Shair-O-Shairi (Poetry) Thread

[wik_a]

Bush ko ager joota na laga to kiya defect hei
Aakhir jootay ki bhi to koe self-respect hei

[Beautiful_Soul]

Yeh keh ke nikaal diya humain karai ke makanon se
Tu shaheen hai basera kar paharoon ki chatanon pe

[s55]

hahahaha

[Beautiful_Soul]

Bola dukaandar kiya chahye tumhain
jo bhi kahuge meri dukaan pe wo paoge
maine kaha ke kutte ke khane ka cake hai
bola yaheen pe khaoge ya ghar leke jaoge

[TrueEye]

Dekhne do apne chehre ko jee bher k humain Salman
Muddat hoe in ankhon ne koe begherat nahi dekha

first i was like, what happened to wik_a

and then the next moment I was LMAO!! :d

Salman, now you have to take your retribution, its a must!!(6)

[salman_ksa]

I already took :d

Wo mila to kehta tha pilot banu ga Salman...
Zindagi ki ranjishon nei Wakar ko Jahaaz bana diya.

[TrueEye]

LOL! you guys are amazing :d

lets spoil the romantic ambiance created by s55 and company

[wik_a]

@TrueEye

lolz aik aur peshekhidmat hei

Tere lot anay se yei ehsaas hoa Salman
Ke jithey di khoti othay aan khaloti

[wik_a]

Jane kis baat pe us nei mujhey chora hei Nauman
Ke wo Salman jo kisi k 10 rupay nahi chorta

[s55]

Jan ka roag bn jata aik din malal us ka
Sard khana-e-dil mein rakh diya khayal us ka

Aik din ki doori pr,khwab-e-wasl roshan hai
Shab hoei to aay ga dheaan mein jamal us ka

Phool, muskurahat aur chnd hsraton kay sath
Poochnay gaey hm bhi, aik roaz haal us ka

Natawan hai kuch dil bhi,kuch swal bemani
Toar kr nikal aay aur woh bhi jaal us ka?

Hum jwab kya detay, khud swal bn bethay
Is qadar achanak tha,hm say ik swal us ka

[s55]

Yoonhi dosh per sambhaale
ghani zulf ke do shaaley
wahi saanwali si rangat
wahi nain neend waale
Wahi man pasand qaamat
wahi khushnuma sarapa
jo badan mein neem khaabi
to lahu mein rat-jaga sa
Kabhi piyaas ka samandar
Kabhi aas ka jazeera
wahi meherbaan lehja
wahi mezbaan wateera
Tujhe shaairy se raghbat
usey shair yaad mere
wahi uss ke bhi qareenay
jo hain khaas wasf tere
Kisi aur hi safar mein
sar-e-raah mil gayi thi
tujhe aur kia bataoon
woh teri tarah koi thi!
Kisi sheher-e-be-amaan mein
main watan badar akela
kabhi maut ka safar tha
kabhi zindagi se khela
Mera jism jal raha tha
woh ghata ka saaibaan tha
main rafaqaton ka mara
woh meri mizaaj daan tha
Mujhe dil se usne pooja
usey jaan se maine chaha
isi humrahi mein aakhir
kahin aa gaya doraha
Yahan gumrahi ke imkaan
usey rang-o-bu ka lapka
yahan laghzishon ke saman
usey khaahishon ne thapka
Yahan daam they hazaron
yahan har taraf qafas they
kahin zar zameen ka daldal
kahin jaal they hawas ke
Woh fazaa ki faak

[s55]

Baton se bhee ye gham kyon kam naheen hote
Aansuon se dil ke kone nam naheen hote

Thee bahut umeed to apnon se is dil ko kabhee
Par hameshaa saath ye hamdam naheen hote

Bebasee hansne lagee khaamoshi ab hai goonjtee
Band kamron men koyee mausam naheen hote

Jab khushee hai naachtee gaatee hai man kee har kalee
Un gharon men kyaa kabhee maatam naheen hote

Pyaar sab miltaa jinhen ranjish naheen koyee kabhee
Kyaa kabhee aise dilon men gham naheen hote

Yaad to karte hain unko ham sadaa hee raat din
Khwaab men unke kabhee kyaa ham nahe hote

[Beautiful_Soul]

Kitni umda qabr ki hai ik shauhar ne talash
Refrigerator mai rakh di bekafan biwi ki laash
Chal pari yeh rasm tu dushwar hujai gee maut
Zindagi su jai gee baidaar hujai gee maut
Kaun shauhar se kahai bhai yeh kiya karte hain aap
Usko thandak de rahain hain jisko puhanchi thi bhaanp
Chahye yeh tha ke khud bhi munjamid hu jatai aap
Bad-e-murdun ahlia se mutahid hu jatai aap
Kardia hai aapne biwi ke laashe ko freeze
Is amal se wapis ajaigi kya jaan-e-aziz
Bhai shauhar aapko yeh bhi nahi aya khayal
Rooh kya jamhoriyat hai jo dobara hu bahal
Murda biwi ko jo phir dekha tu dar jainge aap
Wo dobara hugayi zinda tu marjainge aap

[Beautiful_Soul]

Agar che poora muslman tu nahi laikin
Mai apne deen se rishta tu jor sakta hun
Namaz o rooza o hajj o zakat kuch na sahi
Shab-e-barat patakha tu chor sakta hun

[Beautiful_Soul]

Shair ka mayar ayenda gala reh jaiga
Shair gau koi na huga shair ga reh jaiga
Maine tu likhdia urdu mai bait-ul-anqaboot
Dosra aalim tu hijay sochta reh jaiga

[Beautiful_Soul]

Ke Suna hai nisaf behtar bhi kaha jata hai begum ko
Tu kia iska yeh matlab hai ke shauhar hai kharab adha
Jo matlab ki ibarat thi usse panjon se ghis dala
Kabotar le ke aya hai merai khat ka jawab adha

[Beautiful_Soul]

Tanha na mera urs mananai ke liye aa
Do char mujawir tu thikanay ke, liye aa
Newyork ke qawal ne yeh likha hai mujhe
Sangat hi sahi tabla bajanai ke liye aa
Yeh amad-o-raft aisai hi jari rahai janaa
Anai ke liye jaa kabhi janai ke liye aa

[salman_ksa]

lets spoil the romantic ambiance created by s55 and company

This is why we're here, right Wakar ?

[salman_ksa]

Us ki gumsum saadgi per mat jao Nauman
Wakar bhi bagherat hai andr se meri terha

:d

[salman_ksa]

Bara naaz tha un ko apni dhoti per Nauman
Kal jab hawa chali to Wakar ki izat khul gae.

p.s, Shame shame, Wakar