Shair-O-Shairi (Poetry) Thread

[kaokabm]

"Yeh chubhan akailay pan ki
Ye laggan udaas shab se...

Main hawa se lrr raha hoon
Tujhe kya bataoun kab se''

''Ye saher ki saazishen thien,
K ye inteqaam-e-shab tha..

Mujhe zindagi ka sooraj
Na bacha saka ghazab se'

''Tere naam se shafaa ho
Koi zakham wo ataa kr...

Mere naama br.! Milay to
Usay kehna ye adab se"

''Wo jawaan rutoon ki shaamein,
Kahan kho gaiyi hain Sagar.

Main to bujh k reh gaya hoon
tu bicher gaya hai jab se..!

[kaokabm]

Kabhi Teri Rafaqat se Nikalna hi nhi Mumkin !

Kabhi Daaman Churra lena buht Asaan lagta hai !

Kabhi Tum Ro0thte ho to Ajab Mushkil C Parrti hai !

Kabhi Tujh ko Mana lena buht Asaan lagta hai !

Kabhi Samjha kro kuch Faisle Halaat Krtey hn !

Kabhi Waaday Nibha lena buht Asaan lagta hai !

Kabhi kuch Din Tumhare bin Guzertey hi nhi Lekin !

Kabhi Muddat bita Dena buht Asaan lagta hai.

[kaokabm]

hamaare un ke maraasam kii baat mat puuchho
ye silsilaa to kahin duur jaane se miltaa hai

hai apane muqaddar kii baat kyaa kahiye
hamaare zakhm ko maraham kahaan se miltaa hai

hamaare pyaar ke qisse galii galii bikhare
ye maratabaa bare suud-o-ziyaan se miltaa hai

sitaron jaisii ye aankhen ye chaand sa cheharaa
tumhaaraa silsilaa kuchh aasamaan se miltaa hai

hamaaraa zikr kitabon me dhuundhane vaalo
hamaaraa zikr to sare jahaan se miltaa hai.

[kaokabm]

{Mohsin Naqvi}

Udaasiyoon ka ye mosam badal bhi sakta tha,

Wo chahta to mere sath chal bhi sakta tha!!

Wo shakhs tu nay jisay chornay mein jaldi ki,

Tere mizaj k sanchay main dhal b sakta tha!!

Wo jaldbaaz khafa ho k chal dia warna,

Tanaziaat ka koi hal
nikel b sakta tha!!

Anna nay hath uthanay nahien diye warna,

Meri dua say wo pather pighal bhi sakta tha!!

Tamam umar tera muntazir raha MOHSIN,

Yeh aur baat , wo raasta badal b sakta tha..

[kaokabm]

Tujhäy Fur$at Nahi Mili Håmåy Pärhny ki Wärnä..!
Hum Teray Shehar Mei Biktey Rahey kitabon ki Tarah.....

[kaokabm]

Shikasta DiL hoon Mgr muskra k milta hoon . . .

Agr ye fun hai to aaya hai ik azaab k baad..!

[kaokabm]

Tasveer woh Shahkaar C Laakhon May Bik Gai...

Jis Me Baghair "Roti" k Bacha Udaas Tha!

[kaokabm]

Un ka
andaz-e-karam un pe wo aana dil ka ,,,

Hay wo waqt wo batain wo zamana dil ka ,,,

Dil lagi, dil ki lagi ban k mita deti hay ,,,

Rog dushman ko bhi ya rub na lagana dil ka ,,,

Un ki mehfil me '' un k tabassum ki qassam ,,

Daikhte reh *** hum hath se jana dil ka.

[kaokabm]

Barish ki tarah boondo nay jab dastak dee darwaze par.

Mehsoos hua tum aaye ho, andaz tumhare jesa tha..

Hawa k halkay jhonkay nay jab aahat ki khirki par.

Mehsoos hua tum chaltay ho, Andaz tumhare jesa tha..

Main nay boondo ko apne hath par tapkaya to.

Ek sard sa ehsas hua, Lams tumhare jesa tha..

Main tanha chala jab barish me, Ek jhonke nay sath diya.

Main samjha tum sath ho meray, Ehsas tumhary jesa tha..

Phir ruk gayi wo barish bi rahi na baki aahat bi.

Main samjha muje tum chor gaye, ANDAZ tumhare jesa tha...

[kaokabm]

Wohi aahaten dar_o_bam pr
Wohi ratjagon k azab hain
Wohi adh bujhi meri neend ha
Wohi adh jaley mere khwab hain

Mere samny ye jo kehkashan
Ki hy dhund had_e_nigah tak
Paray is k jaany haqeqtain
Ya haqeqton k saraab hein

Kabi chaha khud ko smaitna
To bikhar k or b reh gye
Hein jo kirchi kirchi paray howay
Mery samnay merey khawab hein

Ye na pooch kese basar kiye
SHB O ROZ kitny peher jiye?
Kisy raat din ki tmeez thi ?
Kisay yad itny hisab hein..!

[kaokabm]

Gham-e-Firaq Se Pehlay, Shab-e-Visaal K Bad..

Hai Or Kya Jise Dekhein Tere Jamal K Bad..

Tamam Omar Kati Intezar Mai Apni..

Koi B Dukh Na Mila Phir Tere Malal K Bad..

Jawab Mil Geya Mujhe Teri Khamoshi Se..

Tumhare Lafz Q Khoye Mere Sawal K Bad..

Main Teri Yaad K Chehray Ko Dhaanp Doon Lekin

Bachay Ga Kya Meri Jholi Mai Is Kamal K Bad..

[kaokabm]

Aur Bhi Ker Daita Hai Dard Mein izaafa...
Tere Hotey Houay Ghairoon Ka Dilaasa Daina.....

[kaokabm]

Zamana dost ho jae to bohat mohtat ho jana.

K is k rang badalney main zara si dair lagti hay..

Koi jo khwaab dekho to ussey foran bhulla dena...

Ke neenden toot janey main zara si dair lagti hay...

Kisi ko dukh kabhi dena to itna soch kar dena...

Kisi ki aah lagney main zara si der lagti hay.

[kaokabm]

Fiza Maghmoom Hai Saaqi Utha Chalkaen Paimana,

Andhera Barrh Chala Hai La Zara Qandeel_E_ Mekhana,

Ba_Faiz_E_Zindagi Guzry Hain Aysy Marhalon Se Ham,

K Apny Raasty Men Ab Na Basti Hai Na Veerana,

Bas Itni Baat Par Dushman Bani Hai Gardish_E_Daoran

Khata Yeh Hai K Cherra Q Teri Zulfon Ka Afsana,

Chirag_E_Zindagi Ko Ek Jhonky Ki Zroorat Hai,

Tumhen Meri Qasam Hai Phir Zara Daaman Ko Lehrana,

Teri Mehfil Men SAGHAR Sa Bhi Koi Ajnabi Ho ga,

Yeh Zaalim Ek Muddat Se Na Apna Hai Na Begaana..

[kaokabm]

Usay kehna
Ye Duniya hai!

Yahan Har Shakhs Matlab ki!
Haddon Tak sath Chalta hai!

Junhi Mausam Badalta hai!

Muhabbat k Sabhi Daawe!

Sabhi Qasmen!
Sabhi Waade!

Achanak Toot jate hen!

Usay kehna!
Ye Duniya hai!

Yahan Har Morh pe Apni!

Sada Aankhen Khuli rakhna!

Koi Kitna bhi Acha ho!

Koi Kitna bhi Sacha ho!

Magar Aitebar Mat karna!

Usay kehna!
Ye Duniya hai!

Yahan Piyar Mat Karna.

[kaokabm]

Dunya main sath daina pasand nahe kartay log..
Jan nikal jaye to kandho pe utha letay hain

[kaokabm]

Tan zindagi di hai chas andi je samney teda gher howy
Tedey rukh mehtab koon raj dekhan har weley khuliya teda dar howey
Main piyar apna kharid ghina medey kool je chokha zar howey
Karan porey arman sarey teda seena howey meda sar howey

[kaokabm]

Ye Mizaj-E-Yar Ko Kia Hua Unhen Mujh Se Pyar Hy Ajj Kal

Meri Justaju Meri Guftagu Mera Intzar Hy Ajj Kal

Tere Khatoot Nikalna Kbhi Dekhna Kbhi Chomna

Yehi Mashgala Yehi Silsila Yehi Karobar Hy Ajj Kal

Akela Na Ghar Se Nikal Mian Zara Dekh Bhaal K Chal Mian

Bari Abtari, Bari Rehzani, Bari Loot Maar Hy Aj Kal

Isy Qatal Kr Usy Qatal Kr Tujhe Saat Khoon Muaf Hein

Teri Saltanat,
Tera dabdaba,
Tera Iqtadar Hy Aj Kal

Arey KAIF Kal To Tu Rind Tha Mere Yar Tujh Ko Kya Hua

Bara Mazhabi, Bara Paarsa,
Bara Deen'dar Hy Aj Kal..

[kaokabm]

Ghafil teri
Yadon se hua main to nhi tha

Tu tha hi Juda
tujh se juda main to nhi tha

Ja tu meri guftar k Qabil hi nhi hai

Ye lafz kbi keh k gaya main to nhi tha

Besakhta
Ghabra k pukara tha tu na

Warna tere honton ki sada main to nhi tha

Koi to mere jurm ki tafseel bata de

Ay dost tere Haq main bura main to nhi tha..!!

[kaokabm]

Khwahishon k Aangan main raat din bseray thay,

Titliyan tumhari thin aur phool mere thay,

Chand aasmano se jb zamin pe utra tha,

Dekhnay main ratain thin asal main sweray thay,

Tere pas basnay ki khai thi qasam lekin!

Shehar b praya tha log b luteray thay,

Lut gaey hum dono to qasoor kis ka hay?

Khwahishen tumhari thin, feslay to mere thay..!