DAY 05: TOTAL TRAVEL 75KM….
Apni routine ky mutabiq utha ajj ka safar kuch zada nahi tha raikot tak jana tha lakin phir bhi ma apny time se 6 bajy hotel se raikot ky liye nikal para aram se KKH per safar karty subah ky nazaron se lutf andoz hoty ma jaglot pohnch gya or nashta karny ky liye ruka jaglot se nashta kia or phir junction point or nanga parbat view point per ruka or raikot pohnch gya wahan raikot sarai ma bike park kia or sarfraz bahi jis ka hotel hai un se mila unho ny jaty waqt kaha tha ky wo jeep per adjust kar dein gy kisi ky sath or jasy he mila 5 larkon ka aik group jo ready tha tattu village jany ky liye tu unho ny foran se mujhe un ky sath adjust kar dia ma ny saman sarfraz bahi ky hawaly kia or bike park kar ky jeep ma beth gya or tattu ki taraf rawana ho gy thori bohat bat cheet hoi un larko ky sath lakin wo larky shaid mujhe aik ajnabi samjh kar treat kar rahy thy pata nahi kyoin khair ma chup kar ky betha raha or tattu pohncha tu ma ny unhen 1 hazar dy diye hala ky sharing py kam banta tha or hai bhi 1 side tha lakin ma ny phir bhi 1 hazar dy diye or apna bag utha kar fairy meadow ki taraf chal para…pani ki bottle purchase ki or aista aista chalta raha itny ma mujhe aik jagah 5 larkon ka group jo ky Faisalabad se aye howy thy mulaqat hoi kyoin ky Faisalabad ma mery nanky thy or main wahan parha bhi hon tu un se bohat achi gap shap ho gi or unho ny mujhe apny group ky sath shamil kar liya or ma ny un ky sath baqi safar shuru kia bohat achy larky thy hansi Mazak waly Allah unhen khush rakhy jo mujh jasy akely ko shamil kia or puri puri company bhi di hum gap shap karty rukty rukaty 4 ghanto ma fairy meadow pohnch gy bohat yadgar safar hai un ky sath upper pohnch ky late he gy or rest kiya phir ma or aik or dost uthy or khany ka poch wahan tu khana bohat mehnga tha soch se bhi zada phir hotels check kiye un ka bhi rate bohat zada…jo dost mujhe mily un ky kuch dost pehly yahan aye thy or unho ny Shambhala hotel ka bataya tha ky wahan rate baqiyon se bohat munasib hai khair hum sb uthy or shambhala hotel gy tu waqai ma he wo banda bohat acha hai bohat achy se mila or very nice person...Abhi hotel ky mazeed rooms bana raha hai wo is waqt sirf 1 room or camp mil jaty han per jald he mazeed room ban jaen gy hum ny saman camps ma rakha or khany ka order dia dal chawal waqai he us ka rate kafi kam tha hume us ny 1 hazar ma 3 bandon ka camp dia hum ny 2 camp liye or camp bhi bohat achy…kuch idher udher ghoomy phiry jb tak khana ready howa khana khany bethy tu jo dost mily un ka bbq ka plan tha wahan tu chicken bohat mehngi tha 2500 ki 1 murgi phir hotel waly ny mashwara dia ky app baqra ly lein phir decide howa or 6 hazar ma baqra final howa usy hum ny kaha wo baqra laye or hum reflection lake chaly gy wahan pics banai or wahan se signal point gy ta ky apny ghar walon ko bata saken signal point se wapis aye tu baqra aa chukka tha dekha tu munasib tha us ny baqra zibah kia or hum idher udher ghoomty rahy aik bat batata chalo shambala hotel ka view bohat acha hai…suraj ki akhir kirnon ki pics li reflection lake per or phir kuch dair camp ma ja ky rest kia sardi barhti ja rahi thee…itny ma baqra bhi ready ho gya or adhy ghosht ko masala lagaya rat 9 bajy bbq start kia or camp se bahir aa ky sitaron se bhara asman dekha kash dslr hota tu us mily night ki pics zaror leta khair hum 12 bajy tak bbq kia or phir aista aista camp chaly gy kyoin sardi bhi kafi ho chuki thee or phir thakan se choor ho ky so gy…day end…
GILGIT TO RAIKOT….BEST ROAD KKH
RAIKOT TO TATTU…JEEP TRACK
TATTU TO FAIRY MEADOW….HIKING
Junction Point....
