اٹلس ہونڈا نے موٹر سائیکلوں کی قیمتوں میں 4,000 روپے تک کا اضافہ کردیا
اٹلس ہونڈا نے اپنی موٹر سائیکلوں کی قیمتوں میں 4,000 روپے تک کا اضافہ کردیا ہے۔ پاکستان کے سب سے بڑے موٹر سائیکل بنانے اور پیش کرنے والے ادارے ہونڈا نے سال میں پانچویں بار اپنی موٹر سائیکلوں کی قیمت بڑھائی ہے۔ اس کی کوئی خاص وجہ نظر نہیں آتی کہ آخر ادارے نے نرخ کیوں بڑھائے ہیں اور نہ ہی کمپنی نے خود کچھ بتایا ہے۔ نئی قیمتیں 3 اکتوبر 2018ء سے نافذ العمل ہوں گی۔
ہونڈا موٹر سائیکلوں کی قیمتوں میں تبدیلیاں کچھ یوں ہیں:
| Honda Bikes | |||
| Old Prices | New Prices | Difference | |
| Honda CD-70 | PKR 65,500 | PKR 65,900 | PKR 400 |
| Honda CD-70 Dream | PKR 68,900 | PKR 69,900 | PKR 1,000 |
| Honda Pridor | PKR 90,900 | PKR 91,400 | PKR 500 |
| Honda CG-125 | PKR 110,900 | No change | No change |
| CB-150F | PKR 172,000 | PKR 176,000 | PKR 4,000 |
| CB-250F | PKR 640,000 | No change | No change |
اٹلس ہونڈا کی جانب سے اس اضافے کو مدنظر رکھتے ہوئے یہ کہا جا سکتا ہے کہ دیگر موٹر سائیکل بنانے والے بھی قیمتیں بڑھا سکتے ہیں۔قبل ازیں، ہونڈا نے اپنی گاڑیوں کی قیمتوں میں اضافے کی وجہ روپے کی گرتی ہوئی قدر بتائی تھی۔ ادارے نے جولائی 2018ء میں 90,009 یونٹس فروخت کیے جبکہ اگست میں اس کی فروخت گرتے ہوئے 80,012 تک پہنچ گئی، یہی وہ وجہ ہو سکتی ہے جس کی ادارے نے اپنی مصنوعات کی قیمتیں بڑھانے کا فیصلہ کیا۔ ہونڈا اپنی پیداواری گنجائش کو 15 لاکھ یونٹس سالانہ تک پہنچانے کا بھی فیصلہ کرچکا ہے۔ ادارہ اس سلسلے میں 15 ملین ڈالرز کی بھاری رقم بھی خرچ کرے گا۔
تازہ ترین خبروں کےلیے آتے رہیے۔