SAHELI: Ab Kaho Too Nay Kaha Tha Kuch Bataon Gi
SAKHI : Socha Hai Ab Kay Khawab Ka Chehra Banaoon Gi
SAHELI: Teray Sajan Nay Kisi Say Nata Jora Too?
SAKHI : Parwa Nahi, Koi Khatir Main Nahi Laon Gi
SAHELI: Janti Hai Mard To Bay-Dard Hota Hai
SAKHI : Woh Doul Jaye Ga Jab Main Kajal Lagaon Gi
SAHELI: Us Ko Bhaati Hai Sada Kalian Chatakhnay Ki
SAKHI : Mahboot Ho Jaye Ga Jab Main Gungunaoon Gi
SAHELI: Teray Sajan Ko Hiran Ki Chal Bhaati Hai
SAKHI : IS Chal Say Eemaan Us Ka Dagmagaoon Gi
SAHELI: Khawab Wadi Main Ussay Bheji GI Too Kiun Kar
SAKHI : Main Reshmi Baloon Ka Jab Jadoo Jagaoon Gi
SAHELI: Sab Gilay Shikway Bhala Woh Kab Bhulaye Ga
SAKHI : Palkon Ki Jhalar Ko Main Jab Yak-Dum Uthaoon Gi
SAHELI: Teri Batoon Main Nahi Aaya to Kya Hoga?
SAKHI : Hoton Ki Laali Say Main US Ko Aazmaoon Gi
SAHELI: Yeh Bhi Mumkin Hai Kay Tujh Ko Chorh Jaye Woh
SAKHI : Is Zulf Ki Zanjeer Say Us Ko Bandh Laoon Gi
SAHELI: Agar Yeh Saari Koshishain Beqaar Niklin Too
SAKHI : Ashkoon Say Bhi To Kaam Kuch Na Kuch Chalaoon Gi
SAHELI: Har Baat Sajan Ki Tujhay Maloom Hai Kaisay
SAKHI : Ab To Janay Day Main Phir Aakar Bataoon Gi
(Poet : Fakhira Batool)
