Sunset ki opposite side ka manzar.
Pictures bnanay k baad vapis room vali side pay jatay huye. Suraj kitna dhal chuka tha is ka andaza aap is mobile camera ki picture say laga saktay hain.
Wapis room pay aa k pehlay to namaz ada ki or phir Suhail sb nay tea bnai hui thi. Kuch biscuits or nimko li or tea pee or sath hi batain bhi kertay rahay. Suhail sb say Danoi say janay valay rastay k baray ma pucha aya k vo munasib hai traveling k liya ya nhi. Un ka us track pay jana nhi hua tha bohot arsa say is liya unhon nay kaha k "kuch shuru ka track kharab hai lakin Danoi k baad sara theek hai." Mujhay or tassali hui k chalo track ka bhi confirm ho gaya. Kuch dair ma or baigam thandi hawa ko enjoy kertay rahay tea peetay peetay.
Suhail sb, nay vahan pay aik chota sa kitchen bhi bnaya hua hai khana vaghaira tayar kernay k liya. Vo kuch dair vahan gaye or un ka aik neighbour Zafar Sb, (ex-military officer) bhi vahan un k pass aa gaye to Suhail sb nay Zafar sb say zikar kiya k yeh loog danoi valay track say lehtara road tak jana chahtay hain subha. to Zafar sb yeh sun k hamary pass aa gaye or ta'aruf hua to hunhon nay pehlay to bohot naseehtain keen jaisay k parents apnay bachoon ko kertay hain. Phir unhoon nay Danoi valay track say janay say mana ker diya. Unhon nay kaha k "Suhail ka vahan ana jana nhi hota lakin ma jawaroon ko chara khilanay jata rehta hun us track pay. Wo track bohot si jaga say land slide ku vaja say bilkul khatam ho gaya hai. vo to paidal valoon k liya bhi mushkil hai to bike k nikal janay ka sawal hi paida nhi hota. aap subha yahan say wapis kahota vali side pay jao or kahuta say 1 km pehlay road jati hai lehtarar road ki taraf. wahan say jayen." Un ki guidance ko hum nay bohot appreciate kiya or un ka shukriya bhi ada kiya jo unhoon nay hum ko mushkil ma pernay say pehlay hi inform ker diya. Us k baad Zafar sb chalay gaye wapis apnay ghar or Suhail sb, nay bhi ijazat talab ki or ma nay apni bike room may hi khari ker li or phir takreeban 7.00 bajay k kareeb zafar sb bhi chalay gaye.
(Note: Aik baat btana bhul gaya k Panjpeer top pay pani ka bohot masla hai because vahan top valay area ma koi chashma ya water supply nhi hai. Suhail sb, bhi apni zaroorat ka pani apnay village say janwaroon pay load ker k latay hain. Lehaza agar camping kernay jayeen to pani apnay sath zaroor lay k jayen.)
Andhaira honay k baad Panjpeer rocks k samnay vala area "Kamra" ka night view. "Taaray zameen pay".
Kuch mazeed time guzarnay pay illumination thori different ho gai. Voooo dur jo lights ka aik jhurmat jo dikhai day raha hai vo Murree ki lights hain.
Suhail sb k janay k baad hum nay night view vali pictures leen. Q k Isha ki namaz ka waqt ho chuka tha. Hum dono nay wazu kiya or room ma chalay gaye. Namaz perhi or kuch hisab kitab diary ma note kiya. or phir so gaye. Mairi achanak aankh khuli to ma samjha shayad rat subha k 3 ya 4 baj gaye huye hain lakin jb mobile pay time daikha to abhi raat k 10 hi bajay thay. Aisa san'nata, or hawa aisi chal rahi thi k khauf sa lahik tha k kaheen room ki chat hi ura k na lay jaye. Hawa chat pay pari tin ki chadroon ki dhariyon ma say guzarti thi to yun ehsaas dilati thi k toofan sa aa gaya ho. Har taraf andhaira hi andhaira. Behar haal kuch dair baad phir mujhay dobara neend aa hi gai.