3 INCREDIBLY INTERESTING INCIDENTS THAT HAPPENED WITH ME..
STORY NO 1
13 -14v saal purani baat he, uss waqt mein Nilore colony jo Islambad mein he , mein rehta tha, ye aik nuclear facility mein kaam kerne wale scientists ke rehne ke liye colony he, mere walid bhi aik nuclear scientist they jo retire ho chuke hein, waqya yu he ke mere khwab mei shetan aate they , jo k mujhe is kism ke khatarnaak waswase daalte they jin ka maqsad ye tha k mei Nabi Paak (saw) per eeman rakhna chor du, ya yu kahye ke wo meri Nabi(saw) se mhbt jo her muslman ko hoti he uss mei aik khalal ya daraarr lana chahte they, wo kiyu aisa chahte they aor un ke futur plan kya the, ye to maloom nahi, lekin Allah ne muje kese bacha liya ye iss kahani mein aap dekhei ge, .
jab mei raat kko sota to mei apne aap ko ghar mein kahi soya hua dekhta, phir mei ye dekhta k wo jo mei soya huwa hu , us ko khwab aa raha he k mei ghar mei kahi aor soya huwa hu, aor usko bhi khaab aaraha he k kahi aor ghar mein mein soya huwa hu, yani wo shetan waswasa aise daalte ke mujhe kuch puzzle sa ker dete...phir shetan mere hi ghar waalo ki shakal mei aate , un ki mojoodgi se khof aor ghin si aati, wo aik room mein mere saath hote aor uss room ke cahhat se aik yellow color ka barra sa phool latak raha hotat tha, wo phool ahista ahista neeche aa raha hota tha, wo shetan mujh se kehte they k ager ye phool farsh tak aa gya to hum ye tasweerei bhi farsh per phenk de ge, un shetano k haato mei baltia hoti thi jin mei Roza e Rasool(saw) ki tasaweer hoti thei, phool ahista ahista neeche aata jaata aor wo mujh se kehte jaate ke hum ye tasweere farsh pe phenk de ge, mein bohot ghabra jata aor uss phool ko neeche aane se bachaane ke liye dono haath uski taraf barhaata, lekin mere haat uss phool se peche hi ruk jaate aor zor lagane k bawajood aage na jaate , is liye k ye khaabb shetaano ka waswasa tha aor un hi ki marzi se aata tha, kher phool jab bilkul zameen ke kareeb aa jata to mein is khof se k ye shetan ab Nabi (saw) ki toheen kerte hue tasweero ko zameen pe phenk de ge, mei bohot zor se cheekhta yaha tak ke wo waswasa toot jaata aor mein jaag jaata, mujhe paseene aay hote ...ye khwab mujhe kuch kuch dino baad aata rehta, pehle pehle mei bohot darr gaya aor bohot pereshaan hua, muger waqt ke saath mere ander imaan ki gherat jaagi aor mujhe un shetano per iss qadar ghussa aaya ke dil chahta tha k unse larrai ki jay aor unko qatal ker diya jay, muger bas nahi chalta tha,
PHIR qismat ne saath diya aor aik raat jab mein soya to aik naek khaab dekha, mein ne dekha ke mei HHZRAT BARRI IMAAM ki bethak jo SIMLI dam ke qareeb aik qadeem imaarat he uske paas kharra hu, aor aik mehrab mein HAZRAT Barri IMAM tashreef rakhte hei, mei bohot daer tak unke mubarak chehre ko dekhta raha , unke chehhre per naeki aor buzurgi ka noor chamak raha tha, jab mein ne ji bhar ke dekh liya to unho ne haath ke ishare se mujhe qareeb aane ko kaha, mei un ke paas chala gya, unho ne urdu zuban mei fermaya, " beta her insaan ke saath kuch sheyaateen hote hei, aik shetaan jo aap ke saath he, aap is raste per chalte jaei, wo aapko mil jay ga"..unho ne jis raaste ki taraf ishaara kiya wo aik pakdandi thi..mein uss per chalne laga, bohot daer us pe chalne k baad mei apne hi ghar ponch gaya, (nilore simli dam k qreeb hi he)....ye ghar aik bangla tha jo mere walid saab ko mila hua tha , is bangle ke aage aor peeche lawn they jin ko aik gali ghar ki aik side per apas me milati thi, jab mein gate se enter hua to mei ne dekha k aik admi jo k insano se kahi zyada lamba tha, bangle ke side wali gali se agle sehan mein aaya aor uss se mera amna samna hua, mein ne buland awaz se kaha YA ALI ..us ne kaha tu ne mujhe bohot chhot pohnchai, mein ne phir bulab awaz se kaha YA ALLAH , usne kaha to ne mujhe bohot zakhm diya, mein ne phir buland awaz se kaha, YA RASOOL ALLAH (saw), usne kaha ye tera hamare khilaf bohot barra harba he, ye keh ker wo zameen per mun k bal gira aor besudh ho gaya uss ke mun se khoon bhi beh raha tha, yaqeenan wo marr gaya, phir khaab khatam huwa .... Allah k fazal is khaa ke baad se wo waswasa jo musalsal aa raha tha, aana khatam ho gaya.....
STORY NO 2
mujhe rohaniyat se bohot shaghaf he .. is liye mei kabhi kabhi mehfil e samaa sun ne k liye Golrra shreef jaya kerta tha, samma ki mehfil sun ker aor darbaar mein kuch daer beth ker bohot sukoon milta tha, apne issi rujhaan ke hawale se mei ne golra shreef k peer saab Naseer ud deen naseer (marhoom) se baet bhi ki, (ye aik aor baat he ke mujh mei koi baat sufio wali nahi, nihaya be amal admi waqe huwa hu..Allah mujhe naek kare) kher, waqya kuch yu he ke aik martaba mei golra shareef gaya aor samaa ki mehfil shuru hone wali thi, mei bhi waha beth gay aor intezar kerne laga k mehfil shuru ho, mera dil chaha ke naswar daali jay..(ittefaq se mujhe ye aadat he..:))..kher mein ne dil mein socha k ye aik naek logo ki jaga he yaha naswaar pata nahi mehfil ke aadab ke khilaaf samjhi jati hogi, abhi mei yehi soch raha tha,..k mein ne 2 logo ko aate huwe dekha , wo mere samne aa ker ruke, un mei se aik ne dusre se poocha, " yaha naswar daal sakte hei, ye aadaab ke khilaaf to nahi" doosre ne kaha, " nahi nahi, be fikr ho ke daalei, kuch nahi hota"..ye log ye baat keh ker wahi chale gaye jahan se aay they, yaani koi 40-50 qadam door khare ho ker batei kerne lage, ..mei bara heran hua aor khush bhi hua k chalo in logo ki baato se ittefaqan mujhe apne sawal ka jawab mil gaya, muger agli baat aapko ussi tarah impress kare gi jese mujhe kiya, yaani naswaar daalne k baad mei ne aik aor baat dil mei sochi, wo ye k Pir Mehr Ali Shah k mizar ko dekhte huwe mei ne socha ke is mizar ki maghrabi samt se tasweer li jay to bohot umda aay gi muger pata nahi yaha tasweer lene dete hei ya ye adaab ke khilaaf samjha jata he..abhi mein ye hi soch raha tha k wo 2 log phir chal ker mere samne aa ker ruk gaye, aik ne doosre se pucha , " mizar ki tasweer maghrebi samt se li jay to bohot umda aay gi muger yaha pata nahi tasweer lene ki ijazat he ya nahi, aor isse kahi khilaaf e adab to nahi samjha jata" (usne ne bilkul wohi baat boli jo mei ne dil mei sochi thi)..doosre ne kaha "nahi nahi janab be fikr ho ker tasweer lei , ye baat khilaaf adab nahi"..ye batein keh ker ye dono purisrar log phir wahi ja ker batei kerne lage jaha se chal ker aay the..
STORY NO 3
ye waqya bohot khoobsurat he inshAllah aapko maza aay ga..ye un dino ki baat he jab mei student tha..taqreeban 13-14 saal pehle ki baat he..mei nilore mei hi apne ghar mei so raha tha, mei ne karwat li to kuch aankh khuli aor mei zara sa jaga, .. us waqt mei ye soch raha tha ke ager mere paas pese hote to mei Dehli mei ja ker Hazrat Nizamuddin Awlia ki qabar ki ziyarat kerta,..kher ye baat sochte sochte mei dobara so gaya..najane wo koi qabooliyat ki gharri thi..jese hi mei soya aor gehri neend aai to mei ne dekha k mei ghar se chala safer ker k faizabad poncha waha se lahore ki bus pe betha aor lahore poncha,, phir waha se bhi mei aik bus per betha aor Dehli poncha, phir bus se uter ke mei aik bazar mei aa gaya, mei chalta ja raha tha k bazar mei aik mehraab nazar aai mei uss mehrab mei dakhil ho gaya..jese hi mei uss mehraab se us mizar mei dakhil hua to dekha k aik seat per koi peer saab bethe hei aor un k paas aik mureed kharra he, unho ne mujhe dekha to wo mureed kehne laga " lo ji o bacha aa gya je o bacha aa gya ay"..jese usko pata tha k mei aa raha hu...wo dorra dorra mere pass aya aor kaha aap jote utar dei, mein ne jote utaare to uss ne baghal mei daab liye, aor mujhe saath le ker aik qabar per le gaya...uss qabar per takhti per sahib e qabar ka naam likha deka to maloom hua k yehi hazrat Nizamuddin Awlia ki qabar he..mein us qabar se lipat ker rone laga, kafi daer issi tara guzri phir mei ne Allah Paak se dua kerni shuru ki aor iss mubarik hasti ka wasta de ker Allah paak se bohot kuch mang hi raha tha k wo mureed bola ," kuch mang lo , kuch nahi tuhade palle" darasal mei abhi tak Allah paak se rohani mushahidat hi mang raha tha, aor us mureed ne ye baat iss liye kahi k wo chahta tha mei dunya ki nematei bhi mangu..chunanche mein ne Allah paak se dunyawi namete bhi mangi..iss ke baad 2 larke jinho ne bohot khubsurat mughlia type ka libaas sufed color ka pehna hua tha aor sir pe topia peni hui thi..mujhe saath le ker mizar se bahar aay aor hawa mei chalne lage, mei bhi hawa mei chalne laga..hawa mei chalte chalte un mei se aik ne mujh se poocha, " aap parhe hue hei" mei ne kaha mein ne abhi matric kiya he....usne kaha "matric kia hota he"..mei ne kaha angrezi zuban mei 10 jamaat dars parhne ko matric kehte hei...kher abhi ye baatei ho rahi thi k mujhe hawa mei chalte chalte neeche apne ghar ki chhat nazar aai aor khaab khatam ho gaya....
mere saath aise aor bhi bohot saray waqyat pesh aa chke hei, aor abhi bhi kabhi kabhar koi aisa waqia pesh aa hi jata he..ye sirf aor sirf Allah ki mehrbani he..umeed he aapko pasand aay honge...