A couple, a bike & lahore to arang kel via panjpeer rocks in dec 2015

[rizwan_mir]

Neelam river ki dusri taraf ka aik ilaqa. Ilaqay ka Naam nhi maloom.

Yeh pahar aik alag hi nazara day raha hai. Yun lag raha tha k kisi nay khud pakar pakar k yeh darakht mushtalif jaga pay rakh diya huye hain.

Nausadda k muqaam pay Neelam river pay tameer hota Dam.

Tourist Rest Place: Neelam road pay yeh mujhay 2 baar nazar aye. Jab pehli baar nazar aye to ma agay nikal chuka tha or wapis aya yeh soochtay huye k yahan thora ruk jatay hain. Lakin jab aa k daikha to jitni sahuliyaat is sign board pay likhi gai hain, un ma say aik bhi sahulat muyassar nhi thi. Bohot disappointment hui k jab aik point bana k tourists nay istimal hi nhi ker sakna to bnanay ka faida kya. 2nd Rest Point pay bhi yeh hi surt-e-hal thi.

[rizwan_mir]

Aik army check post k kareeb.

Running shadows...

[rizwan_mir]

Suna hai k "insaan jis cheez say khaufzada hota hai to phir hota bhi vo hi hai." Ma nay kuch arsa pehlay aik thread study kiya tha jis ma kuch loog neelam valley hi gaye thay. Un k tour ma un ki takreeban har aik bike hi flat hui thi or unhoon nay thread ma likha bhi hua tha k is track pay nails bohot hotay hain is liya track pay ehtiyaat say drive kerna chahiya. Bussss mairay dimagh ma yeh baat aisi chipki k nikalti hi nhi. Mujhay neelam road pay safar shuru kernay say pehlay hi yeh lagna shuru ho gaya k kaheen tyre flat na ho jaye or vohi hua. Aik to tyre flat or uper say area bhi line of control vala.

Lawat say takreeban 2 kilometer pehlay pak army ki check post hai. Vahan unhoon nay hamaray ID cards check kiya or hm ko kaha k agay pictures vaghaira mat bnaiya ga bcz Indian check post bhi hai. Hum nay kaha k "aap fikar hi na krain". Hum nay pictures kya laini thi, mobiles ko pocket ma dal diya or DSLR camera ko bhi opposite side pay latka liya. Lakin check post say abhi half km bhi dur nhi gaye thay k mujhay bike bubbling kerti mehsoos hui. Check kiya to tyre ma pressure kam tha. Ma nay soocha k peechay check post k kareeb kaheen mil jaye gi shop. Thori dair vaheen check kiya k agar koi nail hai to nikaal dun, kaheen sari tube ko hi na barbaad ker day lakin koi nail nhi mila. ma nay bike ko turn kiya or flat honay say pehlay wapis check post pay pohncha. Un say pucha k puncture vali shop kahan hai. Unhoon nay kaha k peechay to phir aap ko bohot zyada peechay jana pray ga shop k liya. Aap jahan say wapis aye hain us say kuch yards agay aik turn ata hai or us k sath hi puncture vali shop thi..... I was like... "Ohhhh nooooo". Jaldi say bike dobara turn ki or kuch qadam k baad hi tyre flat ho gaya. Ma nay wife say kaha k tum yaheen baitho, ghabranay ki zaroorat nhi, vo samnay apni check post bhi nazar aa rahi hai. Ma puncture lagva k wapis aa k tum ko lay jata hun. She said "nhi nhi, mujhay nhi baithna yahan akailay". Yeh sun k main nay kaha k "Chal bandya, kad apna samaan tay laa puncture."

Bohot dhundhnay ki kooshish ki lakin koi cheez nhi mili jis nay tyre ko puncture kiya ho. Bs mujhay jo puncture ka khadsha tha vo aakhir pura to hona hi tha.

Water stream crossing. Yahan ma nay wife ko kaha k tum bridge say cross ker lo ta k kaheen tumharay shoes na bheeg jayeen or mairi aik picture bnao bridge say. Baad ma yeh picture daikh k ma nay kaha k "water stream kahan hai?" She said: "vo bhi lana tha picture ma?"....

[rizwan_mir]

Hum takreeban 4 bajay k kareeb Sharda pohonch gaye or vaheen night stay kernay ka program ban gaya. Plan yeh kiya k ab room lay k, change ker k chaltay hain Old Sharda University daikhanay. Yeh kafi famous point hai vahan. Vo university Q k river k dusri side pay ha is liya hum nay room bhi dusri taraf ja ker hi liya. Sharda university ka area ab Army valoon k under hai or vahan entrance, stairs or kuch or jaga pay jahan army valoon nay apna setup bnaya hua hai, sb jaga pay pictures laina mana hai. Sirf vahan pay pictures allow hain jahan visitors allow hai. Yun samajh lain k vo aik 50 ya 60 marlay ka area hai jahan pictures li ja sakti hain.

University say bahir ka nazara.

[rizwan_mir]

Wah, huts ki chimniyon ma say nikalta smoke or baraf posh pahar or pine trees ka jungle....

Vahan time spend ker k hum wapis aa gaye or phir namaz ada ki or khana lainay chala gaya. 2 jaga say pucha to Palak, Boiled rice and Lobiya. Or kuch bhi nhi mil raha tha. To phir us say keh k chicken karahi tayyar kevai or dinner kiya.

Raat ko sardi ki shiddat zyada hona shuru ho gai. Dinner k baad tea ka mood hua to tea lainay chala gaya. Vahan restaurant vala apna khana vaghaira tayyar kerta ja raha tha or us k dost yaar sb aag k gird baith k garmaish lay rahay thay or sath hi sath roz-marra k muamlaat discuss ker thay. Developed cities ma to ab in cheezon ka rujhaan khatam hi ho chuka hai takreeban. Mobile life nay sb tabah ker k rakh diya hai.

Lo gee garma garam tea, room ma available hai. is k baad ab bs sonay ka mood ho raha or yaheen Day 4 bhi complete hua.

[tariq.majeed]

hahaha g g

MaShaAllah.... Tour to baad ki baat hai lakin agar mairay is thread say motivate ho k aap ki shadi ho jati hai to mairi yeh khushqismati ho gi cz aap bhi shadi shuda mardon ki nasal ma shamil ho jayen ***......

[tariq.majeed]

@rizwan_mir bhai I am enjoying all the shoots and words of your thread

[rizwan_mir]

@rizwan_mir bhai I am enjoying all the shoots and words of your thread

Good to hear that you are enjoying. Thanks for sparing time for it.

[biker-boy]

Nice Thread,
kafi acha trip tha apka @rizwan_mir

[roadhunter2]

Stay bless brother... Good ride and of course good snaps....
Wondering if you could possibly suggest Tyre which dont slip often on road.... for suzuki GS150

[rizwan_mir]

Nice Thread,
kafi acha trip tha apka @rizwan_mir

Bohot bohot shukriya janab.

[rizwan_mir]

Stay bless brother... Good ride and of course good snaps....
Wondering if you could possibly suggest Tyre which dont slip often on road.... for suzuki GS150

Bohot shukriya thread pasand kernay ka. Jahan tak Suzuki k liya tyre ka sawal hai, to aik thread ka link neechay likh raha hun, ho sakta hai aap ko madad fraham kr day. Mairi apna to koi experience nhi hai suzuki 150 ka is liya btanay say qasir hun. Lakin han, aisa tyre jo slip na ho road pay, us k intikhaab k hawalay say ma yeh zaroor byan kerna chahun ga k hamaray yahan bikes itna slip q hoti hain. Tyre to of course road pay vo hi kamyab hota hai jo road k mutabik bana ho or offroad pay vo jo offroad k liya banaya gaya ho. Lakin yahan road vala tyre bhi ho to bike road pay slip hoti hain. Vaja hai hamary mahool ma dust ka hona. Hamari roads pay jahan kaheen bhi pani gira hua ho ga, hum ko yeh samajh jana chahiya k yeh sirf pani nhi, dust mila pani para hua hai. Agar bike chalanay valay ka zaviya thora sa bhi zyada hua to vo thora sa pani bhi aap ko slip ker day ga, chahay aap ka new tyre hi q na ho. Aap nay rainy weather ma heavybike races to zaroor daikhi hon gi. Un k slip honay ki ratio barish ma bhi itni kam isi liya hoti hai Q k vo racing tracks vahan bnaye jatay hain jahan mahool ma dust na ho.

Road+Water = less slippery condition
Road+Water+Dust = Much slippery condition

Isi liya bhai, tyre jo bhi ho, yahan geeli road pay bohot hi ehtiyaat kerni chahiya.

Reply thora lamba ho gaya, us k liya maazrat chahun ga.

https://www.pakwheels.com/forums/suzuki-bikes/229100-right-tyre-size-suzuki-gs-150-a

[rizwan_mir]

Agli subha Kel or Arang Kel ka program tha. Socha yeh tha k Taobat tak bhi jayen *** agar baraf ka imkan hua to. Lakin it was a shiny day. Koi imkaan nhi thay baraf bari k. Isi liya yeh sooch k chal paray k jitna ghoom sakay ghoom lain *** or wapis night stay sharda hi aa k krain ***. Nikaltay huye ma nay resthouse valay ko chaabi pakra di or kaha k hamara kaproon vala bag yaheen hai. Agar to hum timely farigh ho gaye to wapis aa k aap say bag lay k chalay jayeen *** or agar late ho gaye to wapis aa k aap k hotel ma hi stay krain ***. Chalnay say pehlay ma nay wife say pucha bhi k "tumhari koi qeemti cheez ya koi paisay to nhi paray huye bag ma" to us nay kaha "nhi". Baki qeemti samaan sb hamaray pass hi tha like camera, mobiles, chargers etc.

Lakin jb hum shaam ko wapis aye to wife nay bag ma say apna abaya nikala or mujhay kehna shuru ker diya k "is ma say 1000 rupees nikal liya hain kisi nay, abaya ki pocket close thi jb ma nay rakha tha, ab khuli hui hai." Mujhay us waqt wife pay ghussa aya k "jb ma nay tum say pucha tha k koi qeemti cheez ha to btao lay ata hun bag ma say, tb tum nay q nhi btaya." to us nay kaha k "vo ma nay bhaanjay k liya gift laina tha, is liya nhi btaya k kaheen aap dusray paisoon k sath usay bhi na kharch ker dain." tb mujhay thora or ghussa aya k "yaar tum nay gift laina tha, yeh baat to theek hai lakin kam say kam paisay bag say nikaal k apnay pass hi rakh laiti". Ab wife nay kehna shuru ker diya k yeh room valay aadmi nay nikalay hoon ***. ma nay kaha k "zyada ghalati hamari hai is liya us say puchna or us pay ilzaam lagana theek nhi. yeh bhi to ho sakta hai k tum say hi kaheen vo paisay ghir gaye hoon or ab tum ko yaad na aa raha ho." Behar-Haal kaafi dair wife k dimagh say vo 1000 rupees na niklay or ma nay kaafi tasalli di k jo ho gaya so ho gaya.

Is liya mairi baki travelers say bhi yeh hi guzarish hai k kabhi bhi apna qeemti saman apnay bags ma choor k bahir ghumnay na jayen. Sb loog aik jaisay bhi nhi hotay. Or bina saboot k kisi pay ilzaam lagana bhi bohot sakht gunah hai. Is liya is cheez say bhi bachna chahiya.

Ghooray baich k sootay huye.

Sharda k huts ki picture jo k wife nay room ma say hi bnai.

Resthouse ki balcony say bahir ka aik manzar.

Jb ma nashta lainay gya tb Sharda bridge ki yeh picture bnai.

Sharda ka boys school. Bachay assembly ma Qaumi Naghmay par rahay thay.

Peechay jo meenaar or speaker vali khubsurat imarat hai, vo Masjid hai.

[rizwan_mir]

Nashtay ka baad takreeban hum 10 bajay k kareeb Kel ki taraf nikal gaye. Agay bhartay huye, peechay k track ki aik tasveer.

Athmuqam tak road bilkul theek hai, us k baad "Sharda" tak road zyada tak theek hai. Phir "Sharda" say "Kel" tak road kabhi thora kacha aa jata hai or kabhi pakka. "Kel" say "Taobat" tak ki road ka mujhay nhi pta Q k ma gaya nhi Taobat tak. Ma bohot impress hua yeh daikh k keh "Kel" tak pakki road k nishanaat miltay hain. Agar kuch saal peechay daikha jaye to "Kel" tak to lazmi sari road hi pakki hua kerti ho gi.

Kuch kachi roads December ma Keechar (Mud) ki surat ikhtiar ker jati hain. Guzarna thora mushkil hota hai bike k liya lakin na-mumkin nhi...

Ma nay ba-nisbat dusray northern areas k, Neelam valley ma huts ki construction ma kuch farak mehsoosh kiya hai. Yahan k zyada tar huts aik to size ma baray hain, dusra un ki coloring bohot unique hai. Vibrant colors ka istimaal kiya gaya hai. Or yeh rang in huts ko qudarti rang ma numayan banatay hain.

Kel k kareeb ki pictures.

[rizwan_mir]

Arang Kel tak vehicle nhi jati. Neechay vali picture ma jahan main khara hun us say kuch qadam agay say aik Cable Car chalti hai jo river k dusri taraf takreeban aadhay say zyada unchai tak drop kerti hai or vahan say 30 minutes ki hike reh jati hai Arang Kel tak. Agar cable car k point ko choor k seedha chalay jayen to yeh track neechay utarta hua seedha kel bridge pay jata hai or vahan say Arang Kel ki hike takreeban 3 ghantay ki hai.

Gee to, ab hum pohonch gaye hain "Kel" or voooo samnay pine forest k peechay hai "Arang Kel". Mairay or Arang kel k darmiyan aik mighty Neelam River bhi hai jo is picture ma nazar nhi aa raha.

Hum nay bhi bike park ki or Cable car k zariya dusri taraf gaye. Samnay dusri side nazar aa rahi hai.

Yeh "Kel" vali side ka view hai.

Yeh "Arang Kel" vali side ka view hai.

Ab cable car Arang Kel vali side pay kharay banday ko wapis Kel lay janay lagi hai.

[rizwan_mir]

Yeh track hai jo Arang Kel tak jata hai. Kaafi slippery tha keechar honay ki vja say.

Arang Kel track say barfani pahaar ka aik manzar.

Vo mairi bike parked hai Kel vali side pay

[tariq.majeed]

@rizwan_mir bikekoyhan se dekhna b kia khoob he

[rizwan_mir]

Aakhir-kaar hum Arang kel pohonch hi gaye. Kya khubsurat view hai is jagah ka. SubhanAllah, MaShaAllah. Jahan tak mairi information hai Yeh samnay valay pahar ka dusri taraf vala hissa Indian boundry ma ata hai.

Aik Panoramic view. Land, Huts, Meadows, Pine Forest or Baraf Posh Pahar. Ya Allah, duniya kahan kahan abaad hai.

Opposite side ka panoramic view.

Yeh Arang Kel ka rehaishi hai or is nay hum dono ki pictures bnai.

[rizwan_mir]

@rizwan_mir bikekoyhan se dekhna b kia khoob he

G bilkul, Mujhay to achanak bike darakhtoon k beech ma say nazar aai to ma nay moqa na miss kiya picture bnanay ka.

[asifcae]

yara this doli is very scary............... toooo high