4 days tour from Lahore to Multan-Bahawalpur-Derawar Fort (20-23 July 2019)

[rizwan_mir]

Shukriya @shoaib.civil87

[selman]

Excellent sir G...

[rizwan_mir]

Thanks @selman

[rizwan_mir]

Noor Mahal say hum takreeban 11 bajay tak farig ho gaye or socha k wapis hotel ja k kuch dair araam kertay hain or phir Derawar ko nikaltay hain. Lehaza wapsi pay hmain kuch cheezoon ki zaroorat thi jis k liya hum Ahmadpuri Gate k andar valay bazaar ma gaye.

[rizwan_mir]

Hotel wapis aa k kuch dair araam kiya. Lunch kernay ko dil nhi ker raha tha q k nashta heavy kiya hua tha. Lehaza kuch snacks lay aye. Derawar fort hamara pehla visit tha is liya mujhay maloom nhi tha k Bahawalpur say Derawar tak road kis terha ki hai. Google map say Ahmedpur east tak to highway hi dikha nazar aa rahi thi. Lakin us k baad Derawar fort tak choti road dikh rahi thi. Mujhay aisa laga jaisay road khasta haal ho ga is liya 100km ka safar zyada time lay ga. Hum nay apas ma mashwara kiya or dopahar 3 bajay nikalnay ki bajaye hum 1 bajay hi nikal paray.

Dhoop ko bhi raham na aya hum pay. Badal bhi jaisay kaheen chup gaye huye thay ja k. Sakht garmi thi or kari dhoop ma hum loog Derawar Fort ki taraf nikal paray. Kya kertay ab itni door say ayen hain to daikhay baghair to nhi wapis ja saktay.

Safar ka aghaaz hua to rastay ma kaheen kaheen bnai gai tasaveer.

Yeh to aisay lag raha tha jaisay baray baray camp lagaye huye hain kisi nay jo rent pay miltay hain...

Aik darakht ki qadar ka andaza bhi tab hota hai jb kareeb koi or darakht na ho or sakht dhoop sar pay ho.

Hum Ahmedpur east say Derawar ki road pay pohonch chukay thay. Or rastay ma takreeban koi abaadi nazar nhi aa rahi thi jahan is khandaan nay apna khaima laga rakha tha. Khandaan ma chotay or baray bachay bhi thay. Na koi AC, na koi pankha, na hi thanda pani. Dil soochta hai k Allah nay itnay sakht halaat ma q rakha hua hai is terha k khandaanon ko. Lakin phir imaan ka taqaza yeh hi hai k yeh sb Allah ki hi taqseem hai jis pay insaan razi honay k siwa kuch nhi ker sakta. Allah ka shukar hai k us nay hamain bohot si naimatoon say nawaza hua hai.

Lain janab, yeh hai Derawar fort ko jati hui road. Road ka wo hissa jo Ahmedpur east say agay shuru hota hai Derawar fort tak jata hai. Yeh sari road is terha ki zabardast hai. Or road behtar honay ki waja say hum loog jaldi pohonch rahay thay. Phir hum nay rastay ma kuch jagah pay photography k liya ruknay ka program bnaya ta k suraj kuch neechay ho or garmi ki shiddat kam ho sakay.

[rizwan_mir]

Ham soch to yeh rahay thay k rastay ma hamain us terha ka manzar bhi milna naseeb ho ga jaisay raigistaan ka hota hai. door door tak rait hi rait or unchay neechay teelay. Lakin aisa na hua. Shayad Derawar Fort say agay jo roads jaati hain deep desert ki taraf, wahan aisa manzar ho. Humain rastay ma aik hi jaga pay kuch rait k unchay teelay nazar aye or waqt honay ki waja say hum nay socha kuch dair yahan waqt guzara jaye.

[rizwan_mir]

Hum Derawar fort pohonch gaye lakin garmi ki shiddat ma kami na aai. Ittefaqan vahan pay aik shop band thi or us k bahir chaoon ma charpai pari hui thi. Hum nay ghaneemat samjhi or vahan pay baith gaye. Samnay aik nalka nazar aya or ma nay socha k mun haath dho liya jaye. jb pani nikaalna shuru kiya to itna garam pani k haath na lagay. Kuch minute k baad ja k normal temperature ka pani nikla.

Mairay nalkay k istamal say farigh hotay hi vahan chiryoon ki aamad shuru ho gai.

Yeh aik khoobsorat Abbasi Jamia Masjid hai jo k Derawar fort ki main entrance k bilkul samnay hai. Madrissa ka talb-e-ilm pani say safai kertay huye.

Hum kuch dair to chaoon ma baithay rahay lakin phir socha k waqt guzarta jaye ga or jb suraj dhalnay ka time aye ga to pta bhi nhi chalna k kab suraj ghaib ho gaya or rooshni khatam ho gai. Lehaza garmi to hai lakin himmat kertay hain or jaghoon ko daikhna shuru kertay hain. To sb say pehlay hum nay Qila ka androoni hissa daikhnay ka faisla kiya.

Yeh aik hi Canon (toop) nasb thi qila k androoni hisaay k beecho beech.

Foreground wala minaar Abbasi masjid ka hai or Background ma dikhnay vali imarat Royal Graveyard hai jo k kuch faslay pay hai Abbasi masjid say.

Yeh bhi fort ka androoni hissa hai.

[rizwan_mir]

Fort k andar ja k kuch paidal walk ker k loog dewaaron k uper bhi ja saktay hain or vahan say Derawar k gird-o-nawah ka manzar bohot shandaar nazar ata hai.

Yeh bhi vahan banay gharon ki door say li gai aik tasveer.

[rizwan_mir]

Fort k andar valay hisaay ki li gai kuch tasaveer. Ma nay Derawar fort k andar ki halat daikh k socha k shayad yeh hi vaja say hai internet pay is qilay ki zyada tar sirf bahir say li gai tasaveer milti hain. Q k andarooni hissa to bohot toot phoot chuka hai or is ka koi khayal nhi rakha gaya matlooba hakoomti idaray ki taraf say. Or bahir ki dewaroon ka bhi jo haal hum daikh k aye hain, agar us ki murammat na ki gai shayad kuch saal hi yeh dewaarain tik payen gi.

Yeh fort ki main entrance ka dawara hai.

[rizwan_mir]

Derawar fort say farig ho k hum Abbasi masjid ki taraf chal diya. or vahan pay kuch tasaveer bnai.

Yeh Abbasi masjid ki balcony hai jis ka rukh fort ki entrance ki taraf hai.

Masjid say farig huye to ab Derawar fort k bahir ki jaga daikhni thi jahan pay kuch tasaveer li ja sakain. Maghrib ka waqt honay ma takreeban aik ghanta hi reh gaya tha. Derawar fort aik achay khasay baray raqbay pay bana hua hai. Fort k aik koonay say dusray tak janay ma kuch minut lagtay hain. Lehaza hamain ab koi spot chahiya tha jahan hum kuch tasaver bna sakain or us k baad wapsi ka rukh krain.

[rizwan_mir]

Yeh hamari final photo jo Derawar k famous exterior k samnay bnai. is waqt tak suraj gharoob ho chuka tha. Abhi bhi vahan kuch or jaghain daikhnay vali theen lakin Q k aam dinon ma wahan pay verani ka aalam zyada hota hai is liya hum nay waqt per hi nikalna munasib samjha q k Derawar say Ahmedpur east tak ka road zyada gunjaan abaad nhi hai. Or motorbike ko koi masla na ho jaye is baat ko paish-e-nazar rakh k hum nay socha k suraj dhaltay hi wapis nikal jaya jaye.

Cholistan jeep rally valay event pay vahan kaafi ronaq hoti hai. Derawar fort k ird gird lights lagi hoti hain, masjid ko lights say sajaya jata hai. Is liya un dinon ma vahan late ruka ja sakta hai q k road pay trafic ki amd-o-raft bhi kaafi hoti hai. Lakin aam dinon ma road bilkul veran hotay.

Or vaisay bhi hum is visit say is nateejay per pohnchay hain k garmiyon ma Derawar vali side pay jana say aap ka waqt zaya bohot zyada hota hai garmi ki shiddat ki waja say. Q k garmi nay ghumnay ka or explore kernay ka vo maza nhi jo sardiyon k mosam ma hota hai. Agar hum sardiyon ma aye hotay to hum ird gird ki saari jaghain ghoom saktay thay.

Yahan say nikalnay k baad hum nay Ahmedpur east say agay ja k main highway pay aik roadside restaurant say dinner kiya. or phir wapis Bahawalpur hotel ki taraf chal paray. Takreeban 9.30 tak hum pohonch gaye.

Or yahan hamara yeh din bhi ikhtitaam ko pohncha.

[rizwan_mir]

Tuesday 23rd July: Bahawalpur say Lahore wapsi

Subha hum Bahawalpur say 5.30am pay nikal paray ta k timely ghar pohncha ja sakay. Wapsi pay Lodhran-Khanewal road say safar kiya or Multan ko bypass kiya. Sarak bohot achi bani hui hai yeh vali.

Jahaniyan k area say ja k nashta kiya Paye or Chanay. Bohot hi mazay k thay. or bill bana sirf "2 hazar 70... aap zaroor choonk gaye hon gay. Ma bhi choonk gaya tha. Vo banda "2 so 70" ko pta nhi 2 hazar 70" q keh raha tha but us nay aisay hi bola or us nay aisay q bola ma nay nhi pucha...

Rastay pay kuch or jagah ruktay huye tasaveer bnai.

[rizwan_mir]

Coming soon...

Bs gee yahan hamari tasveeron ka silsila khatam hua. Hum takreeban dopahar 2.30 bajay tak ghar bakhairiyat pohonch gaye thay. Or is terha hamara 4 din ka yeh chota sa safar apnay ikhtitaam ko pohncha. InShaAllah zindagi rahi to dobara phir jab bhi tour ho ga. aap sb say zaroor share kiya jaye ga.

Aap sb k pasand kernay ka or time nikal k safarnama perhnay ka shukriya.

Allah Hafiz
Stay blessed, keep exploring and keep riding.
Pakistan Painda-baad.

[tintin1]

This post was flagged by the community and is temporarily hidden.

[rizwan_mir]

Thank you @tintin1 for your time to go through the thread and liking the pictures.

There are not just one but several purpose not this one but for every visit of ours.

Collective purpose:
1. To have a break from routeen life
2. Explore new areas and places

Individual purpose:
(Myself)
Love to ride motorbike for long run.

(My wife)
1. Passionate photographer
2. Love to visit historical buildings

[tintin1]

This post was flagged by the community and is temporarily hidden.

[rizwan_mir]

@tintin1 appreciate your comments.

[muhammad-noman]

nice thread and pictures

[rizwan_mir]

Thanks @muhammad-noman

[haroonmcs26]

رضوان بھائی آپ کے تھریڈ کو آج ہی پڑھنے کا موقع ملا کیونکہ اپنے کشمیر کے موٹر بائیک ٹور کی وجہ سے کچھ دنوں پاک وہیل سے دور رہا۔ جب تھریڈ شروع کیا تو سوچ رہا تھا کہ ہونڈا ہنڈرڈ کی دوبارہ زیارت ہو گی لیکن پھر پتا چلا کہ اسکی جگہ ڈیلکس نے لے لی ہے نیا اضافہ ہے۔ آپ کی فوٹو گرافی کی صلاحیتوں میں بہت زیادہ بہتری آئی ہے زبردست فوٹو گرافی۔ واقعی جنوبی پنجاب میں گرمی کا موسم لاہور سے زیادہ شدید ہوتا ہے اور جب گرمی زیادہ ہو تو پھر باہر وقت گزارنا مشکل ہو جاتا ہے۔ لیکن بہر حال ٹور تو ٹور ہی ہوتا ہے۔ اس میں ہمیں کبھی گرمی کبھی سردی اور کبھی بارش کا سامنا کرنا پڑتا ہے۔ بہرحال اتنی گرمی میں آپ دونوں کے حوصلے کو سلام۔