[RIGHT]سب سے پہلے اس 8 روزہ سفر کا روز بروز مختصر احوال
جمعہ 27 دسمبر2013۔پہلا دن
صبح سوا پانچ بجے کراچی سے روانہ ہوئے،رات ساڑھے نو کے بعد بہاولپور پہنچے۔رات بہاولپور شہر میں ہوٹل
میں قیام۔
ہفتہ 28 دسمبر 2013 ۔ دوسرا دن
صبح پونے آٹھ بجے بہاولپور سے روانہ ہوئے،رات سات بجے کھیوڑہ کے قریب پنڈدادن خان پہنچے۔رات ہوٹل میں
قیام۔
اتوار 29 دسمبر 2013۔ تیسرا دن
صبح ساڑھے آٹھ بجے کھیوڑہ کے لیے روانہ ہوئے۔ نمک کی کانوں کی سیر کی۔11 بجے کے بعد براستہ کٹاس
کلر کہار کیلیے روانہ ہوئے۔راستے میں مشہور تاریخی مقام کٹاس کی سیر کی۔ 2 بجے کے قریب کلر کہار جھیل
کے کنارے پہنچے۔ دو گھنٹے تک جھیل کی سیر اور آرام میں گزارے۔ پھر براستہ موٹر وے راولپنڈی کیلیے روانہ
ہوے۔ عصر کے وقت راولپنڈی پہنچے۔ رات ہوٹل میں قیام۔
پیر 30 دسمبر 2013۔ چوتھا دن
صبح سوا دس بجے مری کیلیے روانہ ہوئے۔ ساڑھے بارہ بجے تک مری پہنچے۔ کشمیر پوائنٹ گھومنے کے بعد ہوٹل میں سامان رکھ کر بقیہ دن مری ،مال روڈ کی سیر۔ رات مری میں قیام۔
منگل 31 دسمبر 2013۔ پانچواں دن
صبح سوا 9 بجے مری سے براستہ راولپنڈی لاہور کیلیے روانہ ہوئے۔ مغرب کے وقت لاہور پہنچے۔انارکلی بازار کے قریب رات ہوٹل میں قیام۔
بدھ یکم جنوری 2014۔ چھٹا دن
دن بھر لاہور کی سیر۔ صبح پھجے کے پایوں سے ناشتے کےبعد چڑیاگھر۔مینار پاکستان، شاہی قلعہ، علامہ اقبال کا مزار، بادشاہی مسجد، شالامار باغ اور شام کو واہگہ بارڈر پر پرچم اتارنے کی معروف تقریب میں شرکت۔ پھر ہوٹل واپسی اور رات قیام۔
جمعرات 2 جنوری 2014۔ ساتواں دن
واپسی کا سفر۔ صبح ساڑھے 7 بجے لاہور سے روانہ ہوئے۔ مغرب کے بعد شہر صادق آباد ضلع رحیم یار خان پہنچے۔ ایک دوست کے گھر کچھ وقت گزار کر صادق آباد سے 10 کلو میٹر دور سنجر پور میں ایک دوسرے دوست کے گھر رات 11 تک پہنچے۔ رات سنجر پور میں دوست کے گھر قیام۔
جمعہ 3 جنوری 2014 ۔ آٹھواں دن
دوپہر 12 بجے کے بعد سنجر پور سے روانہ ہوئے۔ رات کو بارہ بجے کراچی گھر واپسی ہوئی۔
تصاویر اور سفر کی روزانہ کے حساب سے تفصیلی روداد بہت جلد اسی تھریڈ میں۔۔۔۔۔۔۔۔
[/RIGHT]