ڈیئر بلال، اسلام و علیکم!۔
امید ہے آپ اس وقت مہران بیچ چکے ہوں گے اور کوئی بہتر کار استعمال کر رہے ہوں گے۔ میں نے آپ کا سوال آج ہی دیکھا ہے، اس لیے آج جواب دے رہا ہوں، تا کہ مہران کے موجودہ گاہک اس سے فائدہ حاصل کر سکیں
مہران چونکہ پاکستان میں استعمال ہو رہی ہے اس لیے میں اردو میں جواب تحریر کر رہا ہوں تا کہ ہر کسی کی سمجھ میں آ جائے، اور اگر پھر بھی کوئی چیز پوچھنے والی رہ جائے تو بندہ حاضر ہے
میں نے 2007 میں مہران خریدی تھی اور ابھی تک وہی میرے زیرِ استعمال ہے اس لیے میں یہاں جو بھی بیان کر رہا ہوں وہ تجربہ کی بنیاد پر بیان کر رہا ہوں۔
نمبر ا: مہران میں پلگ اور پوانئنٹ کا میں رول ہوتا ہے اور آپ کی گاڑی میں تیل کی کھپت کا انحصار بھی انہی دو چیزوں پر ہوتا ہے، اس کے پلگ اور پوائنٹ کی عمر 10 ہزار کلو میٹر ہوتی ہے اور ان کا کوئی متبادل نہیں ہے، میرا مطلب ہے کہ آپ کو کسی کے کہنے پر یہ میگنٹ وغیرہ کے چکر میں نہیں پڑنا۔ اب آتے ہیں کہ اس کی قیمت پر، تو بلال صاحب سوزوکی سے آپ جو بھی چیز لیں گے وہ آپ کو مارکیٹ سے دوگنا قیمت پر ملے گی۔ اس لیے آپ جب بھی سوزوکی کی ورکشاپ پر جائیں اور یہ چیزیں تبدیل کرنا مقصود ہو تو اوپن مارکیٹ سے لے کر جایا کریں، اوپن مارکیٹ میں جاپانی پلگ 3 سو سے سوا 3سو تک میں مل جاتے ہیں اور اسی طرح پوائنٹ (جاپانی) جو سوزوکی والے 780 روپے کا دے رہے ہیں وہ آپ کو مارکیٹ سے 325 یا 350 میں مل جائے گا۔
ایک اور بات میں نے پلگ اور پوائنٹ 15000 کلومیٹر تک بھی چلائے ہیں اور الحمد للہ کبھی کوئی مسئلہ نہیں ہوا۔ اصل کام مکینک کا ہوتا ہے جو آپ کی گاڑی کی ٹیوننگ کرتا ہے، اگر وہ اچھا ہو گا اور اس کو معیاری سیٹنگ کے مرحلے معلوم ہوں گے تو آپکی گاڑی چلتی رہے گی ورنہ یہ سب کچھ نیا ڈال کر بھی آپ کی گاڑی جھٹکے ہی لگاتی رہے گی۔ ۔ ۔ ۔