محفل اردو کے اس گوشہ گپ شپ میں سب دوستوں کو دل کی گہرائیوں سے خوش آمدید
پاکستان سمیت دنیا بھر میں ہمارے وہ دوست جو اردو میں گپ شپ کرنا زیادہ بہتر اور آسان محسوس کرتے ہوں
یہ گوشہ گپ شپ ان کا منتظر ہے کہ اپنی قومی زبان میں اظہار خیال کا لطف ہی کچھ اور ہے۔
موضوعات کے انتخاب کی کوئی قید نہیں شعروادب ہو یا تاریخ و جغرافیہ ، سیرو تفریح ہو یا مزاح و لطیفہ گوئی
صرف متنازع ، اختلافی امور ، ہر قسم کی لسانیت ، عصبیت ، فرقہ واریت اور حساس مذہبی معاملات پر گفتگو
سے اجتناب کہ گوشہ گپ شپ میں سکون و آشتی کی ٹھنڈی چھائوں برقرار رہے ۔ مزاح بھی ایسا شستہ کہ
کہ بے حیائی اور فحاشی کی آلودگی سے ضرر رساں نہ ہونے پائے۔
اپنی تحریر اس گوشہ گپ شپ کی زینت بنانے سے پہلے اس کے الفاظ اور معیار پر نظر ثانی ضرور کر لیں کہ
وہ کسی کی دل آزاری کا سبب نہ بن سکے۔
آپ کی زبان سے نکلا ہوا ہر لفظ آپ کی شخصیت اور سوچ کا آئینہ دار ہوتا ہے۔
الفاظ کے چنائو میں بہترین اخلاق ، بلند کردار اور اعلیٰ اقدار کو ملحوظ رکھئے کہ آپ کی مثبت سوچ اور شخصیت
کی خوبصورتی داغدار نہ ہو۔
کوشش کیجئے کہ اس گوشہ گپ شپ میں اردو رسم الخط میں ہی تحریر کریں لیکن اگر اردو تحریر کرنے میں دقت
محسوس کرتے ہوں تو رومن اردو میں بھی اظہار خیال کر سکتے ہیں۔
موبائل فون میں تو اردو فونیٹک کی بورڈ کی سہولت موجود ہے ، اس کو استعمال کرنا کچھ زیادہ مشکل نہیں۔
اسی طرح لیپ ٹاپ اور کمپیوٹر میں بھی بآسانی اردو فونیٹک کی بورڈ انسٹال کیا جاسکتا ہے۔ کوشش کریں کہ
اردو کو اس کے اصل رسم الخط اور انداز میں ہی تحریر کیا جائے۔ ذرا سی محنت کرکے اردو میں ٹائپ کرنا
سیکھ لیجئے تاکہ اس محفل اردو کے گوشہ گپ شپ کا حقیقی حسن ماند نہ پڑ سکے۔
خوشیاں بکھیریے اور خوشیاں سمیٹئے
اور محفل اردو کے گوشہ گپ شپ میں تشریف لائیے ۔۔۔۔۔۔۔۔۔ [B]