Shair-O-Shairi (Poetry) Thread

[kaokabm]

QaabiL E Daad HaiN Yeh AaNkheN K In AaNkhoN Se,
Khud Hi Pa'maaL Huwy, Khud Hi Tamasha Dekha...!

[kaokabm]

Meri Zindgi ki kitab ka hai warQ warQ Yun saja hua
Sare-ibtida, Sare-inteha Terà naam Dil py likha hua
YE chamak Damk to Fareib hein, MUjhy dekh Gehri Nigah se
Hei Libas mera Saja hua, Mera Dil magr hai Bujha hua
Meri Ankh teri Talash me yon Bhatakti Rehti hai Raat DIN
Jese jangaloun me koi "HIRAN" HO shikariyon me Ghira Hua.

[kaokabm]

NikLa Tha Ghar Se Sakoon Ki TaLaash Me...
Dekha To JungLon Me Thay MeLay Lagy Hue....

[kaokabm]

Humdardiyaan, Khaloos', Dilaasaey', Tasalliyaan....
Dil tootney k Baad Tamaashey Boht howey....!

[kaokabm]

Agar wo poch le hum se, tmhe kis baat ka gham hai...
To phir kis baat ka gham ho, agar wo poch le hum se.

[kaokabm]

Hona to Wohi ha Jo Muqaddar ma likha Ha ....,,
Lakin Ye mere Khuwab, meray Khuwab, meray Khuwab.......!!!

[kaokabm]

Naseehat roz bikti hai Aqeedat roz bikti hai
Tumhary shaher mein Logo mohbat roz bikti hai
Amir_e_Shahir k dar ka Abi mohtaj hai mazhab
Abhi mulla k Fatwoon mein Shariyet roz bikti hai
Hmare khoon ko bhi woh kisi din Beich daly Ga
Khridaroon k jhurmat mein AdaLat roz bikti hai
Najany Lutf kiya milta hai un ko roz bikny mein
Tawaif ki Tarha Logo Qayadat roz bikti hai
Kabhi masjid k mimber Par Kabhi hujry mein chhup chhup k
Mere Waiz K lahjy mein Qayamat roz bikti hai.
Bari Lachaar hain 'ATIF' jabinein in Ghariboon ki,
K majboori ki manddi mein Ibadat roz bikti hai....!

[kaokabm]

Raqs karta rahy phirta rahy khushbu ka khumar
Meri khawhish k jaziron mai tabasum tera
Tu magr ajnabi mahol ki parwarda kiran
Meri bujhti hoi raton ko sehar kar na saki

Teri sanson mai masiha'e thi lakin tu b
Chara e zakhm e gham e deed-a-tar kr na saki
aRey tujko ehsas he kab hai k kisi dard ka dagh
Ankh sy dil main utar jae to kia hota hai

Tu k simab tabyat hai tujhe kia maloom
Mosam e hjr thehar jaey to kia hota hai
tu ne es mor pa tora h taluq k jahan
Dekh sakta nahi koi b palat kr jana

ab ye alam hai k ankhain jo khulain gi
apni Yad ay ga teri deed ka manzar jana
Mujhse mangey ga tere ehd-e-mhabat ka hisab
Tere hijran ka dehakta hoa mehshar jana

yun mere dil k brabar tera ghum aya hai
Jese sheeshay k muqabil koi pathar jana
Jese mehtab ko be-ant samandar chahey,
Mene es tour sy chaha tujhey aksar jana..

[kaokabm]

Abhi tum sa tha koi ru baru, tumhain yad hum ne bohat kia
Bari rus bhari thi wo guftagu, tumhen yad hum ne bohat kia
Wohi mast ankhon ki mastiyan, wohi chand chehre ki chandni
Wohi arz-e-hal tha hu-bahu, tumhen yaad hum ne bahot kia
Wohi hont the wohi phool the, wohi bemisal udasiyan
Wohi khuwab tha wohi arzu, tumhen yaad hum ne bahot kia
Wohi arzu-e-wisal thi,jo Roz o shab ki misaal thi
Wohi dilkashi wohi rang-o-boo, tumhen yaad hum ne bohat kia..

[kaokabm]

Hairton k silsly Soz-e-Nihan tk aa gaye,
Hm Nzar tk chahty thay tum to Jaan tk aa gaye
Unki palkon pr sitaary apny honton py hansi,
Qissa-e-Gham kehty kehty hm kahan tk aa gaye
Apni apni justju hy apna apna shoq hy,
Tm Hansi tk b na pohnchy hm Faghaan tk aa gaye
Rafta rafta Rang laaya Jazba-e-Khamosh Ishq
Wo Tghaful karty krty Imtihan tk aa gaye
Khud tumhein Chaak-e-Greybaan ka Shaoor aa jaye ga
Tm Wahan tk aa to jao hum jahan tk aa gaye.

[kaokabm]

Zindagi Pr Kitaab Likhon Ga,
Us Me Sara Hisaab Likhon Ga.

Peyar Ko Waqat Guzari Likh Kr,
Chahton Ko Azaab Likhon Ga.

Hoi Barbad Mohabat Kesy?
Kesy Bikhrey Hen Khawab Likhon Ga.

Apni Khwahish Ka Tazkra Kr K !
Naam Us K Jawab Likhon Ga.

Us Ki Ankhen Sharab Ki Manind,
Us Ka Chehra Gulaab Likhon Ga.

Me Us Sy Judai Ka Sabab !
Apni Qismat Kharab Likhon ga.

[kaokabm]

Safar-E-Wafa ki raah me manzil jafa ki thi,
Kaghaz ka ghr bna k b khuwahish hawa ki thi,

Thi jugnoun k shahar me taaron sy dushmni,
Mashooq chaand tha aur tamana subha ki thi,

Tum ne to ibadat ka tamasha bana diya,
Chahat Nimaz ki thi pr aadat kaza ki thi,

Me ny to zindgi ko tery naam likha tha,
Shayad mgr kuch aur hi mrzi khuda ki thi!

Drd hi dena tha to pehly bata dety,
Hm ko b azzl sy hi tamana szza ki thi..

main ba wafa the islie nazron c gir gae,.
Shayad tumhen talash kisi be wafa ki thi

[kaokabm]

Ye Jafa_e_Ghm ka chaara, Wo naJaat_e_Dil ka Aalam ,,
Tera Husn Dast_e_ESSAA, Teri yaad Rooh_e_MARYAM ,,

Teri deed se sivaa hay, Tere Shauq mein Baharaan ,,
Wo chaman Jahan Giri ha, Tere Gesuuon ki shabnam ,,

Lo Suuni gai Hamari, Yun Phiray hein din k phir se ,,
Wohi Goshaa_e_Qafs ha, Wohi Fasl_e_Gul ka Maatam ,,

Ye aJab Qayamatein hein, Teri Rehguzar mein Jaanan ,,
Na hua k mar metay Hum, Na hua k Ji Utthe hum!

Faiz A. Faiz

[kaokabm]

Udas mat huwa Karo.. Udas Mat Kiya Karo..
Ye ashk Teri ankh ke, Udas Sham ki trha,
Brha rahe hain Dukh Mere, Adhure jaam ki trha,
Jo ranj o gham k saye hain, Ye Hum ne khud bnaye Hain,
Ye Khwab to Azab hain, Jo ankh mie sjaye hain,
Ye dard dhul hi jayen ge, Ye Waqt beet Jaye ga,
Jo Hum nhi to na sahi, Koi to Jeet Jaye ga
Jo taiz kr de Dhrkanen Wo Naam mt liya kro
Jo ho sky to hum-nasheen Hansi Khushi JIYA kro Udas mat hwa kro

[kaokabm]

Ankh ki nadiya, ashk ki nayya, yad tmhari, Chand ki rat,
Jharna,jugnu, tim tim taary, kitni pyari Chand ki rat,

Sookhy patty, sard hawaen, sooni sarken, men or tum,
Shah or malka hath hn thaamy, Or darbari Chand ki rat,

Mera bachpan, Dor patangen, pakki neenden, kachy ghar,
Chupan chupai, cheena jhapti, Raj dulari Chand ki rat,

Tash k patte, yar hamare, maili chadar, Gehri chaal,
Saans ka huqqa, behki baten, Ham pe taari chand ki rat...

[kaokabm]

Sab Ne Chaha k use Hum Na Milen,
Humne Chaha k use Ghum Na Milen,

Agar Khushi Milti Hai Use Hum Se Juda Hokar
To Yehi Dua Hai K Use Kbi Hum Na Milen!...

[kaokabm]

Meri chahat tha wo meri anna bhi tha,
Mere khamosh lehjon ki wo ik sada bhi tha,
Rehta tha subha-o-sham wo mere wajood mein,
Meri awaz mera lehja wo meri adaa bhi tha,
Deta tha mujhko zakham wo be-hisab magar,
Hum-dard bhi tha mera wo meri wafa bhi tha,
Ab us k ziker per aksar main khamosh rehta hoon,
Kabhi meri mohabbat ki wo inteha bhi tha,
Ajab kash-ma-kash thi meri zindagi mein,
Poojna usay bhi tha aur dil mein Khuda bhi tha.

[kaokabm]

Sach kahun to Meri JaaN!
Daaman-e-Mahabbat me, Sirf Bad'Naseebi he,
Sirf Be'Yaqeeni he. Is Haseen Jazby k,
Pur'Waqaar Sehra me, Manzilen nhin milteen,
Sirf Raahi milty hain, Jo bhatakty phirty hain.
Tum bhi lot jao gy, Tum bhi Toot jao gy,
Sb se Chhoot jao gy. Lotny ka socho gy,
Lotna na chaho gy. Daaman-e-Mahabbat k,
Pur'Wasi Jazeery pe, kashtiyaan jala k bhi,
Khaali Haath phirty hain, Nangy Paaon chalty hain.
Raah k sbhi kaanty, Ungliyon se Chunty hain.
Phir bhi Murr k dekho to, Khaar Bikhry rehty hain.
Pair Zakhmi hoty hain, Phir bhi Kuch nhin paaty.
Ek Ajeeb Wehshat me, Baar'ha guzarty hain.
Is Ajeeb Sehra se, Rait Chunty jaty hain,
Muthiyon me bharty hain. Sar pe khaak parrti hy,
Khilkhila k Hansty hain, NaiN bhi Barasty hain.
Is liye to kehti hun, Daaman-e-Mahabbat me,
Sirf Bad'Naseebi he, Sirf Be'Yaqeeni he..!

[kaokabm]

Laina paray ga ishq men tark_e wafa se kaam
Perheez is maraz men hy behtar elaaj se..

[kaokabm]

Teray harf-o-Lab ka talism tha, meri aab-o-taab me reh gya,
Wo kisi gulab ka **** tha, jo meri kitab me reh gya,
Meri bat bat me roshni, mere harf harf me dil-kashi,
Tu mere shareek-e-wisal-e-jan, meray hr nisaab me reh gya,
Koi phool ban K bikhr gya, koi baat ban k bigar gayi,
Na sawal koi Labo pe hai, na gila jawab me reh gya,
Tuje kya bataen k kya howa, wo saroor-e-raqs-e- wafa gya,
Na gunah me rahi baat wo, na maza sawab me reh gya..