آپ کے اتنے سارے سوالات دیکھ کر اندازہ ہوا کہ آپ کو یہ سڑک کچھ زیادہ ہی پسند آ گئی ہے ۔ اسی لئے اس سڑک کے بارے میں جو بھی معلومات دستیاب ہو سکی ہیں آپ کے گوش گزار کر رہا ہوں ۔ویسے اس شاہرہ کی خوبصورتی کا مزید اندازہ آپ کو تھریڈ میں آگے چل کر ضرور ہو گا جب میں اس کی مزید تصاویر شئیر کروں گا۔
این-25 پاکستان کے صوبوں سندھ اور بلوچستان کو ملانے والی مرکزی شاہراہ ہے۔ اسے عام طور پر آر سی ڈی شاہراہ یا آر سی ڈی ہائی وے بھی کہا جاتا ہے۔ یہ شاہراہ پاکستان کو بذریعہ ایران ترکی سے منسلک کرنے کے لیے ایک معاہدے کے تحت بنائی گئی اور اسی لیے اسے آر سی ڈی شاہراہ کہا جاتا تھا۔ آر سی ڈی پاکستان، ایران اور ترکی کے مابین طے پانے والے معاہدے علاقائی تعاون برائے ترقی (Regional Cooperation for Development) کا مخفف ہے۔
۔ 813 کلومیٹر طویل یہ شاہراہ کراچی سے شروع ہوتی ہے اور بیلہ، قلات اور کوئٹہ سے ہوتی ہوئی چمن پر ختم ہوتی ہے۔ اس شاہراہ کو گوادر سے بھی منسلک کیا گیا ہے۔
نیشنل ہائی وے اتھارٹی دیگر بڑی شاہراہوں کی طرح اس کا انتظام بھی سنبھالتی ہے۔
یہ سڑک در حقیقت حب سے شروع ہوتی ہے اور اسے سپر ہائی پر تعمیر ہونے والے ناردن بائی پاس کے ذریعے کراچی سے ملایا گیا ہے