A Solo Journey Through Land of Saints(Interior Sindh).....PublicTransport

engr.qasim35 2018-01-30 21:37:29 +0500 #41

Iss qabarastan ko yeh aizaz bhi hasil hai kay yeh Pakistan ka wahid qabarstan hai jahan Sahabi-e-Rasool(S.A.W) ki aakhri aaram gah hai. Main nay wahan bhi hazri di aur Fateha Khawani ki lekin adab-o-ehtraam kay baiss qabar ki tasveer kheenchany say gureez kia.

engr.qasim35 2018-01-30 21:39:01 +0500 #42

Qabaristan say ibrat hasil karnay kay baad raat basar karnay ka socha. Aik dost kay tawast say Badin Cantt mai rehaish mil gayi warna iss ilaqe main tourism ka itna culture nahi hau=i kehaza achay hotel mushkil say hi nazar aatay hain.

engr.qasim35 2018-01-30 21:40:33 +0500 #43

Badin....

engr.qasim35 2018-01-30 21:41:16 +0500 #44

Main bhi wahan tha...

engr.qasim35 2018-01-30 21:47:50 +0500 #45

Aik pur sakoon raat yahan basar karnay kay baad agli manzil Nagar Parker thi. Badin say Mithi janay wali gari pakri jo Thar Parkar ka saddar muqam hai. Wahan ja kar Nagar Parkar ki gari pakri, Yeh safar kafi mushakill safar tha kiyun kay local gari bar bar sawarian utarnay charhanay kay liay rukk rahi thi. 2 ghantay ka safar bamushkil 4 ghantay main mukammil hua. Sark ki halat achi hai aur agar apni gari ho to safar kafi asani say ho jata hai. Mithi puhunch kar Nagar Parker janay wali gari pakri. Iss ilaqay mai safar karnay kay liay aap kay pass asal shanakhti card hona lazmi hai. Rastay main Rangers ki chand check posts aati hain jahan apni entry karwani lazmi hai. NAgar Parker checkpost par Ranger ka Jawan pehlay tou akelay musafir ko dekh kar heeran hua jo Punjab say mehaz chand Mandar dekhnay Nagar Parker a puhuncha tha lekin bil aakhir mujhay pagal kehtay hua chala gaya.

engr.qasim35 2018-01-30 21:50:21 +0500 #46

Mithi Bus Stop

engr.qasim35 2018-01-30 21:57:32 +0500 #47

Nagar Parkar safar karnay walon kay liay aik aur zaroori naseehat kay yahan chand aik achay guest house hai aur rush mai rehaish ka masla ho sakta hai dosra border area honay ki waja say camera ya recording devices ki mumaniyat hai lehaza Rangers ehlkaar say tawan karein aur kisi maslay mai uljhanay say gureez karein. Main jabb Nagar Parker puhuncha to yahan meray pass thernay ka koi intizam na tha. Main nay Rangers checkpost walon say poocha kay yahan koi Army Mess wugaira hai jahan main raat basar kar sakon to un Mehmaan Nawaz logon nay kaha kay agar aap nay sirf raat hi basr karni hai tou main unhi ki pass hi rukk jaon. Uss raat unhon nay Desi Murgh ki Karahi banai thi aur mujhay apnay sath shamil karnay par ba zidd thay. Main nay raat inhi mohabat karnay walon logon kay sath basr karnay ka faisla kia aur rukk gaya. Khasoosi tour par main shukar guzar ho Naik Ustad Mehboob aur Sepoy Imtiaz ka jinhon nay iss musafir-e-be-nawa ki madad ki warna wahan koi aur rasta na tha.

engr.qasim35 2018-01-30 21:59:28 +0500 #48

In mehmaan nawaz logon nay na sirf meray raat ko thernay aur khanay ka intizam kia balkay subah Kasbo aur Jain ka Mandir dekhnay kay liay motorcycle ki sahoulat bhi faraham ki. Main ta zindagi in logon ki mohabat ka qarzdar rahon ga jonhon nay mehaz Pakistaniyat kay rishtay kay naaty meri mushkil assaan ki.

engr.qasim35 2018-01-30 22:00:45 +0500 #49

Nagar Parker ka rest house jis main Mohtram Mehboob sahab ki waja say muft rehaish ki sahulat hasil ki

engr.qasim35 2018-01-30 22:02:17 +0500 #50

Nagar Parker ki haseen subah

engr.qasim35 2018-01-30 22:03:50 +0500 #51

Kasbo ka Mandir. Yeh rasta kacha hai aur chhoti gariyon kay liay moozon nahi hai. Behtar hai motorcycle ya 4*4 gari istimal ki jaye

engr.qasim35 2018-01-30 22:05:55 +0500 #52

Jin ki talash main Punjab kay maidan chorr kar Sindh kay sehra chhan raha tha. Thar ka asal husan jo din badin kam hota ja raha hai. Zahri baat hai jin logon kay pass apnay bachon kay liay roti nahi woh Khuda ki iss makhlooq ko kia khilain

engr.qasim35 2018-01-30 22:07:29 +0500 #53

Yahan iss mandir kay ehatay main kafi morre (peacock) thay lekin acha camera ya achi photography skills na honay ki waja say in ki khubsurti saheeh tarah bayan nahi kar sakta. Yeh ehsaas hai jo sorf mehsoos kia ja sakta hai

engr.qasim35 2018-01-30 22:08:22 +0500 #54

A bit close up.. forgive poor camera quality as I was using my cell as camera..

engr.qasim35 2018-01-30 22:09:43 +0500 #55

Temple close up

engr.qasim35 2018-01-30 22:10:26 +0500 #56

A few days back was their traditional festival so few banners were still there

engr.qasim35 2018-01-30 22:12:16 +0500 #57

History...

engr.qasim35 2018-01-30 22:13:35 +0500 #58

Mandir may rakhay Pathar kay Khuda jo apni qismat pay bhi qadir nahi.

engr.qasim35 2018-01-30 22:15:54 +0500 #59

melay kay liay lagay jhanday

engr.qasim35 2018-01-30 22:17:29 +0500 #60

Qarzdar hoon in doston ki mohabat ka. Bhai Imtiaz kay sath aik yadgar selfie. Inhoon nay meray guide aur driver ka kirdaar ada kia jis kay liay in ka jitna shukria ada karon kaam hai