23 days in GB(Astor,Skardu,Hunza,Khunjrab) babusar, Naran, nathyagali ,Lahore>Karachi

[awtkhan]

سکرنڈ کی آمد کا پتہ دیتا سائن بورڈ یہ بھی بتاتا تھاکہ آگےدکھائی دیتے چوک سے بائیں طرف مڑتی راہ شہیدبے نظیر آباد کی طرف جاتی ہے جو کہ سندھ کے مشہور شہر نواب شاہ کا نیا نام ہے۔ خیرپور اور رانی پور سے حیدرآباد کا رخ کرتی ریلوے لائن محراب پور اور پڈعیدن کے قصبوں سے گزرتی ہوئی نواب شاہ پہنچتی ہے۔ اروڑ کی پہاڑیوں کے جنوب میں خیرپور کے مشرق سے شروع ہوکر جنوب کی سمت آگے بڑھتے نارا کےریگستان کا نواب شاہ کے مشرق میں پہنچ کراختتام ہوجاتا ہے البتہ اس کے مزید مشرق میں واقع صحرائے تھر مسلسل جنوب کی طرف بڑھ کر سانگھڑ کے عقب سے ہوتا ہوا کھپرو ،عمر کوٹ اور نوکوٹ تک اور پھر مزید آگے پھیل کر بدین کی مشرقی حدود اور بھارتی سرحد کے ساتھ ساتھ ہوتا ہوا ننگرپارکر تک جا پہنچتا ہے۔ سکرنڈ سے آگے بڑھیں تو نارا کے ریگزار کے اختتام کے باعث این 5 اور سند ھ کے ریگزاروں کا درمیانی فاصلہ بڑھتا چلا جاتا ہے۔7 بجے سے کچھ قبل ہم سعیدآباد ٹول پلازہ پہنچ گئے۔

[awtkhan]

ریگزاروں سے دور ہونے کے ساتھ ساتھ شام کے سائے بھی گہرے ہوئے تو گرمی کا زور بھی کچھ ٹوٹنا شروع ہوا۔ ہالا کےقریب پہنچے تو سورج آسمان سے رخصت ہونے کی تیاری کرنے لگا۔ ہالا سے کچھ راہیں مشرق میں واقع شہدادپور اور ٹنڈوآدم کے شہروں کے لئے بائیں طرف نکل جاتی ہیں۔ہالا کی حدود سے نکل کر کچھ ہی آگے بڑھے تو سورج ہمارے دائیں طرف دور دریائے سندھ کے پرے مغرب میں ڈوبتا چلاگیا۔ سورج کےغائب ہوتے ہی گاڑی کے شیشوں کی تپش بھی دم توڑ گئی۔ شیشوں کی گرمی کم ہوئی تو اے سی کی جالیوں سے نکلتی ہوا کی ٹھنڈک کچھ بڑھ گئی۔ ایک اور اچھی بلکہ بہت ہی اچھی بات یہ ہوئی کہ متبادل راستوں کا ناہنجار سلسلہ بھی ختم ہوگیا۔
مغرب میں دکھائی دیتی آسمان پر پھیلی سرخی تیزی سے کم ہونا شروع ہوئی تو مٹیاری کے قریب سڑک کنارے ایک مسجد دیکھ کر میں نے گاڑی روک دی۔ گرمی کی شدت تو بہت حد تک کم ہو گئی تھی لیکن ہوا بالکل بند تھی۔ نماز پڑھ کر باہر نکلا تو شدید حبس مجھےجلد ہی پسینے میں شرابور کرگیا۔مسجد کے ساتھ ہی موجود درخت بالکل ساکت تھے ،آسمان کی سرخی مدھم ہوتے ہوتے سرمئی رنگت اختیا ر کر چکی تھی۔ ہم مٹیاری کی حدود سے نکل کر حیدرآباد کے طرف رواں دواں تھے ، آسمان پر رات اترتی تھی اور تاریکی کا راج بڑھتا تھا۔
حیدرآباد کے قریب تر ہوئے تو ایسا لگا کہ سڑک کنارے لگے درخت کچھ جھومنے سے لگے ہوں۔ گاڑی کے شیشے ذرا نیچے سرکائے تو اندازہ ہوا کہ وہ ہوا چلنے کی خوشی میں جھومتے تھے ، اے سی بند کر کے فی الفور شیشے کھول دئیے گئے۔ ہوا تو چلنی ہی تھی کہ ہم ٹھنڈی ہواؤں کے شہر حیدرآباد کی قربت میں تھے ۔ ہوا گو زیادہ ٹھنڈی نہ تھی لیکن بہرحال تھی ضرور، بہت فرحت بخش نہ سہی پر ہمیں کچھ نہ کچھ سکون ضرور بہم پہنچارہی تھی۔

[awtkhan]

کچھ ہی دیر بعد ہم ایک سہ راہے پر این 5 کو چھوڑ کرسپر ہائی وے پر جانے کے لئے دائیں طرف حیدرآباد بائی پاس پر مڑگئے۔این 5 اس سہ راہے سےآگے بڑھ کر پہلے شہر کے درمیان پہنچتی ہے اور پھر وہاں سے نکل کر دریائے سندھ پار کرکے براستہ کوٹری اور ٹھٹھہ کراچی پہنچتی ہے۔ درحقیقت لاہور سے شروع ہو نے والی انتہائی اہمیت کی حامل یہ قومی شاہراہ اس سہ راہے پر پہنچ کر اپنی آن بان اور اہمیت کھو دیتی ہے۔ملک کے بالائی علاقوں ،پنجاب اور وسطی سندھ سے کراچی جانے کے لئے این 5 پر سفر کرنے والا سب ٹریفک نسبتاً مختصر اور کشادہ سپرہائی وے اختیار کرنے کے لئے اس سہ راہے پر پہنچتے ہی این 5 کی طویل رفاقت چھوڑ کر حیدرآباد بائی پاس پر مڑ جاتا ہے۔این 5 یہاں سے صوبہ سندھ کی ایک لوکل سڑک کی ہیئت اختیار کرکے پہلے دریائے سندھ کنارے بسے حیدرآباد اور کوٹری کے جڑواں شہروں کے بے ہنگم رش میں پھنستی پھنساتی باہر نکلتی ہےاورپھرجنوبی سندھ کا لمبا چکر کاٹ کر ہانپتی کانپتی کراچی پہنچ پاتی ہے ۔
ہم نے حیدرآباد بائی پاس سے گزرتے ہوئے دریائے سندھ کا پل عبور کیا ۔ساڑھے 8 بجے سے قبل ہی پہلےبائی پاس کےٹول پلازہ تک پہنچے اور پھرجلد ہی سپرہائی وے کے ٹول پلازہ پر جاپہنچے ۔

[awtkhan]

سپر ہائی وے پر پہنچے تو ہماری رفتار کے ساتھ ساتھ ہوا کی رفتار بھی تیز ہوتی گئی۔ادھر رات کے بڑھنے کے ساتھ ساتھ ہوا میں ٹھنڈک بھی بڑھی۔رگ وپے میں کچھ سکون اترا تو بھوک بھی کسمسا کرجاگ اٹھی۔دل میں چائے کی خواہش بھی مچلنے لگی۔ٹول پلازہ سے گزر کر کچھ ہی آگے بڑھے تو شاہراہ کنارے ایک چھوٹے سے ہوٹل پر جا رکے۔
ہوٹل پر ٹھیک ٹھاک رش تھا، قریب ہی اچھے خاصے ٹرک اور ٹرالر بھی کھڑے تھے۔زیادہ تر لوگ ہوٹل کے سامنے کھلی جگہ پر بچھی چارپائیوں پر براجمان تھے۔ہم نے اس رش سے خاصے فاصلے پر کھڑی اپنی گاڑی کے قریب ہی ایک چارپائی منگوالی۔رانی پور کے ہوٹل میں لنچ کیلئے جو مزیدار چکن کڑھائی بنوائی تھی ،وہ اچھی خاصی بچ رہی تھی اس لئے ہم نےاسے پیک کروا کر ساتھ رکھ لیا تھا- کھلے آسمان تلے رات کی ہلکی ہلکی ٹھنڈک میں چارپائی پر بیٹھ کر تنور کی گرما گرم روٹیوں کے ساتھ رانی پور کے ہوٹل کی چکن کڑھائی نے کھانے کا لطف دوبالا کردیا۔بعد میں چائے کے ایک ایک بھرپور کپ نے آج کے ایک طویل اور گرم دن کی تکان کا ازالہ کرنے کی بھی بھرپور کوشش کی۔
نو بجے کے بعد ہم یہاں سے روانہ ہوئے۔سپر ہائی وے کے دونوں اطراف لق ودق میدان بڑھتی شب کی گہری تاریکی میں ڈوبے ہوئے تھے۔ ہائی وے کے دائیں طرف پھیلے کیرتھر نیشنل پارک سے گھوم پھرکر آتی خوشگوارہوائیں ہمارے چہروں سے ٹکراتی تھیں۔ہماری تیز رفتاری کے باعث فاصلے تیزی سے سمٹتے چلے گئے۔ نوری آباد کے قریب ہائی وے کے دونوں اطراف موجودپٹرول پمپس اور سی این جی اسٹیشنوں کی روشنیاں جھلملاتی دکھائی دیں۔ راستے میں کہیں کہیں سڑک کنارےواقع کسی ہوٹل کے جلتے بلبوں کی لائٹیں گہری سیاہ رات کے پردے میں شگاف ڈال دیتیں۔کراچی سے کچھ قریب ہوئے تو ہائی وے کے اطراف ہوٹلوں اور پٹرول پمپس کی تعداد میں اضافہ ہوتا چلا گیا۔11بجے کے قریب کراچی ٹول پلازہ سے گزر ے۔کچھ مزید آگے بڑھے توبالکل سامنے دور افق میں روشنیوں کے شہر کی جگمگاہٹیں تاریک آسمان میں چاندنی کی طرح پھیلتی دکھائی دینے لگیں۔سمندر کی مخصوص مرطوب ہواؤں نے بڑے پیار سے ہمارے چہرے تھپتھپا کر شہر کے دروازے وا کر دئیے۔
تیئیس دنوں کے بعد شہر کی حدود میں داخل ہوئے تو سندھ کے ریگزاروں سے خنجراب کے برفزاروں تک اور پھر دوبارہ ریگزاروں سے ہوتے ہوئے کراچی تک واپسی کے طویل لیکن انتہائی ناقابل فراموش سفر کی یادوں کا ایک خزانہ ہمارے ساتھ تھا۔

[asattar1995]

A happy ending to a marvelous journey.

[fkhan79]

Finally, Sir ji daddhooo mazoo achi vio

[raheelarshadh]

Tariq Bhai this is good news that another traveling and travelogue is came into being into coming days and we get more good things from your experiences.God Bless You

[selman]

maza aa gaya sir...iss saray safar mein hum aap k sath sath chaltay rahay...agla incomplete safarnama facebook k sath sath yahan bhi upload kertay rahain tou nawazish hogi...Jazak Allah

[ghostcompany8]

DoDear, an online portal of Connect Communications, providing videos, TV dramas, games, web, portal videos, music, torrents and much more on dodear.com

[arif7867]

Sir

aap ki pakwheel pa dastana northern area per ka i am the fan of you and pakwheel

[arif7867]

Allah bless you

[awtkhan]

سب احباب کا بہت بہت شکریہ
تاخیر سے تکمیل پر بہت بہت معذرت خواہ

[noman1881]

MashAllah Waheed Bhai...Allah aap ko isi thra app ke shoq pora kerte rahay...

Guzishta 4 saal se chalta hua safarnama bil aakhir apni takmeel ko phunch gya

[sumair.jokhio]

Asalaam o alikum sir, can u please mention the charges you paid for the jeep at astore for rama etc ?

[aks_e_ahmed]

Bohot shandar Abdul Waheed Bhai bohot behtareen safar nama...!

[dailymealisb]

very nice

TELL ME: How do you eat healthy while traveling?
I think mess-free meals and snacks that the foods that'll keep your gut happy (and healthy) while traveling ...
In Islamabad Munchups Bake catering by Daily meal Islamabad's snacks and fresh food is very delicious and economical.
Really like it

[maslambaloch57]

Very interesting Abdul Waheed sahib. Pray for your health.

[pwuser153612921424]

Simply Fantastic

[user-xxx]

Is it possible to go from islamabad to Naran in one go on motorcycle ?
Google map is showing 6-7 hours time!

[tintin1]

This post was flagged by the community and is temporarily hidden.