنڈا سٹی کی بکنگ کی قیمتیں کم کر دی ہیں۔ اس سے پہلے سٹی کے ویریںٹس کیلئے بکنگ کی قیمتیں 10 لاکھ اور 12 لاکھ روپے تھیں۔ نظر ثانی شدہ قیمتیں یہ ہیں:
- ہنڈا سٹی ایم ٹی 1.2 – 550,000 روپے
- ہنڈا سٹی CVT 1.2 –- 600,000 روپے
- ہنڈا سٹی 1.5 CVT –- 600,000 روپے
- ہنڈا سٹی ایسپائر 5 MT- 650,000 روپے
- ہنڈا سٹی ایسپائر 5 CVT –700,000 روپے
ہنڈا سوک کی بکنگ کی قیمتیں
ہنڈا سوِک کے تمام ویریئنٹس کی پچھلی بکنگ قیمت 12 لاکھ روپے تھی۔ تاہم، اب کمپنی نے پہلے دو ویرینٹس کی بکنگ پرائسز کو کم کر دیا ہے اور نئے نرخ یہ ہیں:
- ہنڈا سوِک 5L ٹربو M-CVT – 1100000 روپے
- ہنڈا سوِک اوریل 5L ٹربو M-CVT – 1100000 روپے
- ہنڈا سوِک RS 5L ٹربو LL-CVT – 1200000 روپے
اس کا مطلب ہے کہ آپ کم قیمتوں پر نئی سوک بک کر سکتے ہیں، جو کہ کمپنی کی جانب سے ایک اچھا اقدام ہے۔
ہنڈا BR-V بکنگ پرائس
اس کراس اوور کی بکنگ پرائس یہ ہے:
ہنڈا BR-V 1.5 CVT – 700000 روپے
لہذا، اگر آپ اپنی ہنڈا کار بک کرنے کا ارادہ رکھتے ہیں تو یہ وقت ہے کہ آپ اپنی قریبی ہنڈا ڈیلرشپ پر جائیں اور اپنی پسندیدہ کار حاصل کریں۔
دریں اثنا، کمپنی نے ہنڈا سوِک 2022 کی قیمتوں کا اعلان کر دیا ہے اور اس کی بکنگ بھی شروع کر دی گئی ہے۔ ذرائع کے مطابق سوِک 2022 رواں ماہ کے آخر تک لانچ کر دی جائے گی۔ چونکہ سوِک پاکستانی صارفین کی پسندیدہ ترین کار ہے۔ اسی لیے سِوک کے کامیاب ہونے کی بہت امید ہے۔ اس کی ممکنہ کامیابی کی ایک اور وجہ یہ بھی ہے کہ اس گاڑی نے شمالی امریکہ کے علاقے میں بہترین کار کا ایوارڈ جیتا ہے۔
ان نظر ثانی شدہ قیمتوں کے بارے میں آپ کا کیا خیال ہے؟ کیا آپ ہنڈا سوِک بک کرنے کا سوچ رہے ہیں؟ نیچے دئیے گئے کمنٹ سیکشن میں اپنے خیالات کا اشتراک کریں۔