پاک سوزوکی کا ‘پرانی دو نئی لو’ آفر کا اعلان
پاکستان کی آٹو انڈسٹری میں، قطع نظر کہ وہ نئی کمپنیز ہیں یا پرانی، تمام کمپنیز اور کار ساز متاثر نظر آتے ہیں۔ تاہم کار کمپنیاں صارفین کی توجہ اپنی جانب مرکوز کرنے کیلئے اپنے نمایاں ماڈلز پر ایک کے بعد ایک نئی آفر کا اعلان کر رہے ہیں۔
بِگ تھری کی بات کریں تو پاکستان سوزوکی موٹرز کمپنی (PSMC) نے اپنی ہیچ بیکس پر دلکش پیشکشوں کا اعلان کرنے میں اپنے تمام جاپانی حریفوں کو پیچھے چھوڑ دیا ہے۔ ایک حالیہ سوشل میڈیا پوسٹ میں، پاک سوزوکی نے ان لوگوں کے لیے ‘ایکسچینج بونس’، ‘پرانی دو، نائی لو’ آفر کا اعلان کیا جو اپنی پرانی سوزوکی کو نئی ویگن آر میں اپ گریڈ کرنے کا بے صبری سے انتظار کر رہے ہیں۔
کمپنی کی جانب سے شئیر کی گئی پوسٹ میں کہا گیا ہے کہ انی پرانی کار لائیں نئی ویگن آر لے جائیں اور 150000 روپے کا ایکسچینج بونس حاصل کریں۔
پاک سوزوکی ایک اور آفر
ایک ہفتہ قبل، کمپنی نے اپنے تمام ماڈلز (آلٹو، ویگن آر، سوئفٹ) پر ایک بہترین آفر کا اعلان کیا۔ جس میں صارفین 800000 روپے بچت حاصل کر سکتے ہیں۔
پاک سوزوکی کی جانب سے بار بار اس طرز کی آفرز کا مقصد سیلز کو بہتر کرنا ہے کیونکہ گزشتہ ایک لمبے عرصے سے کمپنی کی سیلز میں کمی دیکھی جا رہی ہے۔ پاکستان آٹو موٹیو مینوفیکچررز ایسوسی ایشن (PAMA) کی رپورٹ کے مطابق پاک سوزوکی کی سالانہ فروخت میں 27 فیصد کمی واقع ہوئی۔ کمپنی نے گزشتہ ماہ 4101 گاڑیاں فروخت کیں جبکہ گزشتہ سال کے اسی عرصے میں فروخت ہونے والی گاڑیوں کی تعداد 5628 تھی۔
ماہانہ سیلز کی بات کریں تو کمپنی نے پاک سوزوکی موٹرز کمپنی کی فروخت میں 16 فیصد اضافہ کیا، فروری 2024 میں 4,885 کاروں کے مقابلے 4,101 گاڑیاں فروخت کیں۔
اسی طرح پاکستان سوزوکی موٹر کمپنی نے آلٹو کے 3373 یونٹس، سوزوکی کلٹس کے 320 یونٹس، سوزوکی ویگن آر کے 136 یونٹس، سوزوکی سوئفٹ کے 663 یونٹس، سوزوکی بولان کے 183 یونٹس، اور سوزوکی راوی کے 210 یونٹس فروخت کیے ہیں۔
پاک سوزوکی کی نئی ایکسچینج آفر کے بارے میں آپ کے کیا خیالات ہیں؟ کمنٹس سیکشن میں ہمیں بتائیں۔